Misye 5:3 - Cebaara Bible 2010

³ Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Misye 5:3 Iomraidhean Croise

1 Fànʔafɔbèle 14:16

Wi a Isirayɛli ye le keele ni kapeegèle kéele na, gele Zyerobowami kpéʔele lè, níì Isirayɛli ye kaan pe i ge kpéʔele.»

2 Cányi kèlē 30:7

Yele a kɔ́ pye àmɛɛ yele tóobèle ní yele senyɛnbèle nyɛ lè í, poro bele be kolo Yawe be toolɛɛbèle Kolocɔlɔɔ ma lè, a wi si be kaan kálagili ma àmɛɛ yele nyɛ́nɛ nyɛ gi na lè níjanʔa.

Ŋúnuyi 67:3

Koro ga pye pe mɔ kólogi kéele cán naa tári na, syɔɔli mɔ kaangi lè li kéeli í cán syɛɛnfeleyi myɛ nínge ni!

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 49:6

Wi n jo: «Bi mɔ kpéʔele mii falipyeo, bi ní Zyakɔbi syɛɛnfeleyi yìrige, bi ní lúru pan ní Isirayɛli wogorobèle ní, koro a sèʔé gi yɛlɛ í. Kàjáa mii a mɔ télege mɔ í pye tári syɛɛnfeleye gbɛɛnmɛ. Koro ga pye syɔɔli mii kaangi lè, li nan fwɔɔ tári láʔala na.»

Zyeremii 23:5

«Wéle, canyaa i maa,» Yawe wi jo nya, «yee ni mii a wàa yirige Davidi ni, wee wi sín lè, wi a tɛ́ɛn fǎngi na bi pye fànʔafɔlɔ, wee wi cìlige lè. Wi a ra kérigèle kpéʔele kányɛɛgi ní sínni na tári ni.

Zyeremii 31:1

Yawe n jo: «Lǎli bee ni mii a pye Kolocɔlɔɔ Isirayɛli narigbaayi myɛ ma, pé pye mii syɛ́ɛnbèle.»

Ezekyɛli 34:16

Wee wi pùuni lè mii a wi caa, wee wi còolo lè mii a wi lúrugo pan, wee wi kpàli lè mii a wi námiyi pwɔɔ, wee wi yáa lè mii a fànʔa le wi ni. Wee si ni sìnmɛ nyɛ lè, á wi nìri, mii a wee bee kálagi. Mii a ra be nàʔá ní sínnɛ ní.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Oze sɛ́bɛw 2:14

Mii a wi ɛrɛzɛn tíriri, ní wi děsyaantiiri kálagi, dee kéele na wi da ni gi nyuu lè níì jo: ‹Bele mii kéeli dɛ́nɛ lè, sàraw be kaan mii ma lè, woro wii!› Mii a di kàriga kɔligɔ, sìnbirigi yaweere a di lìi.

Oze sɛ́bɛw 2:9

Wi a taʔa bele na wi kéeli da dɛ́nɛ lè, wi si a be nɛnɛ taa í. Wi a be caa, wi si a be nyaa í. Lǎli bee ni wi a jo: ‹Mii a lúru mii nànzeliw ma, níì cán lǎli bee ni mii maa pye fundaanra na n sɔ̀lɔ lǎli naa na.›

Amɔsi 5:15

Ye kapeeyi yaʔa yi yele bɛɛn, kacànbyeri si yele dɛ́nɛ. Yaa kútiisiɔn kúunri kpàánweeli na, dɔ̀ʔɔ́ Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, woro a nyinimɛ taa Zyozɛfu wóbèle na be kòro lè.

Misye 4:4

Pe myɛ nibin nibin a ra tɛ̀ɛ́n be ɛrɛzɛn tírire, ní be děsyaantiire láara ni, syɔɔn faala a ní pye yaà bàā be tɔ́ɔrɔ í. Níì cán Yawe wi lè Nyɛ̀ʔɛni Sùlasiibéle Kafɔlɔ, woro nyɔ́ɔgi ki gi joo.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Misye 5:7

Zyakɔbi wogorobèle a pye syɛɛnfeleyi nínge ni, syɛɛnfele-nɛʔɛyɛ nínge ni àmɛɛ càaraɔ nyɛ kɔ́ligi yaweere nínge ni lè, ní àmɛɛ càarabɔ-yɛlɛɔ nyɛ yaweeyiligēle gboogéle ni lè, lǎli ni wi ga ni sɔ̀lɔ́ lè, wi n ni dee tánʔana, ní i dee sulugu, syɔɔn a taa bi di syɔɔ í.

Misye 5:8

Ki n yɛlɛ mɔ kɔ́gi í yìri mɔ kasiitun-nyɛ́nbèle ǹjoʔo ni, mɔ nigoobèle myɛ í kwɔ́ɔ bi yiri yaà!

Misye 6:14

Mɔ a ra líi, mɔ si a ra tíngi í, koro a ra mɔ táragi láayi ni, mɔ a ra yáriri kɔngi, yafyɛn si a kɔn bi yaʔa í, yáriree mɔ ga kɔn lè, mii a di kaan ŋɔséew ma.

Misye 7:13

Tári a kálagi di syɛ́ɛnbèle kéele na, koro a pye be kapyegèle tɔ̀nɔ kéele na.

Zakarii 10:6

Mii a Zyuda kpáagi fànʔa kpɔ́ʔɔ, si Zyozɛfu kpáagi syɔɔ. Mii a ní be sámaga télege, níì cán pe nyínimi i nyɛ mii na, pe a pye mɔ a jo mii da be cée í. Níì cán mii wi nyɛ Yawe be Kolocɔlɔw, mii a lóʔo be ma.

Matye 1:21

Wi a pyà see nàɔn. Mɔ si a ra wi mɛ́ɛgi yiri Zyezu, níì cán woro wi a ba wi syɛ́ɛnbèle syɔɔ pe kapeebyeri ma.»

Matye 12:50

Syɔɔn o syɔɔn ga ni mii Tóow nyɛ́nɛ kèlē kpéʔele, wi lè nyɛ̀ʔɛni na, a wi náà pye nàɔn yoo, cɔlɔɔ yoo, wee bee wi nyɛ mii senyɛnw ní i nyɛ mii nɔ́ɔw.»

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Wɔrɔmi ye 8:29

Níì cán bele Kolocɔlɔɔ da téè nyɛ́nɛ n wòlo lè booma ni, wi maa wɔ́ɔ̀ gi kɔ̀rirɔ bi bele bee kàriga pe woro Jáaw wíri, koro ga pye woro Jáaw í pye pìiseliw senyɛn-nɛʔɛmi nínge ni.