Misye 5:2 - Cebaara Bible 2010

² Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Misye 5:2 Iomraidhean Croise

Sélimɛ 35:16

A be yiri Betɛli ni ni syée yɛʔɛ̀ ma. A Arasyɛli pìiwaa see. Tɛ́ɛgi bee, ní Efirata níngi si maa sèʔê léeli n yɛlɛ. Pìíw seeganma si maa tɔ̀nɔ n gbàn.

Sélimɛ 35:19

A Arasyɛli kùu, a be wi tɔ́n Efirata kólogi nyɔ́ɔ na. Efirata wi lè Bɛtilehɛmi.

Sélimɛ 48:7

Lǎli ni mii yìri Padan ma ni maa lè, ní baa kòro cɛɛri si nan Efirata na, a Arasyɛli kùu mii taana yaà beè Kanaan tári ni n mii yaʔa tánʔani na. A mii wi tɔ́n nɛɛ bee Efirata kólogi nyɔ́ɔ na. Efirata wi lè Bɛtilehɛmi.»

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

1 Cányi kèlē 2:54

Salima jáabèle be nyɛ: Bɛtilehɛmi, ní Netofa ye, ní Arɔti-Bɛti-Zyowabi, ní Manahati ye tílaw ní Soreya ye,

1 Cányi kèlē 4:4

Penuwɛli wi pye Gedɔɔri tóow, á Ezɛɛri si i nyɛ Husya tóow. Poro be pye Huri jáabèle, wi pye lè Efirata pìiseliw, Efirata wi lè Bɛtilehɛmi tóow.

1 Cányi kèlē 5:2

Zyuda séew si wi da kpɔ́ʔɔ n sɔ̀lɔ wi senyɛnbèle wóo na. Woro ni kùndigi baa yiri, kàjáa lɛ́ɛgi tɔ̀nɔ maa pye Zyozɛfu wóo.

Ŋúnuyi 132:6

Wéle, wolo n wi kéeli lóʔo Efirata ni, wolo n wi nyaa Yaari séyi ni.

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Yirile 18:21

Nǎnbèle pèle cɔɔnri syɛ́ɛnmi myɛ ni be pye báriga syɛ̀ɛnnɛ, pé wɔ́ɔ ra fɛ̀ɛgí Kolocɔlɔɔ na, si pye nǎnbèle pèle, bele be tan kányɛɛgi na lè, pe si o tɔ̀nɔpeeo caa í. Mi bele bee télege be pye kùndigibéle. Poro pèle a pye syɛ̀ɛnnɛ saala kagunɔ kagunɔ kùndigibéle, pèle si pye dabata-daa kùndigibéle, pèle si pye togoye siin-ziin ní kpɔrigɔ kpɔrigɔ kùndigibéle, pèle si pye kɛɛ-gɛɛ kùndigibéle.

Yirile 18:25

A Mowizi báriga syɛ́ɛnbèle pèle nyɛ́nɛ n wòlo Isirayɛli ye myɛ níngi ni n télege syɛ́ɛnbèle nyúngo na, a be pye saala kagunɔ kagunɔ kùndigibéle, ní dabata-daa kùndigibéle, ní togoye siin-ziin ní kpɔrigɔ kpɔrigɔ kùndigibéle, ní syɛ̀ɛnnɛ kɛɛ-gɛɛ kùndigibéle.

Ezayi 11:1

Káganbile a folo bi yiri Izayi tiinyungi na, tiifiinvɔ́ngɔ i yirigi ki nǐnri na.

Ezayi 53:2

Wi n yìri n lɛɛ wi nyɛnɛ na, àmɛɛ tiifolovɔ́ngɔ nyɛ lè, àmɛɛ nìnge nyɛ, gee gi folo n yiri lɔ̀ʔɔ fun tára ni lè. Nìjanra da pye wi na í, wàlá darigala í, jàngó wolo a kɔ́ ra wi wéle í. Wi céri kánma da ni syɔɔn kíle wi kàbangi na í.

Ezayi 55:4

Wéle, mii n wi télege wi pye syɛɛnfeleyi séera, wi pye syɛ́ɛnbèle yɛɛ̀kinio, ní be kàrigafɔw.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Zyeremii 30:21

Pe kùndigiw a yiri pe tiimaw ni, wee wi a tɛ́ɛn pe nyúngi na lè, wi a yiri pe tiimaa níngi ni. Mii a wi yaʔa wi nùuni, wi a pan mii ma. Níì cán wìí wi a wi nyúngi waʔa bi nùuni mii na?› Yawe wi jo nya.

Oze sɛ́bɛw 6:3

Wo wi cán, wo kanmaa caa wo Yawe cán. Amɛɛ nyǐnjerigi panna nyɛ lè kakabalaga fun ni, ànbée wi panni wɔ́ɔ i nyɛ. Wi a pan wolo ma àmɛɛ zàʔá nyɛ lè, àmɛɛ nyìnbegéle nyɔ́ɔ zàʔá nyɛ, gee gi tári fɔɔnri lè.»

Amɔsi 9:11

«Cángi bee na Davidi vǒgi gi too lè, mii a ní gi yìrige, mii a gi tɛɛ̀kalagiyi sámaga. Mii a gi gurubɛɛtoori yìrige bi ní gi faan gi pye àmɛɛ ki da sélì pye lè,

Misye 4:10

Siyɔn calipili, da wɔʔɔ, máā cɛ́ɛn àmɛɛ cɔlɔɔ nyɛ, wee wi nyɛ seeli na lè! Níì cán tɔ́ɔliw ni mɔ a yiri kěgi ni bi sa mɔ tɛɛkòrogi pye sìnbirigi ni, mɔ a kári fwɔɔ bi sa nan Babilɔni na. Bi mɔ yaʔa yaà beè, mɔ a syɔɔ be ma, nɛɛ bee Yawe a mɔ nyúngi syɔɔ bi yirige mɔ nigoobèle kɔ́yɔ ni.

Zakarii 13:7

«Ŋɔsée, yìri mii bànaʔaw kánma na, ní nǎnw kánma na wi lè mii pínɛnyɛnw!» Yawe wi lè Nyɛ̀ʔɛni Sùlasiibéle Kafɔlɔ woro wi jo nya. «Bànaʔaw kpúmɔn mi kpóo bǎbèle si cariga fala. Mii si a mii kɔ́gi kàriga wobiigèle kàbaan na.»

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Matye 2:1

Pe maa Zyezu see Zyude tári kègaa ni, pe i gi yiri Bɛtilehɛmi. Ki si maa pye fànʔafɔw Herodi lǎli ni. Wéle, a sícilibèle pèle yìri canʔafolomɔ ma n pan Zyerusalɛmi ma,

Matye 2:6

‹Bɛtilehɛmi, mɔ wi lè Zyuda tári ni, mɔ ga tɔ̀nɔ n cɛ́rɛ n sɔ̀lɔ Zyuda kùndigibèle myɛ na í dɛ, níì cán mɔ ni Kàfɔw a yiri, wee wi a ba ra mii syɛ́ɛnbèle nàʔá lè be nyɛ lè Isirayɛli ye.› »

Matye 28:18

A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma.

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

Luki 23:38

Pe maa syɛɛnraa sɛ́bɛ n táriga tiiparigi na wi ǹjogi ni, a di jo: WEE NAA WI NYƐ ZYEFUBELE FANʔAFƆLƆ.

Zyan 7:42

Ki o nyuu Kolocɔlɔɔ syɛɛnsɛbɛri ni níì jo, Kirisi a kɔ́ ba yiri Davidi yòdaʔayi ni ì, ní níì jo, wi a yìri Bɛtilehɛmi ma, ki lè Davidi kěgi ì?»

Làlwaw Kaanziin 1:15

Lǎli bee ni bele be pye yele syɛɛnfeleyi nyúngo na lè, poro bele be pye lè sícilibēle, ní mɛ́ɛtaanya fɔ̀ɔlɔ, a mii be láa n télege yele nyúngi na a be pye saala kagunɔ kagunɔw kùndigibéle, ní dabata-daw kùndigibéle, ní togoye siin ní kpɔrigɔ kpɔrigɔw kùndigibéle, ní kɛɛ-gɛɛw kùndigibéle, ní kɔ̀rɔsiifɔɔlɔ, yele syɛɛnfeleyi ni.

Kɔlɔsi ye 1:17

Jaafɔw maa téè pye yaà yáriri myɛ yɛ́ʔɛ na, ti myɛ n tiyɛɛ cò n yére wi bárigaw ni.

Heburubèle 13:8

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

Heburubèle 7:14

Níì cán ki n fílige gbanʔama ncan wo Kàfɔw n yiri Zyuda yòdaʔayi* ni, yee yi lè Mowizi da yafyɛn joo sáriga-wòlobēle kéele na yi kàbaan na lè í.

1 Zyan 1:1

Sìíw syɛ́ɛnrɛ ti da téè pye yaà lè nlaa gi sélimi na, wolo n baa di lóʔo, ní wɔ́ɔ̀ di nyaa ní wolo nyapiigèle ní, níì di sámaga n wéle, á wolo kɔ́yi wɔ́ɔ̀ tánga di na,

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.

Tɛ̀ɛnnɛ 2:8

«Dee naa sɛ́bɛ mi tórigo Simiirini Egiliziw tunduɔn ma, mí wi pye: ‹Wee wi lè yɛɛ̀kiniw ní kàdotɔnw, woro wee wi baa kùu ní níì nyán n pye sìi na lè, woro wi kérigèle naa joo níì jo:

Tɛ̀ɛnnɛ 21:6

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Jàbɔbèle 17:7

Levii ye nìgɔcariwaa maa pye yaà Bɛtilehɛmi ni, Zyuda tári ni, ki lè Zyuda túlugi wòolo kegaa.

Wuruti 1:1

Lǎli ni jàbɔbèle da ni Isirayɛli ye kàragí lè, kateekpɔʔɔ maa baa too tári na. A nànwaa yiri Bɛtilehɛmi ni, wi lè Zyuda tári ni, woro ní wi céw, ní wi jáabèle siin ní, ni syée Mowabi tári ma bi sa tɛ́ɛn yaà bi làlaa kwɔ́ɔ.

Wuruti 4:11

Syɛ́ɛnbèle myɛ be pye lè kpàánweeli na n fàra wolɛɛbèle na, a poro jo: «Wolo i nyɛ gi séerabéle. Céw wi a jée mɔ kpáagi ni lè, ki n yɛlɛ Yawe í wi kpéʔele Arasyɛli ní Leya félege, poro bele siin be Isirayɛli narigbaagi faan lè. Ki n yɛlɛ mɔ í pye séefɔlɔ Efirata ni, ní mɛ́ʔɛfɔlɔ Bɛtilehɛmi ni.

1 Samyɛli 10:19

Yele si ye baa yele Kolocɔlɔw cée wee níjanʔa, woro wee wi yele syɔɔ lè yele wɔʔɔyi ní yele fɔ̀rɔyi myɛ ma. Yele n wi pye: ‹Fànʔafɔlɔ télege wolo nyúngi na!› Tɔ́ɔliw ni ki n yɛlɛ ye kpóʔoro Yawe yɛ́ʔɛ ma bi yɛlɛ ní yele syɛɛnfeleyi ní, bi wɔ́ɔ yɛlɛ ní yele túluyi ní.»

1 Samyɛli 17:12

Davidi si maa pye Efirata ye wów bee Izayi jáa, Bɛtilehɛmi ni, wi lè Zyuda tári ni. Jaafɔɔlɔ kɔrɔtaanri maa pye wi ma. Wi si maa pye nànlɛɛɔ Sawuli lǎli ni, syɛ́ɛnbèle nínge ni.

1 Samyɛli 17:18

Furomazyi nyíngèle naa kɛɛ si na, sa koro kaan pe saala kagunɔw kùndigi ma. Mí gi wéle kapye mɔ senyɛnbèle n cólogo yaà, mí yarigaa syɔɔ be ma maa maa koro í ba pye fɛ̀ɛ.

1 Samyɛli 23:23

Ye sa kɔ̀rɔsíi ye tɛɛlarayi myɛ cán, beè wi làrá lè, yé lúru ye pan mii ma ye ba kányɛʔɛ fílige ye joo mii ma. Mii a kári ní yele ní. Wi ga pye tári ni, mii a wi caa Zyuda syɛɛnnɛʔɛmi myɛ nínge ni.»

1 Samyɛli 8:12

Wi a be pèle kpéʔele saala kagunɔ kagunɔ kùndigibéle, ní togoye siin ní kpɔrigɔ kpɔrigɔ kùndigibéle, pèle si wɔ́ɔ ra wi séyi fála, sáā wi yaliiri lée, sáā wi kapɛɛnkpumɔn-yáriri sámagi n fàra wi wòtorobèle yárira na.