Misye 5:1 - Cebaara Bible 2010

¹ A mɔ, Bɛtilehɛmi Efirata, mɔ wee wi nyɛ lè wobili Zyuda nariyi nínge ni, mɔ ni wi a yiri mii ma, wee wi a ba pye Isirayɛli ye nyúngi na lè, wi kéeli n téè séli yaà booma ni, bàngwɔɔ cányi ni.

Misye 5:1 Iomraidhean Croise

Sélimɛ 35:19

A Arasyɛli kùu, a be wi tɔ́n Efirata kólogi nyɔ́ɔ na. Efirata wi lè Bɛtilehɛmi.

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

1 Fànʔafɔbèle 22:24

Lǎli bee ni Sedesyasi wi lè Kenaana jáaw, a woro nùuni Misye na n wi kpúmɔn ní kadaala ní bɛ̀ɛ́ngi na níì jo: «Tɛɛgìí ni Yawe pǐli sɔ̀lɔ n yiri mii ni n sáà joo mɔ ma?»

2 Fànʔafɔbèle 24:2

Lǎli bee ni a Yawe Kalide ye kabiyaa, ní Sirii ye kabiyaa, ní Mowabi ye kabiyaa, ní Amɔn ye kabiyaa tórigo Yehoyakimi kánmi na. Wi n yi tórigo Zyuda kánmi na jàngó yi wi kwɔ́ɔ láʔa yaà bi yɛlɛ ní syɛ́ɛnri ní Yawe da joo wi falipyebèle ma pe lè kanyaajoobèle, a be joo.

Zyɔbi 16:10

Pe i be nyɔ́ɔyi múru gbanʔama mii kánmi na. Pe i mii kpúmɔn bɛ̀ɛ́nyi na jàngó bi mii faʔa, pe n pínɛ n tìn n kpóʔoro mii na.

Kàseegèle 8:23

Wi maa téè mii télege yaà, nlaa yaà sélimɛ fun, n téè láa yaà làrizelili ni, sáni tári í séli lè.

Ezayi 10:6

Mii n wi tórigo Kolocɔlɔɔ yɛ́ʔɛnaa-sìnvyaa syɛɛnfelege kánma na, syɛ́ɛnbèle be mii fúngi taanri lè, mii n wi súguru n wáa bele bee na, wi sa yáriri fuguri si lɔ́ri koli, si syɛ́ɛnbèle tánʔana àmɛɛ kàlari-kóloyi fáriga nyɛ lè.

Ezayi 33:22

Níì cán Yawe wi nyɛ wolo kútiijoow. Yawe wi nyɛ wolo làlwabèle télegefɔlɔ. Yawe wi nyɛ wolo fànʔafɔw, woro wi wolo syoo.

Ezayi 8:9

Syɛɛnfeleyi, yaa yákpogèle wáa gbanʔama. Fyáakpɔɔrɔ a yele cò! Ye líiyi cáan, yele bele myɛ ye nyɛ lè yaà tári léelige tɛ́ʔɛ ni. Ye yeyɛɛ bwɔɔ kapɛɛnni kánma na, fyáakpɔɔrɔ a yele cò. Ye yeyɛɛ bwɔɔ kapɛɛnni kánma na, fyáakpɔɔrɔ a yele cò.

Ezayi 9:5

Níì cán pe n pyà see wolo ma. Jaafɔlɔ n kaan wolo ma, fǎngi a taʔa wi fókaannyunyi na. Pe a ra wi yiri Bìngaara, ní Yarifɔlɔ, ní Séew Kolocɔlɔɔ, ní Bàngwɔɔ Tofɔlɔ, ní Yɛɛ̀nyingi Fànʔafɔbile.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 4:7

Càaraw n ye n yiri wi tɛɛlàragi ni, syɛɛnfeleyi kálagifɔlɔ i nyɛ n kwɔ́ɔ tánʔani na, wi n yiri n kwɔ́ɔ wi tɛɛkòrogi ni bi mɔ tári kálagi. Mɔ keyi a pye kataya, syɛ̀ɛnnɛ a ní pye yi ni í.

Kayaagi Nyɛnigɛ 3:30

Ki n yɛlɛ wi bɛ̀ɛ́ngi kaan wi kpúmɔnfɔw ma, wí tín faʔari na.

Ezekyɛli 21:32

Gurubɛɛrɛ, gurubɛɛrɛ, gurubɛɛrɛ! Koro mii a kpéʔele gi na. Kérigèle myɛ n téè fàli n kwɔ́ɔ ni wi làribanni sige, wee má kútiiw nyɛ lè, woro wee kɔ́lɔ ni mii a wi le lè.›

Ezekyɛli 24:2

«Syɔɔn-pya, cángi naa sɛ́bɛ mi yaʔa miyɛɛ ma cángi naa tiimaa! Cángi naa tiimaa ni Babilɔni fànʔafɔw gi séli bi too Zyerusalɛmi na.

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

Amɔsi 2:3

Mii a kútiijoow kwɔ́ɔ yirige yaà be níngi ni. Mii a wi ní wi kùndigibèle myɛ pínɛ kpóo ní wi ní,» Yawe wi jo nya.

Habakuki 1:6

Wéle, mii i Kalide ye yìrigí bele! Syɛ́ɛnbèle bee be nyɛ lè nyinimɛ fun níì wári, poro bele be tátɛɛyi forogi ni máari lè bàā tɛɛkòroyi nɛnɛ da syoo, yoro yee yi lè yi o nyɛ pe woyò í.

Habakuki 3:16

Mii n gi lóʔo, a mii fúngi yárira cɛ̀lɛ. Kàfulogi bee báriga ni, a mii nyɔɔwari cɛ̀lɛ. Mii kaceleyi i nyangi, mii tɔ́lɔyi i yirigi mii láari ni, mii i wɔʔɔgi canʔa sigi sìnnyɛʔɛ ni, gee ki a ba yìri syɛɛnfelegi kánma na gi wolo wɔʔɔ lè.

Matye 26:67

A be i tɛ́ɛri wáa wi yɛ́ɛgi ni ní i wi cínɛ ní kágungèle ní, pèle si i wi kpúmɔn ní kadaagèle ní

Matye 27:30

Ní i tɛ́ɛri wáa wi na níì kàgbeeli syɔɔ wi ma n tɛ́ʔɛ ni wi kpúmɔn nyǔngi ni.

Matye 5:39

Mii si a gi joo yele ma si yele pye, yele wàa a kɔ́ pwɔɔ kapeebyeo na si tún ní wi ní í. Kàjáa wàa ga mɔ kpúmɔn kàliige bɛɛngi na, mi kàmɔnɔ wógi fíige wi ma wɔ́ɔgēle.

Zyan 18:22

A wi ga dee bee joo, gáridibèle be pye yaà lè woyérebéle ní, a bele bee wàa wi kpúmɔn ní kadaala ní níì jo: «Mɛ̀ɛ́ gi nyɛ mɔ si i nyuu kánmi bee na ní sáriga-wòlobèle kàfɔgbɔɔɔ ní?»

Zyan 19:3

A be i maa n ba ni wi syáanri níì jo: «Mɔ o faana, mɔ Zyefubèle fànʔafɔlɔ!» Ní i wi kpúmɔn ní kadaagèle ní.

Kapyegèle 23:2

Sáriga-wòlobèle kàfɔgbɔɔɔ pe yiri lè Ananyasi, a woro Pɔli taana wóbèle pye pe wi kpúmɔn nyɔ́ɔgi na.

2 Korɛnti ye 11:20

Yele n fɔ̀lɔ gi na a be i yele kàragí àmɛɛ pulobèlē nyɛ lè, ní i yele nɔ̀ʔɔrɔ́ ni líi, ní i yele jànváa, ní i peyɛɛ nyɛ́nɛ yele na, ní i yele kpúmɔn yɛ́ɛyi ni, a yele i gee bee kpàracó.

Làlwaw Kaanziin 28:49

Yawe a syɛɛnfelegaa yìrige yaà léelige mɔ kánmi na tári láʔagéle ma bi wáa mɔ na. Ki a fùuri bi tɔ́n mɔ na àmɛɛ nyɔɔ̀ nyɛ lè. Ki a pye syɛɛnfelegaa, gee gi lè mɔ a ra gi syɛ́ɛnri lúro í.

Làlwaw Kaanziin 33:27

Bàngwɔɔ Kolocɔlɔw i nyɛ tɛɛlaraga. Bàngwɔɔ kɔ́yɔ n mɔ tɔʔɔ n yérige. Wi i nigoow nɛnɛ mɔ yɛ́ʔɛ ma, ní i gi nyuu níì jo: ‹Wi kálagi péw.›

Jàbɔbèle 17:7

Levii ye nìgɔcariwaa maa pye yaà Bɛtilehɛmi ni, Zyuda tári ni, ki lè Zyuda túlugi wòolo kegaa.