Misye 4:9 - Cebaara Bible 2010

⁹ Nyàʔá na mɔ yákpoli wáa tɔ́ɔliw ni? Fànʔafɔlɔ o nyɛ yaà mɔ ma ì? Mɔ yarifɔw kwɔ́ɔ lé gi ni wii, á yáami kɔ́ɔ̀ mɔ cò àmɛɛ cɔlɔɔ nyɛ, wee wi nyɛ seeli na lè?

Misye 4:9 Iomraidhean Croise

Ezayi 13:8

Fyáakpɔɔrɔ n be cò. Fɔ̀rɔgɔ ní yaagbɔɔmɔ n be cò. Pe a kùru àmɛɛ fícɛnnɛ gáà fícɛnnɛfɔlɔ yìrige lè. Pe a ra peyɛɛ wéle ní fûnnyaʔamiya ní. Pe yɛɛcɔɔgèle a nyɛ́nɛgɛ àmɛɛ naà nyɛ lè.

Ezayi 21:3

Koro na mii sárigèle i mii yáa gbanʔama. Yayaaya i mii có, àmɛɛ fícɛnnɛ cɔlɔɔ yáa, wee wi a see lè. Gee mii lúro lè, ki i mii fúngi nyáʔami. Gee mii nyaagi lè, ki i fyáakpɔɔrɔ wáa mii na.

Ezayi 26:17

Amɛɛ fícɛnnɛfɔlɔ nyɛ, lǎli ni wi làrizeeli nan lè, lǎli ni fícɛnni wi yìrige a wi i nyaan li yáali báriga ni lè, ànbée wolo da pye yaà léelige mɔ yɛ́ʔɛ ma, ee Yawe.

Zyeremii 22:23

Mɔ wee wi mɔ tɛɛkòrogi pye Liban na lè, mɔ wee wi mɔ zyaari tɛ́ʔɛ sɛdiri tíiri ni lè, mɔ a tɔ̀nɔ́ ba ra cɛ́ɛn lǎli ni wɔʔɔyi ga nan mɔ na lè, àmɛɛ cɔlɔɔ nyɛ, wee wi nyɛ seeli na lè.»

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Zyeremii 4:21

Làla jòorí mii a kòro bàā dìrapow nyaagi si wɔ́ɔ kòro bàā tòmaagi wìimɛ lúro?

Zyeremii 4:31

Mii i yákpowáara lúro, mɔ a jo cɔlɔɔ yákpowáara dii, wee wi nyɛ seeli na lè, wɔʔɔgɔ yákpowáara, mɔ a jo wee wi nyɛ pìiselio seele na lè. Calipili Siyɔn yákpoli lii. Li i cɛ́ɛn, li i kɔ́yi sáanri níì jo: «Wɔʔɔgɔ i mii na, mii i tuun syɛɛnkpoobèle kúruyo láara ni.»

Zyeremii 48:41

Pe n fànʔa taa Keriyɔti na, kèniriyi n láʔa yaà, Mowabi nànniribèle fúnyo si i nyɛ cángi bee àmɛɛ cɔlɔɔ wóʔo nyɛ, wee wi nyɛ seeli na lè.

Zyeremii 50:43

Babilɔni fànʔafɔw n syɛ́ɛnri lóʔo, a wi kɔ́yi fànʔa kwɔ́ɔ. Funjurugori n too wi na, ki n pye wɔʔɔgɔ, àmɛɛ cɔlɔɔ wóʔo nyɛ, wee wi nyɛ pyà seele na lè.

Zyeremii 8:19

Mii calipili káyaʔa yákpolo li lee, li lè mii syɛ́ɛnbèle, lee li yìrigí táleelire ma lè, li n jo: «Yawe ní o nyɛ Siyɔn ni wii ì? Wi fànʔafɔw ní o nyɛ wi ni wii ì?» «Nyàʔá na be mii fúngi tanʔa ní be ǹdedanyi ní, yi lè gbanzan yanibɔnyi?»

Kayaagi Nyɛnigɛ 4:20

Wee wi da pye lè wolo sìíw, wi lè Yawe wonyɛnɛ-wòlow, woro n cò pe weecuruyi ni, woro wee kéele na wolo da ni gi nyuu lè níì jo: «Wi nyínmi ni wolo a kòro sìi na syɛɛnfeleyi nínge ni.»

Oze sɛ́bɛw 10:3

Lǎli bee ni pe a gi joo si jo: «Fànʔafɔlɔ o nyɛ wolo ma í, níì cán wolo ga fyáa Yawe na í. Nyàʔá si fànʔafɔw a dée gbǎn kpéʔele wolo ma?»

Oze sɛ́bɛw 13:13

Fícɛnnɛfɔlɔ fícɛnnɛ yáama félege a nan wi na. Sícilibiipiire pya wii, wee làrizeele li nan lè, wi si o yirigi wi nɔ́ɔw láʔa ni í.

Oze sɛ́bɛw 3:4

Níì cán Isirayɛli ye a kòro fànʔafɔlɔ ní fànʔafɔbile fun ni, ní sáriga ní yasungaanna fun ni, ní efɔdi, ní ǹdebiigéle fun ni, bi mɔn.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Zyan 16:21

Fícɛnnɛ ga ni cɔlɔɔ yáa lǎlee ni lè, wi yɛ́ɛgi n tanʔa wi na, níì cán wi làrizeeli n nan. Wi si ga pìíw see n kwɔ́ɔ lǎlee ni lè, àmɛɛ wi syɛɛnfɔ́ɔn taa dulunyanw ni lè, wi n fɛ̀ʔɛ wi wɔʔɔli na fundaanri bee báriga ni.

Tɛ̀ɛnnɛ 12:2

Wi maa pye fícɛnnɛfɔlɔ, á li wi yìrige, a wi i yákpoli wáa àmɛɛ wi làrizeeli nan lè.