Misye 4:8 - Cebaara Bible 2010

⁸ A mɔ, yaweeri gboolo kpaataʔa-tɔ́nɔgɔ, Siyɔn calipili dǎndamaga, fàngbɔɔgi wozelige a pan fwɔɔ ba nan mɔ na, ki lè Zyerusalɛmi calipili fànʔa.»

Misye 4:8 Iomraidhean Croise

Sélimɛ 35:21

A Isirayɛli taʔa n fala yɛʔɛ̀ ma n sáà wi fànikpaayi kóri Migidali-Edɛɛri màʔami na.

2 Samyɛli 5:7

Kàjáa a Davidi Siyɔn tɛɛnirigi syɔɔ n taa. Koro gi nyɛ Davidi kèkpɔɔgi.

Nehemii 3:25

A Uzayi jáaw Palali báara sinjuuli, ní kpaataʔa-tɔ́nɔgi zìnmɛ na gi nyɛ lè fànʔafɔw ǹjoʔo ma kpáagi màʔama na, kàsokpaagi kàcoolo taana, á Pareyɔsyi jáaw Pedaya báara n taʔa woro na.

Ŋúnuyi 24:7

Ye yele nyúnyi yìrige, kpàánweeli kɔ̀riyɔ. Kpàánweeli bàngwɔɔ kɔ̀riyɔ, ye múgu yaà! Nìjangbɔɔri Fànʔafɔlɔ a jée!

Ŋúnuyi 48:3

Dǎndamagi gi nyɔɔ lè, ki lè tári myɛ fundaanra yáriga, koro gi nyɛ Siyɔn nyanbelegi solomɔkulo kàbangi na, ki lè fànʔafɔgbɔɔw kàʔa.

Ŋúnuyi 61:3

Bi mii yaʔa naa tári láʔala na, mii i yákpoli wáa mɔ kurugo, lǎli ni mii fúngi báriga ga kwɔ́ɔ lè. Mii lúrugo fálagi ǹjoʔo ni, gee gi tɔnɔ n sɔ̀lɔ mii na lè!

Ŋúnudaangi 4:4

Mɔ yátiigi i nyɛ àmɛɛ Davidi kpaataʔa-tɔ́nɔgi nyɛ lè, gee wi faan lè n pye kapɛɛnkpumɔn-yárira tɛɛ̀tɛʔɛgɛ. Tunmɔzige-yariya saala kagunɔ i yaà gi ni wojɔrɔyɔ ní, yoro myɛ i nyɛ nànniribēle wóyo.

Ezayi 1:26

Mii a mɔ kútiijoobèle lúrugo pye àmɛɛ ki da pye lè booma ni, bi wɔ́ɔ mɔ yarifɔbèle lúrugo pye àmɛɛ ki da pye lè sélimi na. Koro kàdoʔo ma pe a ra mɔ yiri Sínni Kàʔa, ní Tágala Kekpɔɔgi.»

Ezayi 10:32

Níjanʔa tiimaa wi a yére Nɔbi ni, wi si i wi kɔ́gi nyáʔana Siyɔn calipili nyanbelege kánma na, ki lè Zyerusalɛmi dǎndamagi.

Ezayi 5:2

Wi maa gi túgu n yìrige níì kàdɛnɛri láa n yirige gi ni, níì ɛrɛzɛn tíricànra cɔ́rɔ gi ni, níì kpaataʔa-tɔ́nɔgɔ faan gi níngi ni, ní caà ɛrɛzɛn lɔ́ʔɔ tɛɛnùgugo sámaga gi ni. A wi i wéle gi ma ní i sɔ̀ngí ki a ɛrɛzɛncàɔn san, kàjáa a gi yasanbeere san.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 7:18

Kàjáa, wee wi nyɛ lè Pe Myɛ Nyúngo na, woro wojanbèle a ba fǎngi taa, fǎngi a pye be woʔò làla o làla kwɔ́ɔmɔ fun.

Abidyasi 1:21

Syɔɔfɔɔlɔ a lúgu Siyɔn nyanbelegi na bi Ezau nyanbelegi kútii joo, fǎngi si pye Yawe wóʔo.

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Zakarii 9:10

Mii a kapɛɛnkpumɔn-wòtorobèle kwɔ́ɔ yirige Efirayimi ni, bi syɔ́ɔnyi kwɔ́ɔ yirige Zyerusalɛmi ni. Kapɛɛnkpumɔn-sedeyi a kwɔ́ɔ yiri yaà. Wi a yɛɛ̀nyinge kéele joo syɛɛnfeleyi ma, wi kùndigiri a séli solomɔ lógaa na bàā syée kàa ma, ti a séli Ufurati cábigi na bi sa nan tári láʔagéle na.

Zakarii 9:12

Ye lúru yaa syée kènirigi ma, kàsolebèle, yele bele má sɔ̀ngumɔ tɛɛtaʔaga nyɛ lè saʔa! Mii ní i gi nyuu níjanʔa níì jo mii a gi tɛɛyɛ siin lúrugo mɔ ma.

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Córolo 24:19

Wee wi yiri Zyakɔbi ni lè, wi i nyɛ fǎngi na. Kěyi syɛɛnsanbèlē be kòro lè, wi i bele bee kúu.»

Matye 21:33

«Ye ní ye kàseelaa nikwɔɔ lóʔo lee. Nànwaa maa pye kàcoolofɔlɔ, a wi ɛrɛzɛn séʔe sámaga níì gi faan n sùlu. Níì ɛrɛzɛnw yasanra tɛɛnùgugo sámaga gi ni, níì kpaatɔnɔgɔ faan yaà, níì ségi bee kàlifáa sefalabèle pèle ma páā woro lɛɛli kaangi woro ma. Níì yiri n kári kùlaa ni.

Mariki 12:1

A Zyezu níì séli ni nyuu be ma kàseegéle ni níì jo: «Nànwaa maa ɛrɛzɛn séʔe sámaga níì gi faan n sùlu, níì ɛrɛzɛnw tɛɛnùgugo sámaga yaà, níì kpaatɔnɔgɔ faan yaà, níì gi kàlifáa sefalabèle pèle ma páā woro lɛɛli kaangi woro ma, níì yiri n kári kùlaa ni.

Efɛzi ye 1:21

Wi i nyɛ fǎnyi, ní séew, ní bárigaw, ní kùndigiri myɛ nyúngo na n fàra mɛ́ɛyi myɛ na be yiri lè dulunyanw naa ni, ní wee ní wi maa lè.

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.