Misye 4:7 - Cebaara Bible 2010

⁷ Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Misye 4:7 Iomraidhean Croise

Ŋúnuyi 2:6

Wi n jo: «Siyɔn wi nyɛ lè mii nyanbe-nyunjǎngi, mii n mii fànʔafɔw télege gi na.»

Ezayi 16:5

Fàngoli a báriga funjǎngi báriga ni, wàa a tɛ́ɛn li na ní funvii ní Davidi fànikpaagi ni, wi a pye kútiijooo, wee má kútiisinw kéele a kpɔ́ʔɔ lè, wi fúngi a wári sínni kpéʔelele na.»

Ezayi 24:23

Yégi a círige, cángi a pye fɛ̀ɛrɛ wóʔo ní. Níì cán Nyɛ̀ʔɛni Sùlasiibéle Kafɔlɔ wi lè Yawe, woro a tɛ́ɛn fǎngi na Siyɔn nyanbelegi na, Zyerusalɛmi ni. Nìjanri a ra daragi wi wolɛɛbèle yɛ́ʔɛ ma.

Ezayi 6:13

Pe tílaya kɛɛ wógi ga kòro di ni, koro a sógi. Ki si a pye àmɛɛ terebɛnti tíige, wàlá syɛni tíige nyɛ lè, pe ga gi kpúmɔn, ki nyúngi n kòro yaà, syɛɛnfelegi bee nyúngo a ba yòdaʔacànga yirige.»

Ezayi 60:22

Wobiipiili a ba ra córo saala nyɔ́ɔ na, wee wi cɛ́rɛ n sɔ̀lɔ lè wi a ba pye fànnɛʔɛgɛ syɛɛnfelege. Mii Yawe, mii a kɔlɔ̀ wári bi kérigèle bee foro ke lǎli ni.»

Ezayi 66:8

Wìí wi kɔ́ɔ̀ gee naa félege lóʔo? Wìí wi kɔ́ɔ̀ gi felege nyaa? A pe a gbǎn tányɔɔgaa see lé canʔa nibin ni? A pe a gbǎn syɛɛnfelegaa see lé làla nibin ni? Fícɛnni yáama séliganma terire, a Siyɔn wi jáabèle see.

Ezekyɛli 43:7

Wi n mii pye: «Syɔɔn-pya, nɛɛ naa wi nyɛ mii fàngoli tɛ́ʔɛ, tɛ́ɛgee ni mii a mii yédaagèle taʔa lè. Beè mii a tɛ́ɛn kòro kwɔ́ɔmɔ fun Isirayɛli ye níngi ni. Isirayɛli kpáagi wòolo, ní be fànʔafɔbèle a ní mii mɛ́ɛcǎngi nɔ́nʔɔ ní be kanɔnʔɔri, ní be fànʔafɔbèle woguubéle ní, pe sáriga-wòlo-tɛ́ɛyi ni í.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 4:34

Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Abidyasi 1:21

Syɔɔfɔɔlɔ a lúgu Siyɔn nyanbelegi na bi Ezau nyanbelegi kútii joo, fǎngi si pye Yawe wóʔo.

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 2:13

Wee wi wéegi kúunri lè wi i lúru ni syée be yɛ́ɛgi na. Pe i wéegi kúunri ni sɔ̀lɔ́ ni yirigi gi ni. Pe fànʔafɔw i syée be yɛ́ɛgi na, Yawe si i nyɛ pe nyúngi na.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Misye 7:18

Wìí wi nyɛ Kolocɔlɔɔ àmɛɛ mɔ nyɛ lè, wee wi kolomi kùsulugo syoo lè, ní i wi kɔ́rigi wogorobéle kakoloyo yaari? Wi o wi fundanʔari kɔngi ni yaari ki kòro nya làla o làla í, níì cán funjǎngi kéele n wi dɛ́nɛ.

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Sofonii 3:20

Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.

Luki 1:33

Wi a ba pye Zyakɔbi yòdaʔayi fànʔafɔlɔ làla o làla, níì cán wi fǎngi a tée kwɔ́ɔ bi nyaa nyáana í.»

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»