Kàfɔw Yawe, woro wee wi Isirayɛli wojarigabèle kpóʔoro lè, wi n jo: «Mii a pèle nikwɔɔlɔ kpóʔoro bi fàra mii syɛ́ɛnbèle bele na be kpóʔoro n kwɔ́ɔ lè.»
Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.
Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.
Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.
Wéle, lǎli bee ni, bele myɛ be fànʔa cáan mɔ na lè, mii a keele tɛ́ʔɛ be na. Mii a tɔyaayi fɔ̀ɔlɔ syɔɔ, bele be nɛnɛ lè, mii a be kpóʔoro. Táree myɛ ni be nyɛ fɛ̀ɛ́ri ni lè, mii a be kpéʔele yaà beè sòololo, ní mɛ́ɛyɛ fɔɔlɔ.
Bǎbèle pèle si ní i yaà mii ma, pe o nyɛ bàkpogi naa wòolo í. Ki n yɛlɛ mii í wɔ́ɔ sa bele bee kɔ́ri pan. Poro a wɔ́ɔ ba mii yákpoli cán, lǎli bee ni pe myɛ a ba pínɛ pye bàtogo nibin, bànaʔaɔ nibin si wɔ́ɔ pye be na.