Misye 4:5 - Cebaara Bible 2010

⁵ N syɛɛnfeleyi myɛ yaʔa yi i táanri yi kolocɔlɔbèle mɛ́ɛyɛ na, wolo na, wolo i táanri Yawe wolo Kolocɔlɔw mɛ́ʔɛ na làla o làla kwɔ́ɔmɔ fun.

Misye 4:5 Iomraidhean Croise

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

2 Fànʔafɔbèle 17:29

Kàjáa syɛɛnfeleyi myɛ nibin nibin maa yi kolocɔlɔbèle sámaga n tɛ́ʔɛ sáriga-wòlo-tɛ́ɛyi kpaaya ni, yee Samarii ye faan lè kěyi ni beè syɛɛnfeleyi bee myɛ nibin nibin pye lè wodɛ́ɛnyɛ ní.

2 Fànʔafɔbèle 17:34

Pe i be kanzelimi kpéʔele fwɔɔ n baa nan níjanʔa na. Pe o Yawe kpɔ́ʔɔgi í, pe si wɔ́ɔ o be làlwaw kèlē wàlá be kalɛɛgèle kpéʔele í, wàlá làlwaw ní kajoodɛɛngèle Yawe kaan lè Zyakɔbi yòdaʔayi ma, woro wee na wi mɛ́ɛgi le lè ni wi yiri Isirayɛli.

Ŋúnuyi 20:6

Wolo a ra fundaanra yákpogéle wáa syɔɔli kéele na mɔ kaan lè, si dìrapow yìrige wolo Kolocɔlɔw mɛ́ʔɛ kéele na. Ki n yɛlɛ Yawe í mɔ nyɛ́ɛriyi kèlē myɛ foro.

Ŋúnuyi 48:14

Ye gi tǒw kɔ̀rɔsíi, ye gi kpaakpoloyi sámaga ye wéle, koro ga pye yele í kɔ́ ba ra gee bee nyuu yele kàdoʔo ma wóbèle ma.

Ŋúnuyi 71:16

Mii a ra maa mɔ tɛ́ɛgi ma, Kàfɔw Yawe, mɔ séew kapyegèlē báriga ni! Mii a ra mɔ sínni kéele nyuu, mɔ nibin wóli.

Ezayi 2:5

Yele Zyakɔbi kpáagi wòolo, yaa maa wo ba ra táanri Yawe gbɛ̀ɛ́nmi na!

Ezayi 26:13

Yawe, wolo Kolocɔlɔw, kàfɔbèle pèle nikwɔɔlɔ n tɛ́ɛn wolo nyúngi na, bele be lè pe o nyɛ mɔ í. Kàjáa mɔ nibin bárigaw ni wolo mɔ mɛ́ɛgi yiri.

Ezayi 26:8

Ee Yawe, wolo n wolo sɔ̀ngumi taʔa mɔ na, mɔ kútiiw kèlē kólogo ni. Mɔ mɛ́ɛgi, ní mɔ kéeli sɔ̀ngurɔ di nyɛ wolo kanidaanni.

Zyeremii 32:40

Mii a bàngwɔɔ joogaanna kpéʔele ní be ní, mii a ní wàli bi láʔa be na í, mii a kacànga kpéʔele be na, mii a mii yɛ́ɛgi fyáara lége be fúnyi ni, koro ga pye pe a ní kɔ́ wàli bi láʔa mii na í.

Zakarii 10:12

Mii a be kpéʔele nànniribēle Yawe ni, pe a ra táanri wi mɛ́ɛgi na.» Yawe wi jo nya.

Kapyegèle 14:16

Booma ni wi maa syɛɛnfeleyi yaʔa a yi i yi nyɛnɛ kóloyi táanri.

Làlwaw Kaanziin 27:10

Da Yawe mɔ Kolocɔlɔw jóomɔ lúro, máā wi kajoodɛɛngèle, ní wi làlwaw kèlē kpéʔele, gele mii tèé mɔ na lè níjanʔa.»

Kɔlɔsi ye 2:6

Koro na kánmee na yele da fɔ̀lɔ wolo Kàfɔw Kirisi Zyezu na lè, ki n yɛlɛ yaa táanri wi ni kánmi bee na.

Kɔlɔsi ye 3:17

Yariga o yariga yele kpéʔele lè, a ki i nyɛ syɛɛnjóoro yoo, wàlá kapyele yoo, ki n yɛlɛ yaa ki myɛ kpéʔele Kàfɔw Zyezu mɛ́ɛgi na, yáā bariga kaangi Tofɔw Kolocɔlɔɔ ma wi bárigaw ni.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»