Misye 4:4 - Cebaara Bible 2010

⁴ Pe myɛ nibin nibin a ra tɛ̀ɛ́n be ɛrɛzɛn tírire, ní be děsyaantiire láara ni, syɔɔn faala a ní pye yaà bàā be tɔ́ɔrɔ í. Níì cán Yawe wi lè Nyɛ̀ʔɛni Sùlasiibéle Kafɔlɔ, woro nyɔ́ɔgi ki gi joo.

Misye 4:4 Iomraidhean Croise

1 Fànʔafɔbèle 5:5

A Zyuda ní Isirayɛli ye myɛ nibin nibin tɛ́ɛn yɛɛ̀nyinge na be ɛrɛzɛn tíriri, ní be děsyaantiiri láara ni nlaa Dan na n sáà nan Bɛɛri-Syeba na Salomɔn sìíw canya myɛ ni.

Zyɔbi 11:19

Syɔɔn faala a mɔ fígiri mɔ larizinɛni ni í, syɛ̀ɛnnɛ saʔa a ra kacànna nyɛ́ɛri bàā kaangi mɔ ma.

Ŋúnuyi 72:3

Nyanbeleyi a ra yɛɛ̀nyinge kaangi syɛ́ɛnbèle ma, ní dǎndamayi ní wɔ́ɔgēle, sínni báriga ni.

Kàseegèle 3:25

Mɔ a kɔ́ ra fɛ̀ɛgí fyáakpɔɔrɔ kéele na, dee ti a pàlá pan lè í, wàlá kpúmɔnri na, dee ti a yìri syɛɛnpeebèle ma lè í.

Ezayi 1:20

Kàjáa yele ga pye yele ga fɔ̀lɔ í, níì yeyɛɛ bye niceebéle, ŋɔséew a yele lìi,» Yawe nyɔ́ɔgi gi jo nya.

Ezayi 17:2

Aroyɛɛri kěyi n yaʔa, yi n kaan yaweeri ma. Ti n yi kpéʔele di tɛɛkòrogi, wàa faala o di tɔ́ɔrɔ í.

Ezayi 22:25

Yawe wi lè Nyɛ̀ʔɛni Sùlasiibéle Kafɔlɔ wi n jo: «Cángi bee na, cèferili li kóri tɛɛnirigi ni lè, li a kɔ́n, li a ceri yirige yaà, túgoree myɛ ti da cɔ̀rɔ li na lè, ti a kálagi.» Níì cán Yawe wi jo nya.

Ezayi 26:16

Yawe, n be yaʔa wɔʔɔgi ni, a be mɔ caa. Pe n be nyɛ́ɛrigi sánʔa n yaʔa mɔ na, lǎli ni mɔ be wɔʔɔ lè.

Ezayi 32:17

Sínni kapyele li a pye yɛɛ̀nyingi, sínni fáli wi a pye ŋɔ́ndaali, ní sɔ̀ngumi tɛɛtaʔala làla o làla.

Ezayi 36:16

Yele a kɔ́ lóʔo Ezekyasi ma í. Níì cán Asirii fànʔafɔw n jo: ‹Ye bɛ̀ɛlɛ caa mii ma, yé lúru ye yeyɛɛ gaan mii ma, yele myɛ nibin nibin a ra yele ɛrɛzɛnw, ní yele děsyaangi líi, ye myɛ nibin nibin sáā ye kɔ̀lɔ́bèle lɔ́ʔɔ gbo,

Ezayi 40:5

Lǎli bee ni Yawe nìjangbɔɔri a tɛ̀ɛn. Syɔɔn ye myɛ a pínɛ di nyaa. Níì cán Yawe nyɔ́ɔgi gi joo.»

Ezayi 54:14

Mɔ a sámaga yére sínni báriga ni, bi syɔɔ fǎngi gbànna ma, níì cán mɔ a ní da fɛ̀ɛgí í, bi syɔɔ fyáakpɔɔri ma, níì cán ti a léeli mɔ na.

Ezayi 58:14

lǎli bee ni, mɔ a fundaanra taa Yawe ni, mii si mɔ télege tári ǹjoʔo ma tɛ́ɛyɛ ni. Mii a ra mɔ gbóo ní mɔ tóow Zyakɔbi kɔ́rigi ní.» Níì cán Yawe nyɔ́ɔgi ki gi joo.»

Zyeremii 23:4

Mii a bànaʔabēle télege pe nyúngi na, pe a ra be náari. Pe a ní da fɛ̀ɛgí í, pe a ní da cɛ̀lɛ́ í, wàa nibin a fɔ̀n be ni í,» Yawe wi jo nya.

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Ezekyɛli 34:25

Mii a yɛɛ̀nyinge joogaanna kpéʔele ní be ní, mii a sìnbirigi yaweere kwɔ́ɔ bi yirige tári ni. Pe a tɛ́ɛn yɛɛ̀nyinge na sági fìími tára ni, sáā ŋúnɔ kɔ́liyi nínge ni.

Ezekyɛli 34:28

Pe a ní pye yakoliro syɛɛnfeleyi ma í, tári yaweere a ní da be káa í, pe a tɛ́ɛn yɛɛ̀nyinge na sági, syɔɔn faala a ní da be tɔ́ɔrɔ í.

Ezekyɛli 38:11

Mɔ a gi joo si jo: ‹Mii a lúgu kári táraa kánma na, dee di múgu n yaʔa lè, mii a sa too syɛ̀ɛnnɛ na, bele be nyɛ lè sági yɛɛ̀nyinge na be tɛɛkòroyi ni, ní i nyɛ wodɛ́ɛnbéle ní pe myɛw, tòbēle fun keye ni, yasɔʔɔyɔ, ní kɔ̀riyɔ fun.

Ezekyɛli 39:26

Lǎli bee ni pe a fɛ̀ʔɛ be faʔari na, ní sìnzinmi kèlē myɛ na be kpéʔele mii na lè. Pe a tɛ́ɛn fyáara fun pe tásaligi na, syɔɔn faala a ra be tɔ́ɔrɔ í.

Levii ye sáriga-wòlori 26:6

Mii a tári yaʔa di kòro yɛɛ̀nyinge na. Yele a ra ŋúnɔ, syɔɔn faala a ra yele tɔ́ɔrɔ í. Mii a yaweepeeyi kwɔ́ɔ bi yirige tári ni. Ŋɔséew a tée sɔ̀lɔ yele tári ni í.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Zakarii 3:10

Cángi bee na yele a yeyɛɛ yeri bi pan ɛrɛzɛn tírigi, ní děsyaantiigi láara ma.› » Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.