Misye 4:3 - Cebaara Bible 2010

³ Wi a pye kútiijooo syɛɛnfele-nɛʔɛyɛ nínge ni, wi a ra tɛɛ̀leelige fannɛʔɛgɛ syɛɛnfeleye kele cɛnɛ. Pe a be ŋɔséebèle kpúmɔn bi kàriga nìteye bi be tàbaabèle kpúmɔn bi kàriga kátangèlē. Syɛɛnfelegaa a ní ŋɔsée yìrige kàa kánma na í, wàa a ní da kapɛɛnnɛ tama í.

Misye 4:3 Iomraidhean Croise

Ŋúnuyi 46:10

Woro wi kapɛɛngèle yéregi fwɔɔ n sáà nan yaà tári láʔala na. Wi i sedeyi kabagi, ní i tàbaabèle cɛnɛ. Wi i kapɛɛnkpumɔn-wòtorobèle sórogi ní naà ní.

Ŋúnuyi 46:9

Yaa maa ye ba Yawe kapyegèle sámaga ye wéle, ye ba kálagigbɔɔli wéle, lee wi taʔa tári na lè.

Ŋúnuyi 72:3

Nyanbeleyi a ra yɛɛ̀nyinge kaangi syɛ́ɛnbèle ma, ní dǎndamayi ní wɔ́ɔgēle, sínni báriga ni.

Ŋúnuyi 72:7

Syɛɛnsiɔn a báriga wi cányi ni, yɛɛ̀nyingi a tɔ̀nɔ́ cariga bi nɛʔɛ fwɔɔ yégi a ní da nyaagi í.

Ŋúnuyi 82:8

Ki n yɛlɛ mi yìri, ee Kolocɔlɔɔ, kútiiw kúun tári na! Níì cán syɛɛnfeleyi myɛ i nyɛ mɔ kɔ́rigɔ.

Ŋúnuyi 96:13

Yawe yɛ́ʔɛ ma! Níì cán wi i maa, níì cán wi i maa ba kútiiw kúun tári na. Wi a ba kútiiw kúun dulunyanw na ní sínnɛ ní, ní syɛɛnfeleyi na bi yɛlɛ ní wi kányɛɛgi ní.

Ŋúnuyi 98:9

Yawe yɛ́ʔɛ ma! Níì cán wi i maa bi ba kútiiw ceri tári na. Wi a ba kútiiw ceri dulunyanw na ní sínnɛ ní bi syɛɛnfeleyi kútii ceri ní kányɛɛgi ní.

Ezayi 2:4

Wi a pye kútiijooo syɛɛnfeleyi nínge ni, bàā syɛɛnfele-nɛʔɛyɛ kele cɛnɛ. Pe a be ŋɔséebèle kpúmɔn bi kàriga nìteye, bi be tàbaabèle kàriga kátangèlē. Syɛɛnfelegaa a ní ŋɔsée yìrige kàa kánma na í, wàa a ní da kapɛɛnnɛ tama í.

Ezayi 25:3

Koro na fànnɛʔɛgɛ syɛ́ɛnbèle i mɔ kpɔ́ʔɔgi, syɛɛnfele-tanʔayi kàʔa a ra fɛ̀ɛgí mɔ na.

Ezayi 51:5

Mii sínni n nùuni, syɔɔli mii kaangi lè, li a liyɛɛ dɛ̀ɛn, mii kɔ́yi si kútiiw kúun syɛɛnfeleyi na. Lǒgi nínge tátɛɛgéle woolo a be sɔ̀ngumi taʔa mii na, pe a peyɛɛ yaʔa mii kɔ́yi ni.

Ezayi 60:12

Níì cán syɛɛnfelegee, ní fǎngee ga pye ki o báara mɔ ma lè í, ki a kálagi, syɛɛnfeleyi bee a kwɔ́ɔ péw.

Ezayi 65:25

Solomikaʔa, ní bàpile a ba pínɛ da líi, càaraɔ a ba ra nyàági káa àmɛɛ nɔ̀ɔ nyɛ lè, wàbiga sáā támiigi líi ki lìíli. Mii nyanbejǎngi myɛ na, kakologo wàlá kálagila a ra kpéʔele yaà í,» Yawe wi jo nya.

Ezayi 9:7

Kàfɔw n syɛɛnrɛ joo n wáa Zyakɔbi na, ti n too Isirayɛli na.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Oze sɛ́bɛw 2:18

Kàfɔw Yawe n jo: «Cángi bee na mɔ a ra mii yiri: ‹Mii nǎnw.› Mɔ a ní da mii yiri: ‹Mii Baali› í.

Oze sɛ́bɛw 2:20

Cángi bee na mii a joogaanna kpéʔele be ma, ní sìnbirigi yaweere, ní nyɛ̀ʔɛni féjɛɛnrɛ, ní yáriri ní di fulolo tári na lè. Mii a sedegi, ní ŋɔséew, ní kapɛɛnni ceri bi yirige tári ni, mii a be yaʔa paa ŋúnɔ yɛɛ̀nyinge na sági.

Zyowɛli 3:2

Alí cányi bee ni, mii a mii Pǐli yàli mii falipyenǎnbèle, ní mii falipyecebèle na.

Zakarii 14:3

Yawe a yiri bi kapɛɛnni kpúmɔn ní syɛɛnfeleyi bee ní, mɔ a jo cángee na wi kapɛɛnnɛ kpúmɔn lè kapɛɛnni canʔa na.

Zakarii 8:20

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Syɛɛnfeleye, ní kènɛʔɛyɛ syɛɛnnɛ a ní da maa.

Zakarii 9:10

Mii a kapɛɛnkpumɔn-wòtorobèle kwɔ́ɔ yirige Efirayimi ni, bi syɔ́ɔnyi kwɔ́ɔ yirige Zyerusalɛmi ni. Kapɛɛnkpumɔn-sedeyi a kwɔ́ɔ yiri yaà. Wi a yɛɛ̀nyinge kéele joo syɛɛnfeleyi ma, wi kùndigiri a séli solomɔ lógaa na bàā syée kàa ma, ti a séli Ufurati cábigi na bi sa nan tári láʔagéle na.

Kapyegèle 17:31

Níì cán wi n cangaa tɛ́ʔɛ gee ni wi a ba kútiisinw kúun lè dulunyanw syɛ̀ɛnnɛ na woro syɛɛntelegew báriga ni, wi n gi fɛ̀ɛ́w fílige n tɛ̀ɛn syɛ́ɛnbèle myɛ na àmɛɛ wi wi nyán n yirige lè kúbèle nínge ni.»

Tɛ̀ɛnnɛ 19:11

A mii nyɛ̀ʔɛni nyaa womúgulo ní, níì syɔɔnfiige nyaa li ni. Wee wi pye gi na lè wodɛ́ɛɔn ní, pe i wi yiri Tágala Syɔ́ɔn ní Kányɛɛgi, wi kútiijoori ní wi kapɛɛnkpumɔnri n sín.

1 Samyɛli 2:10

Bele be túngu ní Yawe ní lè, wi a be tɔ́nʔɔnɔ, bi wi yaʔa yaà nyɛ̀ʔɛni na, wi a folo kabagi be na. Yawe a kútiiw ceri tápow na. Wi a séew kaan wi fànʔafɔw ma. Wi a wi wonyɛnɛ-wòlow fànʔa kpɔ́ʔɔ.»