Misye 4:2 - Cebaara Bible 2010

² Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Misye 4:2 Iomraidhean Croise

Ŋúnuyi 110:2

Yawe a mɔ fangi kàgbeele nyáʔana Siyɔn ni. Tɛ́ɛn fǎngi na mɔ nigoobèle nínge ni!

Ŋúnuyi 119:1

Syɛ́ɛnbèle bele be nyɔɔ n foro be kôdanʔari ni lè, ní i táanri ni yɛlɛgi ní Yawe làlwaw ní lè, bele bee i nyɛ dùba pìibēle!

Ŋúnuyi 119:171

Mii nyɔɔwari n yɛlɛ bàā sòololi kéele càrí da yirigi! Níì cán mɔ i mii tama mɔ lalwaw kèlē na.

Ŋúnuyi 122:1

Njogi lúgufɔɔlɔ ŋúnugo. Davidi wógi. Pe ga mii pye: «Wo kári Yawe kpáagi ma,» mii n pye fundaanra na!

Ŋúnuyi 25:12

Syɔ́ɔnwee wi fɛ̀ɛgí Yawe na lè, kólogee wi yɛlɛ bi láa lè, Yawe n ni gi tèé wi na.

Ezayi 2:3

Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Ezayi 54:13

Mɔ piibèle myɛ a pye Yawe pìitamabéle, mɔ piibèle a tɔ̀nɔ́ yɛɛ̀nyingbɔʔɔ taa.

Ezayi 56:7

mii a pan ní bele bee ní mii nyanbejǎngi ma, mii a ba fundaanra kaan be ma mii nyɛ́ɛrigi kpaʔa ni. Mii a ra fɔ̀lɔ́ be sáriga-sórigow, ní be sárigaw na be wóo mii sáriga-wòlo-yafaangi na lè. Níì cán pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.»

Zyeremii 31:6

Níì cán cangaa i maa, gee ni kɔ̀rɔsiifɔbèle a yákpogèle wáa lè Efirayimi nyanbeleyi na, si jo: ‹Ye yìri wo lúgu wo kári Siyɔn ma, Yawe ma wi lè wolo Kolocɔlɔw.›

Zyeremii 42:3

Ki n yɛlɛ Yawe mɔ Kolocɔlɔw í kólogi tɛ̀ɛn wolo na, gee wolo yɛlɛ bi láa lè, ní gee wolo yɛlɛ bi kpéʔele lè.»

Oze sɛ́bɛw 6:3

Wo wi cán, wo kanmaa caa wo Yawe cán. Amɛɛ nyǐnjerigi panna nyɛ lè kakabalaga fun ni, ànbée wi panni wɔ́ɔ i nyɛ. Wi a pan wolo ma àmɛɛ zàʔá nyɛ lè, àmɛɛ nyìnbegéle nyɔ́ɔ zàʔá nyɛ, gee gi tári fɔɔnri lè.»

Zakarii 14:16

Lǎli bee ni syɛɛnfeleyee myɛ yi pan n baa kapɛɛnni kpúmɔn ní Zyerusalɛmi ní lè, yoro wogorobèle myɛ a ra maa yɛɛlɛ o yɛɛlɛ bi ba ra tíri da tuun fànʔafɔw yɛ́ʔɛ ma, wi lè Nyɛ̀ʔɛni Sùlasiibéle Kafɔlɔ Yawe, si wɔ́ɔ ba ra Kpáagèle Láara Tɛ́ɛnnɛ fɛ́tii kpéʔele.

Zakarii 2:11

«Ye boo kári! Siyɔn, fàn mi syɔɔ, mɔ wee wi nyɛ lè wodɛ́ɛɔn ní Babilɔni ni!

Zakarii 9:10

Mii a kapɛɛnkpumɔn-wòtorobèle kwɔ́ɔ yirige Efirayimi ni, bi syɔ́ɔnyi kwɔ́ɔ yirige Zyerusalɛmi ni. Kapɛɛnkpumɔn-sedeyi a kwɔ́ɔ yiri yaà. Wi a yɛɛ̀nyinge kéele joo syɛɛnfeleyi ma, wi kùndigiri a séli solomɔ lógaa na bàā syée kàa ma, ti a séli Ufurati cábigi na bi sa nan tári láʔagéle na.

Mariki 16:20

A be yìri n kári n sa ni Syɛɛnjóocǎnri nyuu tɛ́ɛyi myɛ ni. Kàfɔw si maa ni báara ní be ní, ní i be syɛ́ɛnri fíligi kakpoloyi báriga ni yi da pínɛ ní be syɛ́ɛnri ní lè.]

Luki 24:47

Ní níì jo, pe a sa ra nyuu syɛɛnfeleyi myɛ ma woro mɛ́ɛgi na àmɛɛ gi yɛlɛ be kàdoʔo wáa pe kapeegèle ma lè, ge kùsulugi si syɔɔ, pe si a gi séli Zyerusalɛmi na.

Zyan 6:45

Kanyaajoobèle maa syɛɛnraa sɛ́bɛ, a di jo: ‹Kolocɔlɔɔ a syɛ́ɛnbèle myɛ tama.› Syɔ́ɔnwee faala wi ga ni Tofɔw syɛ́ɛnrɛ lúro lè, níì fɔ̀lɔ wi tamani na, wee bee a pan mii ma.

Zyan 7:17

Syɔ́ɔnwee faala wi ga ni caa bàā Kolocɔlɔɔ nyɛ́nɛ kérigèle kpéʔele lè, wee bee a tɔ̀nɔ́ gi cán kapye Kolocɔlɔɔ syɛ́ɛnri na mii syɛ́ɛnbèle tama, wàlá kapye mii fúngi syɛ́ɛnrɛ na mii be tama.

Kapyegèle 1:8

Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

Kapyegèle 13:42

A pe ga yiri sérikpaagi ni, a syɛ́ɛnbèle be nyɛ́ɛri níì jo cândɛnɛgi gi maa lè pe ní paa maa pe ba joo kérigèle bee na poro ma.

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Làlwaw Kaanziin 6:1

«Kajoodɛɛngèle ní làlwaw kèlē ní tundunri di nyɛ dee naa, dee Yawe yele Kolocɔlɔw joo n gbàn níì jo mii í yele tama di na lè, koro ga pye táree ma yele syée bi sa di syɔɔ di pye yele wóro lè, yele í da di kpéʔele tári bee ni.