Misye 4:11 - Cebaara Bible 2010

¹¹ Tɔ́ɔliw ni, syɛɛnfele-nɛʔɛyɛ n yiyɛɛ gbóʔoro mɔ kánmi na. Yi i gi nyuu níì jo: «Ki n yɛlɛ pe gi faʔa, ki n yɛlɛ wolo nyapiigèle í le yaʔa Siyɔn ni!»

Misye 4:11 Iomraidhean Croise

Ŋúnuyi 129:5

Bele myɛ be Siyɔn para lè, ki n yɛlɛ fɛ̀ɛrɛ í be taa pe lúru kàdoʔo ma.

Ŋúnuyi 83:5

Pe i gi nyuu níì jo: «Yaa maa wo ba be kwɔ́ɔ wo yirige yaà syɛɛnfeleyi nínge ni, syɔɔn a ní kɔ́ sɔ̀ngí taa Isirayɛli mɛ́ɛgi na í!»

Ezayi 10:7

Kàjáa gee bee o nyɛ wi sɔ̀nguri í, wi o gee bee tímana wi fúngi ni í. Níì cán kálagila kéele li nyɛ wi fúngi ni bi syɛɛnfele-nɛʔɛyɛ kálagi bi kwɔ́ɔ.

Ezayi 17:12

Ee, syɛɛnfele-nɛʔɛyɛ kaanama, yi i kaana àmɛɛ sólomi lòyo kaanama nyɛ lè, syɛɛnfeleyi kunumɔ, yi i kunu àmɛɛ lòkpoloyi kunumɔ nyɛ lè.

Ezayi 29:7

Ki a pye àmɛɛ ŋúnɔgɔ, ní yébilige yanyaʔa nyɛ lè, syɛɛnfele-nɛʔɛyee má yi a ra kapɛɛnni kpúmɔn ní Ariyɛli ni lè, bele myɛ má pe a ra tuun ki ní gi tòniriyi na lè, si gi gbɛ̀dɛ.

Zyeremii 52:4

Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo ki canya kɛɛ wógi na, a Babilɔni fànʔafɔw Nebukadinezari ní wi kapɛɛnkpumɔnbèle myɛ pan Zyerusalɛmi kánmi na ní baa tɛ́ɛn gi taana níì tɛɛ̀lúgugéle sámaga gi kánmi na.

Ezekyɛli 26:3

Gee bee na Kàfɔw Yawe syɛ́ɛnri naa joo níì jo: ‹Wéle, mɔ ní mii cáan, Tiiri! Mii a syɛɛnfele-nɛʔɛyɛ kɔ́ri tórigo mɔ kurugo yi pye àmɛɛ sólomi lɔ̀ʔɔ gi kùnguruyi yìrigí lè.

Ezekyɛli 38:17

Kàfɔw Yawe wi syɛ́ɛnri naa joo níì jo: «Mɔ kéeli lé mii da joo booma ni mii falipyebèle ma a be joo pe lè Isirayɛli kanyaajoobèle, bele be kérigèle nyaa n joo lè cányi bee ni yɛ̀ʔɛlɛ saʔa fúngo ni, níì jo mii a mɔ yaʔa mɔ í pan mii syɛ́ɛnbèle kánma na?

Abidyasi 1:12

Mɔ a kɔ́ ra mɔ senyɛnw canʔa wéle í, ki lè fɔ̀rɔgi canʔa, mɔ a kɔ́ ra fundaanra kpéʔele Zyuda pìíbèle kéele na pe kálagili canʔa na í, mɔ a kɔ́ ra kpɔɔmɔ jóomɔ nyuu pe wɔʔɔgi canʔa na í!

Misye 7:10

Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Zakarii 12:3

cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.»