Misye 4:10 - Cebaara Bible 2010

¹⁰ Siyɔn calipili, da wɔʔɔ, máā cɛ́ɛn àmɛɛ cɔlɔɔ nyɛ, wee wi nyɛ seeli na lè! Níì cán tɔ́ɔliw ni mɔ a yiri kěgi ni bi sa mɔ tɛɛkòrogi pye sìnbirigi ni, mɔ a kári fwɔɔ bi sa nan Babilɔni na. Bi mɔ yaʔa yaà beè, mɔ a syɔɔ be ma, nɛɛ bee Yawe a mɔ nyúngi syɔɔ bi yirige mɔ nigoobèle kɔ́yɔ ni.

Misye 4:10 Iomraidhean Croise

2 Fànʔafɔbèle 20:18

Pe a mɔ piibèle pèle cò, bele pe a yiri mɔ ni lè, poro bele mɔ a see lè, bi kári ní be ní sa be wòlo, si be cáan be pye falipyebèlē Babilɔni fànʔafɔw kpaʔa ni.»

2 Fànʔafɔbèle 25:4

a be weʔe fùru kěgi tò na. A fànʔafɔw yiri ni fé yébiligi ni, woro ní syɛ́ɛnbèle myɛ be pye lè kapɛɛnkpumɔnbèle n kpàánweeli kólogo láa ni syée gúnyi siin lariga ni fànʔafɔw nángwɔɔ taana. Koro n gi taa Kalide ye maa kěgi le nínge. A wi Araba kólogi láa ni syée.

2 Cányi kèlē 33:11

Lǎli bee ni a Yawe Asirii fànʔafɔw kapɛɛnkpumɔn-kùndigibéle yaʔa a be pan be kánmi na. A pe baa Manase cò n cɔ̀ʔɔlɔyɔ le wi na, níì kanyɛɛnrɛ nyɔ̀ʔɔmɔ tɛ́ʔɛ n wi pwɔɔ n kári Babilɔni ma.

2 Cányi kèlē 36:20

Bele be syɔɔ ŋɔséew ma lè, a Nebukadinezari poro cò n kári Babilɔni ma, a be sáà pye woro ní wi jáabèle púlobéle fwɔɔ n taa n baa nan Pɛrisi fǎngi làla na.

2 Cányi kèlē 36:23

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ma, Zyuda ni. Wee wi ga pye lè yele níngi ni wi syɔɔnwaa, ki n yɛlɛ wi Kolocɔlɔw í pye ní wi ní, waa syée.› »

Ŋúnuyi 106:10

Wi n be yirige be parafɔw kɔ́lɔ ni, wi n be nyúnyi syɔɔ n yirige nigoow kɔ́lɔ ni.

Ezayi 43:14

Yawe wi syɛ́ɛnri naa joo, woro wee wi yele nyúnyi syoo lè, wi lè Isirayɛli Wojanw, wi n jo: «Yele kéeli na mii wàa tun Babilɔni kánmi na, wi wóbèle be fé bi syɔɔ lè, bi poro myɛw tìrige bi cáan, Kalide syɛ́ɛnbèle bee be kpɔɔmɔ kpéʔele pe bàtobèle ni lè.

Ezayi 45:13

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Mii wi Sirusi yìrige sínni kéele na. Mii a wi kóloyi myɛ sámaga nyɔɔ. Wi a ní mii kěgi faan si ní mii syɛ́ɛnbèle lúrugo be pan poro bele pe da cò n kári lè. Wi a nyùnzyɔɔ-wáli syɔɔ í, wi a námara kpɔ́ʔɔrɔ syɔɔ í.»

Ezayi 48:20

Ye yiri Babilɔni ni. Ye fàn ye yiri Kalide ye níngi ni! Yaa fundaanra yákpogéle wáa yaa kéeli bee jáari, ye li kéeli joo be lóʔo. Ye li cariga fwɔɔ li nan tári láʔala na. Ye gi joo ye jo: «Yawe n wi falipyew Zyakɔbi nyúngi syɔɔ.»

Zyeremii 13:4

«Sɛntiiriw láa, wee mɔ syɔɔ lè, wee wi nyɛ mɔ sárigèle ni lè. Yìri maa syée Ufurati ma mi sa wi làriga nɛɛ bee fálaga tɛɛyabiga ni.»

Zyeremii 15:21

«Mii a mɔ yirige syɛɛnpeebèle kɔ́yɔ ni, mii a mɔ syɔɔ syɛɛntanʔabèle ma.»

Zyeremii 29:20

‹Kàjáa yele wojobèle myɛw, yele bele mii cò n yirige Zyerusalɛmi ni n tórigo Babilɔni ma lè, ye Yawe syɛ́ɛnri lóʔo.

Zyeremii 4:31

Mii i yákpowáara lúro, mɔ a jo cɔlɔɔ yákpowáara dii, wee wi nyɛ seeli na lè, wɔʔɔgɔ yákpowáara, mɔ a jo wee wi nyɛ pìiselio seele na lè. Calipili Siyɔn yákpoli lii. Li i cɛ́ɛn, li i kɔ́yi sáanri níì jo: «Wɔʔɔgɔ i mii na, mii i tuun syɛɛnkpoobèle kúruyo láara ni.»

Zyeremii 48:41

Pe n fànʔa taa Keriyɔti na, kèniriyi n láʔa yaà, Mowabi nànniribèle fúnyo si i nyɛ cángi bee àmɛɛ cɔlɔɔ wóʔo nyɛ, wee wi nyɛ seeli na lè.

Zyeremii 52:27

A Babilɔni fànʔafɔw sáà be kpúmɔn n kpóo yaà Iribila ma, Hamati tári ni. Kánmi bee na be Zyuda ye cò n yirige be tári ni n kári léelige.

Oze sɛ́bɛw 13:13

Fícɛnnɛfɔlɔ fícɛnnɛ yáama félege a nan wi na. Sícilibiipiire pya wii, wee làrizeele li nan lè, wi si o yirigi wi nɔ́ɔw láʔa ni í.

Oze sɛ́bɛw 2:14

Mii a wi ɛrɛzɛn tíriri, ní wi děsyaantiiri kálagi, dee kéele na wi da ni gi nyuu lè níì jo: ‹Bele mii kéeli dɛ́nɛ lè, sàraw be kaan mii ma lè, woro wii!› Mii a di kàriga kɔligɔ, sìnbirigi yaweere a di lìi.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Tɛ̀ɛnnɛ 12:14

A Kolocɔlɔɔ nyɔɔ̀ dàdaga fókaanya siin kaan céw ma koro ga pye wi yìri bàā syée wi tɛɛkòrogi ma fìími tára ni, jàngó wi léeli wàbigi na, pe a sa ra wi nyɔ́ɔgi caa nɛɛ bee bi ba taa yɛ̀ʔɛlɛ taanri ní tíla.