Misye 4:1 - Cebaara Bible 2010

¹ Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi a kabi da syée yaà.

Misye 4:1 Iomraidhean Croise

Sélimɛ 49:1

A Zyakɔbi wi jáabèle yeri níì be pye: «Ye kpóʔoro naa mii ma. Gee ki a ba pye yele na lè nyɛ̀ʔɛna, mii a ba gi joo tɛ̀ɛn yele na.

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

Ŋúnuyi 110:3

Mɔ syɛ́ɛnbèle tɔ̀nɔ́ i cángi sige, gee ni mɔ a mɔ kapɛɛnkpumɔnbèle kpóʔoro lè, fèreri yacanvororo si pye be na nyǐnjerigi na. Mɔ wojáribèle i maa àmɛɛ nyǐnjerige kásaga nyɛ lè!

Ŋúnuyi 22:27

Màámi fɔ̀ɔlɔ a ra líi bàā tíngi, Yawe caafɔbèle a ra wi kpɔ̀ʔɔrɔ́, ki n yɛlɛ yele í pye sìi na làla o làla!

Ŋúnuyi 48:1

Ŋúnugo. Kore jáabèle ŋúnugo.

Ŋúnuyi 86:9

Syɛɛnfeleyee myɛ mɔ sámaga lè, yee bee a ra maa bi ba ra tíri da tuun mɔ yɛ́ʔɛ ma, Kàfɔw, yi a ra mɔ mɛ́ɛgi kpɔ̀ʔɔrɔ́.

Ezayi 27:13

Cángi bee na pe a tòmaakpɔɔgi wìi, lǎli bee ni bele pe da pùuni lè Asirii tári ni, pe a lúru pan, ní bele pe da cariga lè Ezyipiti tári ni. Pe a ba ra tuun da cíbele Yawe yɛ́ʔɛ ma nyanbejǎngi na, ki lè Zyerusalɛmi ni.

Ezayi 43:6

Mii a gi joo solomɔkulo ma si jo: ‹Pe kaan naa!› Bi gi joo wòrogulo ma si jo: ‹Mɔ a kɔ́ be cò bi yérige í!› Mii jáabèle yìrige yaà léelige mi pan, pe lè nǎnbèle, ní mii jáabèle be lè cébèle, pe yìrige yaà tári láʔala ma mi pan,

Ezayi 49:6

Wi n jo: «Bi mɔ kpéʔele mii falipyeo, bi ní Zyakɔbi syɛɛnfeleyi yìrige, bi ní lúru pan ní Isirayɛli wogorobèle ní, koro a sèʔé gi yɛlɛ í. Kàjáa mii a mɔ télege mɔ í pye tári syɛɛnfeleye gbɛɛnmɛ. Koro ga pye syɔɔli mii kaangi lè, li nan fwɔɔ tári láʔala na.»

Ezayi 54:2

«Ki n yɛlɛ mi mɔ fanikpaagi tɛ́ʔɛ kpɔ́ʔɔ. Mɔ fanikpaagi fàniya kpólo, mɔ a kɔ́ yi cɛ́rɛ í. Ki mɛ́ɛngèle tɔnɔ, mí gi cèferigèle sámaga mi kóri.

Ezayi 56:7

mii a pan ní bele bee ní mii nyanbejǎngi ma, mii a ba fundaanra kaan be ma mii nyɛ́ɛrigi kpaʔa ni. Mii a ra fɔ̀lɔ́ be sáriga-sórigow, ní be sárigaw na be wóo mii sáriga-wòlo-yafaangi na lè. Níì cán pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.»

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 3:17

Lǎli bee ni pe a ra Zyerusalɛmi yiri «Yawe Fàngoli.» Syɛɛnfeleyi myɛ a ra kpóʔoro yaà Yawe mɛ́ɛgi na Zyerusalɛmi ma. Pe a ní peyɛɛ daʔa pe funbeeyi nàʔagbanma na í.

Zyeremii 31:12

Pe a pan si ba ra fundaanra yákpogéle wáa Siyɔn ǹjoʔo ma tɛ́ɛgi ni. Pe a kabi fala Yawe yacanri ma, ti lè bilew, ní dùvɛɛnfɔnw, ní sǐnmi, ní yaweeyiligèle, ní yaweekpologèle. Pe fúnyi a pye àmɛɛ nángwɔɔ nyɛ, wee be fɔɔn lè, pe a ní fàngwɔɔrɔ cán í.

Zyeremii 48:47

Kàjáa canzanyi ni, Mowabi wóbèle be cò n kári lè mii a be lúrugo pan,» Yawe wi jo nya. Woro wi nyɛ kútiiw, wee wi joo Mowabi kéeli na lè.

Ezekyɛli 38:16

Ee Gɔgi, mɔ a lúgu kári mii syɛ́ɛnbèle Isirayɛli ye kánmi na, àmɛɛ fàfanʔa nyɛ, gee ki a tári tɔ́n lè. Làrigèle kwɔ́ɔmɔ na gee bee a pye, mii a mɔ yaʔa mɔ í pan mii tári kánma na, jàngó syɛɛnfeleyi í mii cán lǎli ni mii ga mɔ kéeli tɛ́ʔɛ n niyɛɛ dɛ̀ɛn lè wojaɔn ní pe nyɛnɛ na.› »

Ezekyɛli 40:2

Kolocɔlɔɔ yanyaaya ni wi kári ní mii ní Isirayɛli tári ma, ní sáà mii télege nyanbe-nyundɔnɔ-tèlege na, gee na ki da pye lè móō kàʔa n faan yaà wòrogulo kàbangi na.

Ezekyɛli 43:12

Kpáagi kajoolo wéle lee: Nyanbelegi ǹjoʔo ni, tɛ́ɛgee myɛ ki gi màʔa n kpàra lè, koro i nyɛ tɛɛcàndelege. Koro gi nyɛ kajooli kpáagi kéele na.»

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 2:28

Kàjáa Kolocɔlɔwaa i nyɛ nyɛ̀ʔɛni na, wee wi kalaragèle tèé lè, woro wi canzanyi kèlē tɛ̀ɛn fànʔafɔw Nebukadinezari na. Mɔ ŋúnɔgi gi nyɛ gee naa n fàra yanyaayi na mɔ nyaa lè n mɔ yaʔa mɔ yasinɛgi na.

Danyɛli 2:35

Lǎli bee ni, a túnmɔri, ní cóori, ní kanyɛɛnri, ní wálifiiw, ní tɛ́ɛw pínɛ n tɔ́nʔɔnɔ n pye àmɛɛ sùweʔe nyɛ lè kàsyɔʔɔ na, káfugo làla ni. A káfalagi di láa ti túlugi ga níì nyaa í. Kàjáa kàdɛnɛgi ki da ǹdevaangi kpúmɔn lè, a koro yìri n kpɔ́ʔɔ n pye nyanbelege, n tári myɛ nyìn.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Danyɛli 7:18

Kàjáa, wee wi nyɛ lè Pe Myɛ Nyúngo na, woro wojanbèle a ba fǎngi taa, fǎngi a pye be woʔò làla o làla kwɔ́ɔmɔ fun.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Oze sɛ́bɛw 3:5

Koro kàdoʔo ma Isirayɛli ye a lúru pan, pe a ba ra Yawe be Kolocɔlɔw, ní be fànʔafɔw Davidi caa. Pe a ra cɛ̀lɛ́ bàā maa Yawe ní wi funjǎngi ma làrigèle kwɔ́ɔmɔ na.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Zakarii 14:10

Tári myɛ a ba kàri tɛɛfiige bi séli Geba na bi sa nan Irimɔn na, ki nyɛ lè Zyerusalɛmi wòrogulo kàbangi na. Zyerusalɛmi a yìrige ǹjogi ni bi télege wi tɛ́ɛgi ni, bi séli Bɛnzyamɛ kpàánweeli na bi sa nan kpàánwee-sélili tɛ́ʔɛ na, fwɔɔ bi sa nan jɛ̀ɛ́ngèle kpàánweele na, si ní séli Hananeyɛli kpaataʔa-tɔ́nɔgi na fwɔɔ bi sa nan fànʔafɔw ɛrɛzɛn tɛ́ɛnùguyo na.

Zakarii 2:11

«Ye boo kári! Siyɔn, fàn mi syɔɔ, mɔ wee wi nyɛ lè wodɛ́ɛɔn ní Babilɔni ni!

Zakarii 8:3

Yawe n syɛ́ɛnri naa joo níì jo: «Mii a lúru pan Siyɔn ma, mii a ba tɛ́ɛn Zyerusalɛmi níngi ni. Zyerusalɛmi a ba ra yiri kányɛɛgi kàʔa, Nyɛ̀ʔɛni Sùlasiibéle Kafɔlɔ Yawe nyanbelegi a ba ra yiri nyanbelegi gi yaʔa Kolocɔlɔɔ ma lè.»

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Kapyegèle 2:17

‹Kolocɔlɔɔ n gi joo níì jo: Canzanyi ni mii a mii Pǐli yàli syɛ́ɛnbèle myɛ na. Yele nànbiigèle, ní yele calipiigèle a ba ra kérigèle nyaagi da nyuu, yele wojáribèle a ba ra yanyaayi nyaagi, yele wolɛɛbèle sáā ŋúnɔyi ŋúnɔ.

Heburubèle 1:2

kàjáa wi n baa joo wolo ma wi jáaw ni cányi naa ni yi lè canzanyi. Woro bárigaw ni Kolocɔlɔɔ dulunyanw kpéʔele, níì wi télege wi pye yáriri myɛ kɔriliio.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Tɛ̀ɛnnɛ 15:4

Kàfɔw, wìí wi nyɛ wee wi lè wi a ra fɛ̀ɛgí mɔ na í? Ba wìí wi nyɛ wi a ra mɔ mɛ́ɛgi kpɔ́ʔɔgi í? Níì cán mɔ nibin wi sín. Syɛɛnfeleyi myɛ a ba ra mɔ kpɔ̀ʔɔrɔ́, àmɛɛ mɔ mɔ kapyezingèle tɛ̀ɛn lè.»

Tɛ̀ɛnnɛ 20:4

A mii fàngorigēle nyaa. Bele pe da pye ge na lè wodɛ́ɛnbéle ní, a be fànʔa kaan bele bee ma paa kútiiw nyuu. Bele nyúnyo pe da cɛnɛ lè Zyezu séeraw kpéʔelele kéele na, ní Kolocɔlɔɔ syɛ́ɛnri kéele na, àmɛɛ be nyɛ lè pe da fɔ̀lɔ ni yaweegi ní ki niwirigi kpɔ̀ʔɔrɔ́ lè í, pe si da wɔ́ɔ̀ fɔ̀lɔ be gi fɛ̀ɛ́w kpúmɔn poro gbáagèle na, wàlá poro kɔ́yi na lè í, a mii bele bee nyaa, a be nyán níì tɛ́ɛn fǎngi na ní Kirisi ní yɛ̀ʔɛlɛ saala kagunɔ.