Misye 3:9 - Cebaara Bible 2010

⁹ Koro na ki n yɛlɛ ye dee naa lóʔo, yele Zyakɔbi kpáagi kùndigibéle, yele Isirayɛli kpáagi fànʔafɔbiigéle, yele bele ye kútiisinw kàragí lè yanɔnʔɔgɔ, yele bele ye námaraw kpéʔele kútiisinw myɛ ni lè.

Misye 3:9 Iomraidhean Croise

Nehemii 13:17

A mii fúlo Zyuda wogbolobèle na níì be pye: «Nyàʔá gi nyɛ kapeegi naa nyúngo, gee yele kpéʔele lè ni cândɛnɛgi kálagi kánmi naa na?

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Kàseegèle 17:15

Wee wi tànʔa kaangi syɛɛnpeeo ma lè, ní wee wi kolomɔ kaangi syɛɛnsiɔn ma lè, pe myɛ siinw i nyɛ yanɔnʔɔyɔ Yawe ma.

Kàseegèle 17:23

Syɛɛnpeew i námara kpɔ́ʔɔrɔ syoo burogbɔɔgi láara ni, jàngó bi kútiisinw kàriga.

Kàseegèle 18:5

Bi syɛɛnpeeo yɛ́ɛgi wéle, si kolomɔ kaan syɛɛnsinw ma wi tàángi na, koro ga nyɔɔ í.

Kàseegèle 21:7

Syɛɛnpeebèle tanʔara i be lée ni wáa, níì cán pe n kányɛɛgi kèlē kpéʔelele cée.

Ezayi 1:23

Mɔ kundigibèle i nyɛ niceebéle, ní kàyuubēle pínɛnyɛ̀nnɛ, námara kpɔ́ʔɔri kéele n pe myɛ dɛ́nɛ, a be i fé tɔ̀nɔw kurugo. Pe o tànʔa kaangi círio ma í, pe o nyɔɔ cáan lɔgucaa kútii kéele ni í.

Zyeremii 5:28

Pe n sìnmɛ le, pe yɛ́ɛyi i daragi, pe kapeeyi n sɔ̀lɔ gi tɛɛ̀yéregi na. Pe o kútii nyuu kányɛɛgi na í, pe o círio kútii nyuu kányɛɛgi na jàngó wi tànʔa taa í. Pe o foomɔfɔbèle kútii nyuu kányɛɛgi na í.

Ezekyɛli 44:23

Pe a ra mii syɛ́ɛnbèle tama pe yacanga cán wàli yapeʔe ni, pe a gi yaʔa pe gi cán wàlimee bi nyɛ lè yanɔnʔɔgɔ, ní yamunugo níngi ni.

Oze sɛ́bɛw 5:1

«Yele sáriga-wòlobèle, ye gee naa lóʔo! Isirayɛli kpáagi wòolo, ye sámaga ye lóʔo! Fànʔafɔw kpáʔa wòolo, ye líiyi cáan! Níì cán yele má kútiiw nyuu ni wáa, ncan yele n pye karinyanga Misipa ni, ní cɔ̀ɔ, wee be cáan Tabɔɔri nyanbelegi na lè.

Levii ye sáriga-wòlori 26:15

yele ga mii làlwaw kèlē cée, yele sɔ̀nguri ga pye ti o nyɛ mii làlwaw kajoogéle na í, fwɔɔ a yele mii tundunri myɛ cée, níì mii joogaanni kálagi,

Amɔsi 5:7

Yele i kányɛɛgi kàragí kòbi, ní i sínni cáan tári na.

Misye 1:1

Yawe syɛ́ɛnri di nan Misye na lè wi lè Moresyɛti ye wów, Zyuda fànʔafɔbèle be lè Yotami, ní Akazi, ní Ezekyasi, poro lǎli ni. Yanyaʔa, Samarii ní Zyerusalɛmi kéeli na.

Misye 3:1

Mii n jo: «Ye lóʔo Zyakɔbi kùndigibèle, ní Isirayɛli kpáagi fànʔafɔbiigéle, yele má ban gi nyɛ bi kútiisinw cán ì?

Làlwaw Kaanziin 27:19

‹Wee wi ga nibɔɔn wàlá círio, wàlá lɔgucaa kútii kálagi lè, ki n yɛlɛ wi dánga!› Syɛ́ɛnbèle myɛ a gi joo si jo: Amiina!