Misye 3:5 - Cebaara Bible 2010

⁵ Yawe wi syɛ́ɛnri naa joo kanyaajoobèle kéele na, poro bele be mii syɛ́ɛnbèle fáana ni pùuní lè, pe gǎngèle ga yarigaa taa bàā sànʔá, pe n ni yɛɛ̀nyingi kéele nyuu, wee ga pye wi ga yarigaa le pe nyɔ́ɔyi ni lè í, pe n ni kapɛɛnni kéele nyuu ni wáa wee bee na.

Misye 3:5 Iomraidhean Croise

Kàseegèle 28:21

Bi syɔɔnwaa yirige wàa ni, gee bee ga nyɔɔ í, syɔɔn si i kapeʔe kpéʔele búru cerile nibin kéele na.

Ezayi 3:12

Bele be fǎngi gbàngí mii syɛ́ɛnbèle na lè, pe i nyɛ nìbyapiire, càbala be tɛ́ɛn be nyúngi na. Mii syɛ́ɛnbèle, yele yɛɛ̀kinibèle i yele pùuní, kólogee yele táanri lè, pe i gi kálagi.

Zyeremii 23:27

Pe i sɔ̀ngí bi mii mɛ́ɛgi fɛ̀ʔɛ mii syɛ́ɛnbèle ni, pe ŋúnɔyi báriga ni, yee be nyuu ni tèé peyɛɛ na lè, àmɛɛ be toolɛɛbèle fɛ̀ʔɛ mii mɛ́ɛgi na lè Baali bárigaw ni.

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 6:14

Pe i mii syɛ́ɛnbèle kpàliya sámagi kɔ̀nʔɔrɔ ni ní i gi nyuu níì jo: ‹Yɛɛ̀nyinge! Yɛɛ̀nyinge!› Yɛɛ̀nyinge si o yaà í.

Zyeremii 6:4

«Ye yeyɛɛ zámaga ye too wi na. Ye yìri! Ye waa lúru cânvulɛɛli làla ni! Wɔʔɔlɔ i wolo na, cángi i tíri n kwɔ́ɔ, cângwɔɔgi nyɔ́ɔ kànyingéle i tɔnɔgi ni syée.

Kayaagi Nyɛnigɛ 2:14

Mɔ kanyaajoobèle n yanyaaya nyaa n joo mɔ ma, yee yi nyɛ lè gbanzan ní jànvaa wóyo. Pe ga mɔ kolomi múgu n yaʔa í, koro ga pye bi mɔ syɔɔ púlori ma í, fwɔɔ a be pye mɔ ma fáanaga, ní jànvaa, ní pùununɔ yanyaaya fɔ̀ɔlɔ.

Ezekyɛli 13:9

Mii a mii kɔ́gi sánʔa kanyaajoobèle kánma na, poro bele yanyaaya yi nyɛ lè gbanzan, pe kanyaajoori si i nyɛ jànvaa. Pe lɛɛlɛ a pye mii syɛ́ɛnbèle gboolo ni í. Pe mɛ́ɛyi a sɛ́bɛ Isirayɛli kpáagi wòolo córomɔ sɛ́bɛ ni í. Pe a tée kári fwɔɔ bi sa nan Isirayɛli tásaligi na í. Yele a gi cán bi cán mii wi nyɛ Kàfɔw Yawe.

Oze sɛ́bɛw 4:5

Mɔ a kpírige too cángi làla ni, kanyaajoow ní mɔ a kpírige too yébiligi ni, mii si mɔ nɔ́ɔw kpóo.

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Malasyii 2:8

Kàjáa yele na, yele n yiri kólogi ni, yele n làlwaw kéele tɛ́ʔɛ n syɛɛnnɛʔɛmɛ kaan a bi kpírige. Yele n Levii joogaanni kálagi,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 15:14

Ye be yaʔa yaà, fúunbéle be nyɛ, ní i fúunbèle pèle tala. Fúuɔn ga ni wi fúunnyɛnnɛ tala, pe myɛ siinw a pínɛ too weʔe ni.»

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.