Misye 3:4 - Cebaara Bible 2010

⁴ Lǎli bee ni, pe a ra yákpogèle wáa Yawe kurugo, kàjáa wi a lóʔo be ma í. Wi a wi yɛ́ɛgi làriga be na lǎli bee ni. Níì cán pe n kapeeye kpéʔele.

Misye 3:4 Iomraidhean Croise

Zyɔbi 27:9

Lǎli ni wɔʔɔgɔ ga nan wi na lè, a Kolocɔlɔɔ i wi sùpili lúro lé?

Zyɔbi 35:13

Kányɛʔɛ na pe i yákpogèle wáa gbanzan, Kolocɔlɔɔ o gi lúro í, Séew Myɛ Kàfɔlɔ o gi córo í.

Ŋúnuyi 18:41

Mɔ n gi yaʔa a mii nigoobèle kàdoʔo kaan ni fé mii na. Bele mii kéeli bɛɛn lè mii a be nyɔ́ɔyi tɔ́n.

Kàseegèle 1:28

lǎli bee ni pe a ra mii yiri, mii si a syɔɔ í. Pe a ra mii caa, pe si a mii nyaa í.

Kàseegèle 28:9

Wàa ga wi líiweeli canʔana làlwaw lóʔolo na, àlí wee bee fɔ́lɔ nyɛ́ɛrigɛ i nyɛ yanɔnʔɔgɔ.

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Ezayi 3:11

Wɔʔɔlɔ i nyɛ syɛɛnpeew na! Kapeʔe a wi taa, níì cán gee wi kɔ́yi kpéʔele n yaʔa lè, koro ki a nan wi na.

Zyeremii 11:11

Gee bee na Yawe syɛ́ɛnri naa joo níì jo: ‹Wéle! Mii a wɔʔɔgɔ yaʔa ki ba too be na, pe a gbǎn peyɛɛ yirige gi ni í. Alí pe ga ni yákpogèle wáa mii kurugo, mii a tée lóʔo be ma í.

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 33:5

pe ga yiri bi sa too Kalide ye na lǎli ni lè, yee yi a nyìn nǎnbèle kúcere na, bele mii fundanʔaratɔw, ní mii fundanʔagbɔɔrɔtɔw a kpúmɔn lè, mii a mii yɛ́ɛgi làriga kěgi naa syɛ̀ɛnnɛ na, pe péemi kéele na.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Ezekyɛli 8:18

Mii wɔ́ɔgēle, mii fundanʔagbɔɔrɔtɔw a yarigaa pye. Mii a tée nyinimɛ nyaa í, mii a canmi-cɔɔnrigɔ kpéʔele í. Pe ga ni fúlo ni yákpogèle wáa mii líiweegèle taana, mii a lóʔo be ma í.»

Misye 3:7

Nyaafɔbèle a curugo, fɛ̀ɛrɛ a cɛ́lɛfɔbèle taa, pe myɛ a kɔ́yi tɔ́n pe nyɔ́ɔyi na. Níì cán Kolocɔlɔɔ a ra syɛɛnlurugoro kaangi í.

Misye 7:13

Tári a kálagi di syɛ́ɛnbèle kéele na, koro a pye be kapyegèle tɔ̀nɔ kéele na.

Zakarii 7:13

«Lǎli ni mii da ni be yeri lè, pe ga lóʔo í, kánmi bee na ki wɔ́ɔ baa pye lǎli ni pe ba ni yiri lè, mii ga lóʔo í,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 7:22

Pèle saʔa a ba gi joo mii ma cángi bee na si jo: ‹Kàfɔw, Kàfɔw, wolo da ni Kolocɔlɔɔ syɛ́ɛnri nyuu mɔ mɛ́ɛgi na ì, ní i màdebèle nɛnɛ ni yirigi mɔ mɛ́ɛgi na ì, ní wɔ́ɔ i kakpoloyi saʔa kpéʔele mɔ mɛ́ɛgi na ì?›

Luki 13:25

Lǎli ni kpáagi fɔ́lɔ ga kɔ́ baa yìri n kɔ̀rigi tɔ́n lè, á yele baa yére kàfugi na ni kɔ̀rigi kólo níì jo: ‹Kàfɔw! Ki múgu wolo ma!› Wi a yele yari: ‹Mii ga yele kàban-yìrigi cán í.›

Zyan 9:31

Wo myɛ n gi cán Kolocɔlɔɔ o lúro kapeebyeo ma í. Kàjáa syɔ́ɔnwee wi ga ni Kolocɔlɔɔ kpɔ̀ʔɔrɔ́ lè ní i wi nyɛnɛ kérigèle kpéʔele, wi n ni lúro wee bee ma.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.

1 Samyɛli 8:18

Cángi bee na yele a ra yákpogèle wáa yele fànʔafɔw kéele na yele a nyɛ́nɛ wòlo yeyɛɛ ma lè, kàjáa Yawe a joo ní yele ní cángi bee na í.»