Misye 3:2 - Cebaara Bible 2010

² Kacǎnni n yele bɛɛn, á yele tàmaga le ní kapeegi ní. Yele i be sáliyi wóo, ní i kaapiremi láari kaceleyi na.

Misye 3:2 Iomraidhean Croise

1 Fànʔafɔbèle 21:20

A Akabi baa Elii pye: «Mii nigoow, a mɔ mii caa lé n nyaa?» A wi wi yari: «Ɛɛn, mii n mɔ caa n nyaa. Níì cán mɔ n miyɛɛ pára n gi kpéʔele, gee gi pee Yawe nyɛ́nɛ na lè.

2 Cányi kèlē 19:2

Hananii jáaw Zyehu, wi lè kanyaaw, a woro yiri n sáà fànʔafɔw Zyozafati fàra níì wi pye: «A mɔ da yɛlɛ lé bi syɛɛnpeew dɛ̀ɛmɛ si tàmaga le ní bele ní Yawe kéeli bɛɛn lè? Koro na Yawe fúngi n tɔ̀nɔ n tanʔa mɔ kurugo.

Ŋúnuyi 15:4

Wi o fɔ̀lɔ́ nikalagiɔ na í, kàjáa wi i Yawe yɛ́ɛgi fyáafɔɔlɔ kpɔ́ʔɔgi. Wi ga nyɔ́ɔgi fàli keele na, àlí wi bɔ̀nɔ ga baa pye li ni, wi a tée fɔ̀lɔ bi wi nyɔɔfaligi kàriga í.

Ŋúnuyi 53:4

Pe myɛ n wàli n léeli, pe n pínɛ n kálagi. Syɔɔn faala o beè, wee wi kacàngēle kpéʔele lè í, àlí syɔɔn nibin.

Kàseegèle 28:4

Làlwaw céefɔɔlɔ i syɛɛnpeew sòoló, kàjáa làlwaw kèlē kpéʔelefɔɔlɔ fúnyo i taanri wi kurugo.

Ezayi 3:15

Nyàʔá na yele mii syɛ́ɛnbèle tánʔana, ní wɔ́ɔ i foomɔfɔbèle yɛ́ɛcɔɔgéle tɔ́nʔɔnɔ?» Kàfɔw Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Ezayi 5:20

Wɔʔɔli a pye bele na be kapeʔe yiri lè kacànna, ní i kacànna yiri kapeʔe, poro bele be yébilimi kàragí lè gbɛ̀ɛnmɛ, ní i gbɛ̀ɛ́nmi kàragí yébilimɛ, poro bele be yasorogo kàragí lè yatanʔa, ní i yatanʔa kàragí lè yasorogo!

Ezayi 57:12

Mii a mɔ sínni, ní mɔ kapyegèle joo bi tɛ̀ɛn, ke si a yafyɛn nyɔɔ mɔ na í.

Ezekyɛli 11:7

Gee bee na Kàfɔw Yawe syɛ́ɛnri naa joo níì jo: Yele kúbèle bele yele cáan kěgi nínge ni lè, poro be nyɛ káari, kěgi si i nyɛ nɛ̀ʔɛdaʔagi, yele si na, pe a yele yirige gi ni.

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Ezekyɛli 24:4

Kaacɛnɛri le yaà, kaacɛnɛri myɛ ti nyɔɔ lè, ti lè céeli, ní fókaangi wóro. Wi nyìn kacelejǎnyi na.

Ezekyɛli 34:3

Yele i kaasǐnmi líi, yele i bàsiiri búroyo nii, yele n sǐnmi yaweere kpóo n wòlo sáriga, yele si o bǎbèle nàʔá í.

Amɔsi 4:1

Yele Basyan nìcáayi, ye syɛ́ɛnri naa lóʔo, yele bele ye nyɛ lè Samarii nyanbeleyi na, ní i fǎngi gbàngí fɔ̀ngɔfɔbèle na, ní i foomɔfɔbèle tɔ́nʔɔnɔ, ní i gi nyuu yele nǎnbèle ma: «Ye wi láa yaa maa wo ba ra gbo.»

Amɔsi 5:15

Ye kapeeyi yaʔa yi yele bɛɛn, kacànbyeri si yele dɛ́nɛ. Yaa kútiisiɔn kúunri kpàánweeli na, dɔ̀ʔɔ́ Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, woro a nyinimɛ taa Zyozɛfu wóbèle na be kòro lè.

Misye 2:8

Nlaa yaà làridɔɔnnɔ ni, pe n yére nigooro na n mii syɛ́ɛnbèle sige, bele be yìri kapɛɛnni ma n lúru ni sɔ̀lɔ́ yɛɛ̀nyinge na lè, yele i burogboloyi wóo be na ni láari yaleree na.

Misye 7:2

Tágala syɛ́ɛnbèle n kwɔ́ɔ n yiri tári ni, syɛɛnsiɔn ní o beè í, pe myɛ n làra ni sige jàngó bàā sìsyaanw ŋuu, pe myɛ nibin nibin i karinyanya nii be senyɛ̀nnɛ na.

Misye 7:3

Pe kɔ́yi n wári kapeʔe pyele kurugo, fànʔafɔbili i yariraa caa fànʔa na, kútiijoow i fáliw pingi yakaanra kéele na, syɛɛnkpɔɔw wɔ́ɔ i wi fúngi yanidaanmaga caa, kánmi bee na pe myɛ wɔ́ɔ kanijanna na.

Sofonii 3:3

Ki syɛɛnkpolobèle be nyɛ gi níngi ni lè pe i nyɛ càarabēle bele be kaana lè. Ki kútiijoobèle i nyɛ cângwɔʔɔ nyɔ́ɔ kàsoloyo, yee yi lè yafyɛn ga kòro yi ma yi ba káa nyǐngi nyɔ́ɔ na í.

Luki 19:14

Kàjáa wi kéeli maa wi tári wòolo bɛɛn. Koro na wi kárigwɔɔli kàdoʔo ma a be tundunbèle pèle tórigo yaà níì jo pe sa jo: ‹Wolo o caa nǎnw naa í pye wolo fànʔafɔlɔ í.›

Zyan 18:40

A be níì yákpogèle wáa níì jo: «Eʔe, woro ban í, Barabasi wolo caa.» Bi gi taa Barabasi maa pye kàyuu-fànʔafɔlɔ.

Zyan 7:7

Yele kéeli a gbǎn dulunyanw syɛ̀ɛnnɛ bɛɛn í. Kàjáa mii kéeli si n tɔ́ɔ̀ be bɛɛn níì cán mii i be kɔ́rɔw nyuu níì jo be kapyegèle ga nyɔɔ í.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

Wɔrɔmi ye 12:9

Tàmagi ga yɛlɛ kaa kpéʔele ní syɛɛnjóotɛɛyɛ siin joolo ní í. Ki n yɛlɛ ye kapeegèle yaʔa ke yele bɛɛn yé tan kacǎngèle na.

2 Timɔte 3:3

ní tàmaga-fùnvɔɔlɔ, ní kayaakɔnbéle, ní mɛ́ɛkalagi-syɛ̀ɛnnɛ, pe si a gbǎn ra peyɛɛ có í, si pye nyinimɛ-fùnvɔɔlɔ, ní kacànnadeebéle,