Misye 3:12 - Cebaara Bible 2010

¹² Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Misye 3:12 Iomraidhean Croise

Ŋúnuyi 107:34

níì tátaanri kàriga solomɔ tára tári bee tɛ́ɛnfɔɔlɔ péemɛ kéele na.

Ŋúnuyi 79:1

Azafi ŋúnugi. Ee Kolocɔlɔɔ! Syɛɛnfeleyi n mɔ kɔ́rigi kálagi, pe n mɔ kpɔʔɔrɔli kpaacanga nɔ́nʔɔ, pe n Zyerusalɛmi kàriga gurubɛɛtooro.

Ezayi 32:14

Níì cán kpaakpɔɔgi a yaʔa, kàfulonɛʔɛgi kaʔa a cée yaʔa, dǎndamagi, ní kpaataʔa-tɔ́nɔgi a kàri bi pye tɛɛfiige bi kòro nya làla o làla, bi pye seʔe jofanibèle fundaanra tɛ́ʔɛ, ní yaweeri tɛɛnaʔaga,

Zyeremii 17:3

Mii sìnbirigi nyanbelege, mii i mɔ kɔ́lɔ yáriri, ní mɔ lɔ́ri tɛɛkɔnyɔ myɛ kaangi a be i fuguri ni lée n fàra mɔ sáriga-wòlo-tɛ́ɛyi na, mɔ kapeeli kéele na mɔ kpéʔele mɔ tásaligi myɛ na lè.

Zyeremii 22:5

Kàjáa yele ga pye yele ga syɛ́ɛnri naa lóʔo í, mii n kàli niyɛɛ na, Yawe wi jo nya, kpáagi naa a ba kàri gurubɛɛtoʔo.› »

Zyeremii 22:6

Níì cán Yawe wi syɛ́ɛnri naa joo Zyuda fànʔafɔw kpaʔa kéele na níì jo: «Mɔ i nyɛ mii ma àmɛɛ Galaadi nyɛ lè, ní àmɛɛ Liban ǹjogi nyɛ lè. Kàjáa mii si a tɔ̀nɔ́ mɔ pye fìimɛ tára, ní syɛ̀ɛnnɛ fun keye.

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 44:2

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Yele n kapeeyi myɛ nyaa, yee mii yaʔa a yi nan Zyerusalɛmi, ní Zyuda kěyi myɛ na lè. Wéle, níjanʔa yafyɛn ga níì kòro yi ni kapye gurubɛɛrɛ ban í, syɛ̀ɛnnɛ si ní o yaà í,

Zyeremii 52:13

A wi baa Yawe kpáagi ní fànʔafɔw kpaʔa, ní Zyerusalɛmi kpáayi myɛ sórigo. Wi maa naà le kùndigibèle kpaaya myɛ na.

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Kayaagi Nyɛnigɛ 5:18

àmɛɛ Siyɔn nyanbelegi kálagi lè, àmɛɛ sɔriyi nyaari yaà lè.

Misye 1:6

Mii a Samarii kàriga kàdɛnɛgbooro séʔe, gi pye ɛrɛzɛn tírire tɛɛ̀cɔ́rɔgɔ. Mii a wi kàdɛnɛri fàari bi wáa jǐnlɔgi ni, mii a wi kàpɔɔnbèle múgu yaʔa.

Matye 24:2

A wi be pye: «Yele ga yáriri naa myɛ nyaa í? Mii a gi joo yele ma kányɛʔɛ ni, kàdɛnɛgaa faala a kòro kàa na nɛɛ naa í, pe a ba yi myɛ cáan.»