Misye 2:6 - Cebaara Bible 2010

⁶ Pe i gi nyuu níì jo: «Ye joonɛʔɛgi yaʔa! Joonɛʔɛgɛ a kɔ́ ra nyuu kánmi bee na í! Tɛʔɛlɛyi a tée kwɔ́ɔ í!»

Misye 2:6 Iomraidhean Croise

Ŋúnuyi 74:9

Wolo ní o wolo fɛ̀ɛ́bèle nyaagi í. Kanyaajooo ní o beè í, syɔɔnwaa o nyɛ wolo níngi ni wee wi gi cán lǎlee myɛ kánma gee bee a kwɔ́ɔ lè í.

Ezayi 29:10

Níì cán Yawe n ŋúnɔgbɔɔmɔ tìrige n tɔ́n yele na, wi n yele nyapiigèle tɔ́n, koro ge nyɛ kanyaajoobèle, wi n yele nyúnyi tɔ́n, yoro yi nyɛ kanyaabèle.

Ezayi 30:10

Pe i gi nyuu kanyaabèle ma níì jo: «Ye a kɔ́ ra nyaagi í.» Ni gi nyuu kanyaajoobèle ma níì jo: «Ye a kɔ́ ra kányɛɛgi nyaagi bàā nyuu wolo ma í. Yaa fáanaga syɛ́ɛnrɛ nyuu wolo ma, yaa námara yanyaayi kéele nyuu wolo ma!

Ezekyɛli 21:2

«Syɔɔn-pya, mɔ yɛ́ɛgi wáa wòrogulo ma, mí joo wòrogulo kàbangi sìnbirige kánma na! Kérigèle nyaa mi joo wòrogulo kàbangi sìnbirige kɔ́ligɔ kánma na.

Ezekyɛli 3:26

Mii a mɔ nyínni táriga mɔ gbǎdanw na, jàngó mɔ í pye boboo, koro ga pye mɔ a ní kɔ́ gbǎn fúlo be na í. Níì cán niceebéle narigbaʔa gii.

Amɔsi 2:12

«Yele si n naziiribèle kɔ́ri a pe i dùvɛɛnw gbo, níì gee naa joo n gbàn kanyaajoobèle ma níì jo: ‹Yele a kɔ́ ra kérigèle nyaagi da nyuu í!›

Amɔsi 7:13

Mɔ a ní kɔ́ ra kérigèle nyaagi bàā nyuu nɛɛ naa Betɛli ni í. Níì cán fànʔafɔw tɛɛcànga gii, ní fànʔafɔlɔ kpaʔa.»

Amɔsi 7:16

Tɔ́ɔliw ni ki n yɛlɛ mi Yawe syɛ́ɛnri lóʔo, mɔ wee wi gi joo lè níì jo: ‹Mɔ a kɔ́ ra kérigèle nyaagi bàā nyuu Isirayɛli ye kéeli na í, mɔ a kɔ́ ra nyuu Izaaki kpáagi wòolo kéele na í.›

Misye 3:6

Gee bee kéele na yébiligi a wɔ́ɔ yele ma. Yanyaʔa si a ní nyaa í! Yébilimɛ a pye yele ma, yele a ní da kérigèle wéle bàā nyuu í! Cángi a jée kanyaajoobèle bee ma, gbɛ̀ɛ́nmi a pye yébilimɛ be na.

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Kapyegèle 4:17

Kàjáa ki n yɛlɛ wo gi joo wo gbàn be ma wó be pye pe a ní kɔ́ ra nyuu syɔɔnwaa faala ma mɛ́ɛgi bee na í, koro ga pye kéeli naa í kɔ́ cariga syɛ́ɛnbèle nínge ni bi léeli yaà í.»

Kapyegèle 5:28

níì jo: «Wolo ga gi joo n gbàn yele ma níì jo: Yele a ní kɔ́ ra syɛ́ɛnbèle tama mɛ́ɛgi bee na í ì? A wolo si gi nyaa a yele Zyerusalɛmi nyìn ní yele tamani bee ní, ní wɔ́ɔ i caa bi nǎnw bee kpóolo kútii cáan wolo na.»

Kapyegèle 5:40

A be pìitunbèle yeri n baa kpúmɔn, níì be pye pe a ní kɔ ra nyuu syɛ́ɛnbèle ma Zyezu mɛ́ɛgi na í, níì be yaʔa.

Kapyegèle 7:51

Yele nyùngbowaayi syɛ̀ɛnnɛ, yele bele ye nyɛ lè sìngɛnɛbéle yele fúnyi ni, ní yele líiweegèle kàbaan na, ní wɔ́ɔ i Pìicǎnni kábala làla o làla, àmɛɛ yele tóolɛɛbèle da pye lè, ànbée yele wɔ́ɔ̄ nyɛ.