Misye 2:5 - Cebaara Bible 2010

⁵ Koro na mɔ a tée syɔɔn taa Yawe syɛɛnkpoʔolomi ni, wee wi mɛɛnnɛ cáan tálɛɛlɛ na lè í.

Misye 2:5 Iomraidhean Croise

2 Fànʔafɔbèle 17:23

Fwɔɔ n taa a Yawe kɔ́ baa be nɛnɛ n núngo wiyɛɛ yɛ́ʔɛ ma n tórigo léelige, n yɛlɛ ní syɛ́ɛnri ni wi da joo wi falipyebèle myɛ ma a be joo lè pe lè kanyaajoobèle. Pe n Isirayɛli ye cò n yirige be tári ni n kári ní be ní Asirii ma, beè be yaà fwɔɔ n baa nan níjanʔa na.

1 Cányi kèlē 16:18

Wi n jo: «Mii a Kanaan tári kaan mɔ ma ti pye yele kɔ́rigi lɛɛlɛ.»

Nehemii 7:61

Bele be yìri Tɛli-Mela, ní Tɛli-Harisya, ní Kerubi-Adɔn, ní Imɛɛri ma n pan lè, pe si da gbàn n be narigbaayi, ní be syɛɛnfeleyi cán n wàli í, bi gi tɛ̀ɛn poro i nyɛ Isirayɛli wóbèle pèle í, poro be nyɛ bele naa:

Ŋúnuyi 16:6

Mii lɛɛgèle n pye lɛɛdaangéle. Kɔricànga gi nyɛ mii ma.

Oze sɛ́bɛw 9:3

Pe a ní kòro Yawe tári ni í. Efirayimi a lúru kári Ezyipiti ma, pe a sa ra yaliinɔnʔɔri líi Asirii ni.

Córolo 34:13

A Mowizi syɛ́ɛnri naa joo n gbàn Isirayɛli ye ma níì jo: «Tári bee yele a lɛɛ yeyɛɛ na ní gǒnwáari ní. Yawe n jo ti n yɛlɛ bi kaan syɛɛnfeleyi kpanjɛrɛ ní tíla ma.

Córolo 34:16

A Yawe gi joo Mowizi ma níì jo:

Làlwaw Kaanziin 23:2

«Wee jɔbiiye yi jaa lè, wàlá wi nǎnmi ga ceri, wi ga yɛlɛ wi jée Yawe syɛɛnkpoʔolomi ni í.

Làlwaw Kaanziin 23:8

Mɔ a kɔ́ ra Edɔmi ye wóo córo yanɔnʔɔgɔ í, níì cán mɔ senyɛnnɛ̀ wii. Mɔ a kɔ́ ra Ezyipiti ye wóo córo yanɔnʔɔgɔ í, níì cán mɔ maa pye wodɛ́ɛɔn ní be tári ni.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.

Zyozuwe 18:10

A Zyozuwe gɔ̌nw wáa be ma Silo ni, Yawe yɛ́ʔɛ ma, níì tári lɛɛ lɛɛ Isirayɛli ye na yaà beè n yɛlɛ ní be tílaganmi ní.

Zyozuwe 18:4

Ye nànbēle taanri-daanri nyɛ́nɛ ye wòlo syɛɛnfelege o syɛɛnfelege ni. Mii a be tun be sa tári nyaari be màʔa, pé di kánmi sɛ́bɛ bi yɛlɛ ní be kɔ́rigi kánma ní, si lúru pan mii ma.