Misye 2:3 - Cebaara Bible 2010

³ Gee bee na Yawe syɛ́ɛnri naa joo níì jo: «Wéle, mii i wɔʔɔgɔ tímana narigi bee wòolo kánma na. Yele a gbǎn yele yátiiyi yirige gi ni í. Yele a gbǎn yele nyúnyi yìrige sáā táanri í, níì cán wɔʔɔgɔ lala lii.»

Misye 2:3 Iomraidhean Croise

Ezayi 29:20

Níì cán kagbanbyeo a ní pye beè í, nɛ̀ɛnyɛnɛgɛfɔlɔ a ní nyaa í, bele myɛ pe da kòro ni kapeeyi kpéʔele lè, pe a kwɔ́ɔ yirige yaà,

Ezayi 3:16

Yawe n jo: «Amɛɛ Siyɔn calipiigèle keyɛɛ nyɛ́nɛ lè, níì nyùngbaabèle kpee ní i táanri, ke nyapiigèle si i syɔɔn lɛ́ɛlɛ, ke si i táanri yéw, yéw, ní i ge tɔ́lɔyi kajingéle tìngí,

Ezayi 5:19

Pe si i gi nyuu níì jo: «Ki n yɛlɛ wi tɔlɔyɔ wári, ki n yɛlɛ wi kɔlɔ̀ wári ní wi kapyeli ní, koro ga pye wolo í li nyaa! Ki n yɛlɛ Isirayɛli ye Wojanw katimanana í da maa kelekele bi ba foro, koro ga pye wolo í li cán!»

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 27:12

A mii syɛ́ɛnri naa wonijanra joo kélemi Zyuda fànʔafɔw Sedesyasi ma kánmi naa na, níì jo: «Ye yele yátiiyi kaan Babilɔni fànʔafɔw zúu ma, yaa báara wi ma, woro ní wi syɛ́ɛnbèle, yele a kòro sìi na.

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Zyeremii 36:23

A gi pye Yehudii ga sɛ́bɛmigiw kóloyaa taanri wàlá sicɛrɛ wéle, fànʔafɔw n yee bee ceri ní sɛ́bɛkanw ŋɔ́nɔ ní bi cáan kǎngèle náa ni, fwɔɔ n taa a sɛ́bɛmigiw myɛ baa sógi n kwɔ́ɔ.

Zyeremii 43:2

Azariya wi lè Hosyaya jáaw, ní Yohanan wi lè Kareya jáaw, ní nɛ̀ɛgbɔʔɔgɔ nanbèle bee myɛ Zyeremii yari: «Gee mɔ joo lè jànvaa wii. Yawe wolo Kolocɔlɔw ga mɔ tun mɔ í ba gi joo wolo ma si jo: ‹Yele a kɔ́ kári Ezyipiti ma bi sa tɛ́ɛn yaà í.›

Zyeremii 8:3

Kùúw a pɔ́rɔ sìíw na bele myɛ má pe ga kòro woweebèlē ní syɛɛnfelepeegi naa wozanbèlē ni lè, tɛ́ɛyi myɛ ni, beè mii a be nɛnɛ tórigo lè.» Nyɛ̀ʔɛni Sùlasiibéle Kafɔlɔ Yawe wi jo nya.

Kayaagi Nyɛnigɛ 1:14

Wi kɔ́gi n mii kapeebyeri zúu pwɔɔ. Ti n pala pala tiyɛɛ na, ti n lúgu n mii cò yákpoli ni. Kàfɔw n mii bárigaw kwɔ́ɔ. Wi n mii le be kɔ́yi ni, bele be lè mii a gbǎn yafyɛn pye be na í.

Kayaagi Nyɛnigɛ 2:17

Yawe n gi kpéʔele n foro, gee wi da kɔ̀rirɔ n tímana lè, wi n syɛ́ɛnri foro, dee wi da joo n gbàn lè nlaa yaà booma larigèle ni, wi n kálagili kpéʔele nyinimɛ fun, wi n mɔ pye nigoow fundaanra, wi n mɔ kasiitun-nyɛ́nbèle fànʔa kpɔ́ʔɔ.

Kayaagi Nyɛnigɛ 5:5

Wolo wɔʔɔfɔbèle i nyɛ wolo kàdoyi na. Wolo bárigaw n kwɔ́ɔ, pe o ŋɔ́ndaala yaari wolo ma í.

Amɔsi 2:14

Wee wi fé lè cama, wi a gbǎn ba fàn í, wee fànʔa gi nɛʔɛ lè wi a gbǎn ba yafyɛn kpéʔele ní wi fǎngi ní í, nànniriw a gbǎn ba wiyɛɛ sìíw syɔɔ í.

Amɔsi 3:1

Yele Isirayɛli ye, ki n yɛlɛ ye syɛ́ɛnri naa lóʔo, dee Yawe nyuu yele kéeli na lè, ní narigbaagi myɛ kéele na, gee mii yirige Ezyipiti tári ni lè:

Amɔsi 3:2

«Yele yagana mii nyɛ́nɛ n wòlo tári narigbaaya myɛ ni. Koro na mii a ba yele yíbe yele kérigèle na ke lè yele kolomi kèlē myɛ.»

Amɔsi 5:13

Koro na syɔ́ɔnwee wi cìlige lè, wi i pyèrí làrigèle naa ni, níì cán làribeegéle gɛɛ.

Misye 2:1

Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.

Wɔrɔmi ye 16:4

poro bele pe da fɔ̀lɔ lè bi be nyúnyi kaan jàngó bi mii syɔɔ kùúw ma. Mii nibin ban wi bariga kaangi be ma í, syɛɛnfeleyi egilizibéle myɛ wɔ́ɔ i bariga kaangi be ma.

Efɛzi ye 5:16

Ye lǎli còganma cán, níì cán cányi naa n pee.

Làlwaw Kaanziin 28:48

Yawe a mɔ nigoobèle yìrige mɔ kurugo, mɔ a ra báara be ma bi mɔ yaʔa ní kateegi, ní lògbaalaagi ní, mɔ si pye níbori, yáriri myɛ si mɔ fɔ̀n. Wi a tunmɔrɔ zúu taʔa mɔ yátiigi na bi taa wi mɔ kálagi kwɔ́ɔ.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.