Misye 2:2 - Cebaara Bible 2010

² Pe i nyabɛɛnnɛ kpéʔele seye kéele na, ní i yi nɛnɛ ni syoo, ní kpaaya kéele na, ní i yi syoo fànʔa na. Pe i fǎngi gbàngí kànanbile ní li kpáagi na, n wɔ́ɔ ni gi gbàngí nàɔn ní wi kɔ́rigi na.

Misye 2:2 Iomraidhean Croise

1 Fànʔafɔbèle 21:1

Kérigèle bee pyele kadoʔo ma, gee gi kpéʔele lè, koro gi nyɛ gee naa: Ɛrɛzɛn seʔe maa pye Zyizireyɛli ye Nabɔti ma Zyizireyɛli ni, Samarii fànʔafɔw Akabi fànʔafɔ-gbaagi taana.

2 Fànʔafɔbèle 9:26

‹Mii n Nabɔti sìsyaanw, ní wi jáabèle sìsyaan nyaa cànʔaniw.› Yawe wi jo nya. ‹Mii a gi felege kpéʔele mɔ na ségi naa wonijanga ni.› Yawe wi jo nya. ‹Koro na ki n yɛlɛ mi wi láa mi wáa ségi ni bi yɛlɛ ní Yawe syɛ́ɛnri ní.› »

Zyɔbi 31:38

Mii tári ga ni yákpoli wáa mii kánmi na, di sɔ̌nyi ga ni nyatinmi ŋuu,

Yirile 20:17

Mɔ a kɔ́ nyabɛɛnnɛ taa mɔ syɛɛnnyɛnnɛ kpaʔa na í. Mɔ syɛɛnnyɛnnɛ cɔ́ɔ nyánbɛɛnnɛ ga yɛlɛ bi pye mɔ na í, wàlá wi falipyenàɔn, ní wi falipyecɔɔ̀, ní wi nɔ̀ɔ, ní wi jòfani, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.»

Ezayi 3:14

Yawe i nyɛ kútii na ní wi syɛ́ɛnbèle wólɛɛbéle, ní be kùndigibèle ní, wi n jo: «Yele n ɛrɛzɛn ségi káa, foomɔfɔw kɔ́lɔ yárira i nyɛ yele kpáayi ni.

Ezayi 5:8

Wɔʔɔli a pye bele na be kpáayi faanri ni sígi yiyɛɛ na lè, ní wɔ́ɔ i séyi fála ni soʔolo yiyɛɛ na lè, fwɔɔ ki n pye lariwaʔa a ní pye yaà í. Tɛɛkòrogo ní o nyɛ tári nínge ni kapye yele yagwɔɔlɔ má ban í.

Zyeremii 22:17

«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»

Ezekyɛli 18:12

ní i fɔrɔgɔfɔlɔ, ní foomɔfɔlɔ nɔ̀ʔɔrɔ́ ni líi, ní i yúu, wi si o yárigi lúrugu ni kaangi, gee wi syɔɔ fwɔɔlɔ nyɔ́ɔ ni lè í, ní i wi yɛ́ɛgi yìrigí ni wéle yasunyi kàbaan na, ní i kapeeyi kpéʔele,

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Ezekyɛli 22:13

Wéle, mii i kadaagèle kóri keyɛɛ na nɔ̀ʔɔrɔgi kéele na mɔ kpéʔele lè, ní sìsyaanw kéele na wi nyaa mɔ níngi ni lè.

Ezekyɛli 33:26

Yele n yeyɛɛ zígi yele ŋɔséebèle na, yele i kapeekpɔʔɔ kpéʔele, yele myɛ nibin nibin i yele syɛɛnnyɛnbèle càbala nɔ́ɔnri, yele si tári fáliga taa lé?›

Ezekyɛli 45:9

«Kàfɔw Yawe wi syɛ́ɛnri naa joo níì jo: ‹Wobyegwɔɔgi n yɛlɛ nya, Isirayɛli fànʔafɔbiigèle! Ye yele péemi ní yele yanɛnɛ-mí-syɔɔri kéele yérige nya, yáā táanri kányɛɛgi ní sínni na, ye láʔa nya mii syɛ́ɛnbèle nɔ̀ʔɔrɔlɔ na. Kàfɔw Yawe wi jo nya.

Ezekyɛli 46:18

Fànʔafɔbili a kɔ́ yafyɛn wòlo syɛ́ɛnbèle kɔ́rigɔ ni í, li a kɔ́ be lɛɛgèle nɛnɛ syɔɔ be na í. Gee li a kaan lè kɔrigɔ li jáabèle ma, li a gi wòlo gee ni gi nyɛ li ma lè, koro ga pye wàa faala a kɔ́ fɔ̀n wi kɔrigɔ ni mii syɛ́ɛnbèle nínge ni í.»

Ezekyɛli 8:17

A wi mii pye: «A mɔ gi nyaa lé syɔɔn-pya? Yanɔnʔɔyi Zyuda kpáagi wòolo kpéʔele lè nɛɛ naa ni mii fúngi taanri, yoro ga nɛʔɛ n yɛlɛ nya ì? A gi si níì yɛlɛ lé be tári nyìn péemi na, si kòro bàā mii fúngi yìrigí? Wéle, pe i kágangi nùuní fínaagèle na.

Amɔsi 2:7

Pe i nyabɛɛnnɛ kpéʔele yáriri na fwɔɔ n sa ni nangi támii-yáriri na ti nyɛ fɔ̀ngɔfɔbèle nyúnyo na lè ní i màámi fɔ̀ɔlɔ tanʔa kálagi. Jaafɔlɔ, ní tofɔlɔ i wóo pìcaa nibin na koro ga pye bi mii mɛ́ɛcǎngi nɔ́nʔɔ.

Amɔsi 4:1

Yele Basyan nìcáayi, ye syɛ́ɛnri naa lóʔo, yele bele ye nyɛ lè Samarii nyanbeleyi na, ní i fǎngi gbàngí fɔ̀ngɔfɔbèle na, ní i foomɔfɔbèle tɔ́nʔɔnɔ, ní i gi nyuu yele nǎnbèle ma: «Ye wi láa yaa maa wo ba ra gbo.»

Amɔsi 8:4

Yele bele ye fɔ̀ngɔfɔw jóori lè ní i foomɔfɔbèle kwóo ni yirigi tári ni, ye gee naa lóʔo.

Misye 3:9

Koro na ki n yɛlɛ ye dee naa lóʔo, yele Zyakɔbi kpáagi kùndigibéle, yele Isirayɛli kpáagi fànʔafɔbiigéle, yele bele ye kútiisinw kàragí lè yanɔnʔɔgɔ, yele bele ye námaraw kpéʔele kútiisinw myɛ ni lè.

Misye 6:12

Kěgi bee lɔ́rɔ fɔ̀ɔlɔ n nyìn tanʔari na, ki syɛ́ɛnbèle i jànvaaw nyuu. Námaraw yagana na pe nyíngèle nyɛ pe nyɔ́ɔyi ni.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

1 Timɔte 6:10

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.