Misye 2:12 - Cebaara Bible 2010

¹² Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 2:12 Iomraidhean Croise

Sélimɛ 36:33

A Bela ga kùu, a Zera jáaw Yobabi tɛ́ɛn fǎngi na wi sìndɛɛgi ni, wi lè Bosira ye wów.

1 Cányi kèlē 1:44

A Bela baa kùu, á Bosira ye Zera jáaw Yobabi tɛ́ɛn fǎngi na wi sìndɛɛgi ni,

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 27:12

Cángi bee na Yawe a tíiyi nyàʔara bi séli cábigi nyɔ́ɔ na bi sa nan Ezyipiti lòcoologi na. Isirayɛli jáabèle, pe a yele jóo nibin nibin!

Ezayi 34:6

Yawe ŋɔséew n tín sìsyaanw na, sǐnmi n tára wi na. Bàpiigèle, ní sikepɔbèle sìsyaan, ní bàpɔbèle zǎloogēle sinmɛ i nyɛ wi na. Níì cán sáriga a wòlo Yawe ma Bosira ni. Kpóogbɔɔlɔ í wɔ́ɔ pye Edɔmi tári ni.

Ezayi 5:17

Bàala a ra náari yaà móō be nyàákáa-tɛ́ɛgi gii, nibɔɔnnɔ sáā lɔrɔfɔbèle kataya líi, yee yi kálagi lè.

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Ezekyɛli 34:11

Níì cán Kàfɔw Yawe wi syɛ́ɛnri naa joo níì jo: Mii tiimaa wi a ra mii bǎbèle kɔ̀rɔsíi, sáā be saanri da wéle.

Ezekyɛli 34:13

Mii a be yirige yaà syɛɛnfeleyi ni, beè be nyɛ lè, mii a be kpóʔoro bi yirige yaà tátɛɛyɛ saʔa ni, bi be lúrugo pan pe tásaligi ma. Mii a ra be nàʔá Isirayɛli nyanbeleyi na, ní lònyɔɔw, ní tári tɛ́ɛyɛ myɛ ni, beè syɛ̀ɛnnɛ a gbǎn kòro lè.

Ezekyɛli 34:22

mii a mii bǎbèle syɔɔ jàngó pe a ní kɔ́ be koli í, mii a kútiiw ceri byà ní wi bànyɛnnɛ níngi ni.

Ezekyɛli 34:31

Yele mii bǎbèle, bǎbèle bele be nyɛ lè mii yaweenaʔa-tɛ́ɛgi wòolo, yele i nyɛ syɛ̀ɛnnɛ. Mii si na, mii wi nyɛ yele Kolocɔlɔw, Kàfɔw Yawe wi jo nya.› »

Ezekyɛli 36:37

Kàfɔw Yawe wi syɛ́ɛnri naa joo níì jo: «Mii a ní gi yaʔa Isirayɛli kpáagi wòolo í da mii nyɛ́ɛri gbanʔama mii í poro dɛ̀ɛmɛ, mii a lóʔo be ma si be kpéʔele be nɛʔɛ àmɛɛ yaweere kurugo nyɛ lè.

Ezekyɛli 37:21

Mɔ a gi joo be ma si jo: ‹Kàfɔw Yawe wi syɛ́ɛnri naa joo níì jo: Wéle, mii wi Isirayɛli ye lée wee bi yirige syɛɛnfeleyi nínge ni, beè be kári lè. Mii a be kpóʔoro bi yirige yaà kàbanyi myɛ na, bi lúrugo pan pe ba pye be tásaligi na.

Amɔsi 1:12

Mii a naà tórigo Teman kánmi na, ki a sa Bosira kpaakpoloyi sórigo mɛnɛ mɛnɛ.»

Misye 2:13

Wee wi wéegi kúunri lè wi i lúru ni syée be yɛ́ɛgi na. Pe i wéegi kúunri ni sɔ̀lɔ́ ni yirigi gi ni. Pe fànʔafɔw i syée be yɛ́ɛgi na, Yawe si i nyɛ pe nyúngi na.

Misye 4:8

A mɔ, yaweeri gboolo kpaataʔa-tɔ́nɔgɔ, Siyɔn calipili dǎndamaga, fàngbɔɔgi wozelige a pan fwɔɔ ba nan mɔ na, ki lè Zyerusalɛmi calipili fànʔa.»

Misye 5:7

Zyakɔbi wogorobèle a pye syɛɛnfeleyi nínge ni, syɛɛnfele-nɛʔɛyɛ nínge ni àmɛɛ càaraɔ nyɛ kɔ́ligi yaweere nínge ni lè, ní àmɛɛ càarabɔ-yɛlɛɔ nyɛ yaweeyiligēle gboogéle ni lè, lǎli ni wi ga ni sɔ̀lɔ́ lè, wi n ni dee tánʔana, ní i dee sulugu, syɔɔn a taa bi di syɔɔ í.

Misye 5:8

Ki n yɛlɛ mɔ kɔ́gi í yìri mɔ kasiitun-nyɛ́nbèle ǹjoʔo ni, mɔ nigoobèle myɛ í kwɔ́ɔ bi yiri yaà!

Misye 7:14

Da mɔ banaʔa-kpeeli téeri maa mɔ syɛ́ɛnbèle nàʔá, poro bele be nyɛ lè mɔ kɔ́rigi yaweegboolo, loro lee li kòró lè li nibin kɔ́ligi ni, tíiri séʔe nínge ni! Ki n yɛlɛ paa nàʔá Basyan na, ní Galaadi tɛ́nɛmi ni, àmɛɛ booma cányi pye lè.

Misye 7:18

Wìí wi nyɛ Kolocɔlɔɔ àmɛɛ mɔ nyɛ lè, wee wi kolomi kùsulugo syoo lè, ní i wi kɔ́rigi wogorobéle kakoloyo yaari? Wi o wi fundanʔari kɔngi ni yaari ki kòro nya làla o làla í, níì cán funjǎngi kéele n wi dɛ́nɛ.

Sofonii 3:20

Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.