Misye 2:11 - Cebaara Bible 2010

¹¹ Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Misye 2:11 Iomraidhean Croise

1 Fànʔafɔbèle 13:18

A wi wi pye: «Jo mii wɔ́ɔ i nyɛ kanyaajoowaa àmɛɛ mɔ nyɛ lè. Yawe n nyɛ̀ʔɛni tundunwaa tun a wi baa gi joo mii ma níì jo: ‹Sa wi yeri mi lúrugo waa maa ní mɔ ní mɔ kpaʔa ma jàngó wi ba yaliire lìi si lɔ̀ʔɔ gbaa.› » Bi gi taa a wi da finɛ wi ma wii.

1 Fànʔafɔbèle 22:6

A Isirayɛli fànʔafɔw kanyaajoobèle kpóʔoro, pe maa pye saala siin félege, ní baa be pye: «A gi yɛlɛ lé mii í sa kapɛɛnni kpúmɔn ní Aramɔti ní ki lè Galaadi ni láà ba fwɔɔ mii a kɔ́ kári í?» A be wi yari: «Da syée, Kàfɔw a gi le fànʔafɔw kɔ́yɔ ni.»

Zyɔbi 31:5

Kapye mii n tánʔa jànvaa ni, kapye mii n tɔlɔgɔ wári námaraw kpéʔelele kurugo,

Kàseegèle 25:14

Syɔ́ɔnwee wi wiyɛɛ sòoló lè n jo woro i kaangi n gi yaʔa wi o kaangi í, wi i nyɛ àmɛɛ nyɛ̀ʔɛwɔɔlɔ ní káfalaga nyɛ lè, zàʔá fun ni.

Ezayi 28:7

Kàjáa poro wɔ́ɔ i dùvɛɛnw gbo ni fági, a singbǎnmi i be pùuní. Sáriga-wòloo ní kanyaajooo i fági singbǎnmi báriga ni, dùvɛɛnw n be cò, singbǎnmi i be pùuní. Pe yɛ́ɛyi i wóo n be yaʔa kanyaajoori na. Pe i curugu pe kajoo-mí-cerigèle ni.

Ezayi 9:15

Syɛ́ɛnbèle naa yɛɛ̀kinibéle i be pùuní. Bele be yére pe i poro yɛ́ɛgi kínigi lè, poro n kogologo láa.

Zyeremii 14:14

A Yawe mii pye: «Jànvaaw kanyaajoobèle nyaagi ni nyuu mii mɛ́ɛgi na. Mii ga be tun í, mii ga syɛ́ɛnrɛ joo n gbàn be ma í, mii ga téè joo be ma í. Jànvaaw yanyaaya, ní jànvaaw kanyaajooro, ní yasunzunri, ní be funzɔnguri di syɔɔn fáana ni pùuní lè, toro be nyuu yele ma.

Zyeremii 23:14

Kàjáa mii n yapeeye nyaa Zyerusalɛmi kànyaajoobèle ma, pe i nyɛ kanɔnʔɔbyebèlē. Pe i táanri jànvaaw na. Pe i fànʔa nii bele kɔ́yɔ ni be kapeeyi kpéʔele lè, koro ga pye pe wàa a kɔ́ láʔa wi peemɛ na í. Pe myɛ i nyɛ mii nyɛ́nɛ na àmɛɛ Sodɔmi ye nyɛ lè, a Zyerusalɛmi syɛ́ɛnbèle i nyɛ mɔ a jo Gomɔri wóbèle bɛɛ.»

Zyeremii 23:17

Pe n soro ni gi nyuu bele má pe mii faari lè níì jo: ‹Yawe n jo: Yele a pye yɛɛ̀nyinge na.› Ni gi nyuu syɔɔn o syɔɔn ma wi tɛ́nɛ̀ wiyɛɛ daʔa wi fúngi sɔ̀ngumɔ na lè, níì jo: ‹Wɔʔɔgɔ faala a nan mɔ na í!›

Zyeremii 23:25

«Mii n gi lóʔo gee kanyaajoobèle nyuu lè, poro bele be kérigèle nyaagi ni nyuu mii mɛ́ɛgi na lè, gele ge lè jànvaa níì jo: ‹Mii n ŋúnɔgɔ ŋúnɔ! Mii n ŋúnɔgɔ ŋúnɔ!›

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 28:15

A kanyaajoow Zyeremii kanyaajoow Hananya pye: «Ki n yɛlɛ mi lóʔo, Hananya! Yawe ga mɔ tun í, á mɔ gi yaʔa a syɛ́ɛnbèle naa be sɔ̀ngumi taʔa jànvaaw na.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Kayaagi Nyɛnigɛ 2:14

Mɔ kanyaajoobèle n yanyaaya nyaa n joo mɔ ma, yee yi nyɛ lè gbanzan ní jànvaa wóyo. Pe ga mɔ kolomi múgu n yaʔa í, koro ga pye bi mɔ syɔɔ púlori ma í, fwɔɔ a be pye mɔ ma fáanaga, ní jànvaa, ní pùununɔ yanyaaya fɔ̀ɔlɔ.

Ezekyɛli 13:22

Ncan yele i syɛɛnsinw fúngo nyáʔami wi na ní jànvaaw ní, bi gi taa mii tiimaa o gi kálagi wi na í, ní àmɛɛ yele fànʔa nii syɛɛnpeew ni jàngó wi a kɔ́ láʔa wi kobeegi na si kòro sìi na lè í.

Oze sɛ́bɛw 7:14

Pe o yákpogèle wáa mii kurugo ní be fúnyi myɛ ní í. Kàjáa a pe i nyaan ni peele n be yaʔa be yasinɛyi na, pe i peyɛɛ gbóʔoro bilew ní dùvɛɛnfɔnw kéele na, kàjáa ní i céemi kpéʔele mii kánmi na.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 3:5

Yawe wi syɛ́ɛnri naa joo kanyaajoobèle kéele na, poro bele be mii syɛ́ɛnbèle fáana ni pùuní lè, pe gǎngèle ga yarigaa taa bàā sànʔá, pe n ni yɛɛ̀nyingi kéele nyuu, wee ga pye wi ga yarigaa le pe nyɔ́ɔyi ni lè í, pe n ni kapɛɛnni kéele nyuu ni wáa wee bee na.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Filipikaʔa ye 3:19

Pe kwɔ́ɔmi a ba pye kálagila. Pe fícarigèle ge nyɛ pe kolocɔlɔw. Kérigèle ke da yɛlɛ bi pye be na lè fɛ̀ɛrɛ kèlē, gele bee i nyɛ be ma kpɔɔmɔ kéele. Pe sɔ̀nguri tɔ̀nɔ́ i nyɛ dulunyanw kèlē na.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.