Misye 2:10 - Cebaara Bible 2010

¹⁰ Ye yìri, yaa syée! Níì cán tári naa o nyɛ ŋɔ́ndaala tɛ́ʔɛ í. Ti nɔ́nʔɔri kéele na ti a pan ní wɔʔɔyɔ ní, yi a pye wɔʔɔbeeye.

Misye 2:10 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

2 Fànʔafɔbèle 15:29

Isirayɛli fànʔafɔw Peka lǎli ni Asirii fànʔafɔw Tigilati-Pilezɛɛri pan n baa Iyɔn, ní Abɛli-Bɛti-Maaka, ní Yanowa, ní Kedɛsyi, ní Hasɔɔri syɔɔ n pye wi woyò. Wi maa Galaadi, ní Galile syɔɔ, gee bee n joo Nɛfitalii tári myɛw níì yi syɛ́ɛnbèle cò n kári Asirii ma.

2 Fànʔafɔbèle 17:6

Oze fǎngi yɛ̀ʔɛlɛ kpanjɛrɛ wóli na, Asirii fànʔafɔw fànʔa taa Samarii na, níì Isirayɛli ye cò n kári Asirii ma. A wi sáà pèle télege Hala ni, níì pèle télege Habɔɔri nyɔ́ɔgi na ki lè Gozan cábigi, ní wɔ́ɔ̀ pèle télege Medii ye kěyi ni.

2 Cányi kèlē 7:20

mii a yele kɔ́n bi yirige mii tásaligi ni, gee mii kaan yele ma lè. Kpáagi naa mii sámaga n yaʔa niyɛɛ mɛ́ɛgi na lè, mii a gi núngo niyɛɛ daana bi wáa léelige. Mii a gi pye kàseele yáriga, ní yafaʔala syɛɛnfeleyi myɛ ma.

Ŋúnuyi 106:38

Pe n tɛɛlɛ fun sìsyaanw wo, wi lè pe nanbiigèle ní be calipiigèle sìsyaan, pe n ge wòlo sáriga Kanaan syɛ́ɛnbèle yasunyo ma, a sìsyaanw tári nɔ́nʔɔ.

Ŋúnuyi 95:11

Koro na mii fundanʔaratɔw wɔ́ɔ̀ kàli níì jo: «Pe a tée jée mii ŋɔ́ndaali ni nyáana í!»

Zyeremii 10:18

Níì cán Yawe wi syɛ́ɛnri naa joo níì jo: «Wéle, mii a tɔ̀nɔ́ tári syɛ̀ɛnnɛ wáa léelige kátali naa na. Mii a tɔ̀nɔ́ be gbɛ̀dɛ, koro ga pye pe be taa cò.»

Zyeremii 3:2

«Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Zyeremii 9:19

Koro na, cébèle, ki n yɛlɛ ye Yawe syɛ́ɛnri lóʔo, ye gi yaʔa ki jée yele líiweegèle ni, gee wi nyɔ́ɔgi nyuu lè! Yáā yele calipiigèle tama kùúgi nyɛniganma na. Ye myɛ nibin nibin sáā yeyɛɛ dama nyamɛɛwáari na.

Ezekyɛli 36:17

«Syɔɔn-pya, lǎli ni Isirayɛli kpáagi wòolo pye wodɛ́ɛnbéle ní be tásaligi na lè, a be gi nɔ́nʔɔ ní be tánʔaganmi, ní be kapyegèle ní. Pe tánʔaganmi maa pye mii yɛ́ʔɛ ma àmɛɛ cɔlɔɔ nɔ́nʔɔrɔ nyɛ lè wi lòweligi làla ni.

Ezekyɛli 36:19

Mii n be cariga n lége syɛɛnfeleyi nínge ni, pe n cariga n tórigo tátɛɛyɛ saʔa ma, mii n kútiiw kúun be na n yɛlɛ ní be tánʔaganmi, ní be kapyegèle ní.

Làlwaw Kaanziin 12:9

Níì cán ŋɔ́ndaali tɛ́ʔɛ, ní kɔ́rigi Yawe mɔ Kolocɔlɔw a kaan mɔ ma lè, yele ga kɔ́ɔ̀ nan n kwɔ́ɔ yaà í.

Làlwaw Kaanziin 30:18

mii a gi joo tɛ̀ɛn yele na níjanʔa si yele pye yele a tɔ̀nɔ́ kálagi péw. Táree má yele a Zyuridɛnw jeli bi kári lè bi sa di syɔɔ taa, yele a cannɛʔɛyɛ kwɔ́ɔ di ni í.

Làlwaw Kaanziin 4:26

mii n nyɛ̀ʔɛni ní tári láa níjanʔa di pye séera yele kánmi na, yele a kárima kùu bi kwɔ́ɔ tári ni, dee ni yele a Zyuridɛnw jeli bi jée lè bi di taa di pye yele wóro, yele a cannɛʔɛyɛ kwɔ́ɔ di ni í. Níì cán yele a tɔ̀nɔ́ kwɔ́ɔ péw bi yiri di ni.