Misye 2:1 - Cebaara Bible 2010

¹ Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.

Misye 2:1 Iomraidhean Croise

Sélimɛ 31:29

Fànʔa i nyɛ mii ma bi gbǎn kapeʔe kpéʔele yele na. Kàjáa mɔ tóow Kolocɔlɔɔ wi gi joo mii ma cànʔaniw níì jo: ‹Ki n yɛlɛ maa miyɛɛ kɔ̀rɔsíi. Mɔ a kɔ́ yarigaa faala joo Zyakɔbi ma àmɛɛ gi mɔ dɛ́nɛ lè í.›

1 Fànʔafɔbèle 21:7

Lǎli bee ni a wi céw Zyezabɛli wi pye: «Mɔ ban wi nyɛ fǎngi na tɔ́ɔliw ni Isirayɛli ye nyúnyi na kányɛʔɛ na ì? Yìri mi lìi, máā fundaanra kpéʔele. Mii a Zyizireyɛli ye Nabɔti ɛrɛzɛn ségi kaan mɔ ma.»

Ɛsitɛri 3:8

A Haman fànʔafɔw Asyerusi pye: «Syɛɛnfelegaa i nyɛ n màʔa mɔ fǎngi tátɛɛyɛ myɛ ni, gee kánma bi wàli lè, pe i nyɛ tɛ́ɛyi myɛ ni n nyáʔami syɛɛnfeleyi myɛ ni. Pe làlwaw ga pínɛ ní syɛɛnfelegaa faala wóo ní í. Pe o táanri fànʔafɔw làlwaw na í. Bi be yaʔa beè sági yɛɛ̀nyinge na, gee bee a yafyɛn nyɔɔ fànʔafɔw na í.

Ɛsitɛri 5:14

A wi céw Zerɛsyi ní wi tàannyɛnbèle myɛ wi pye: «Ki n yɛlɛ be cɔ̀rɔlɔ tíige sámaga bi yérige, ki tɔnɔganmi í pye mɛ́tiribéle toko ní kagunɔ, nyɛ̀ʔɛna nyǐngi nyɔ́ɔ na, mí sa fànʔafɔw pye wi Maridosye yaʔa pe wi cɔ̀rɔ gi na. Koro kàdoʔo ma mɔ si kári fundaanra na ní fànʔafɔw ní lìigbɔɔli ma.» A syɛ́ɛnri bee Haman dɛ́nɛ. A wi cɔ̀rɔlɔ tíige sámaga n yérige.

Ɛsitɛri 9:25

Kàjáa lǎli ni Ɛsitɛri kári fànʔafɔw ma lè, a woro gi sɛ́bɛ n gi joo n gbàn níì jo: «Kapeegee wi da tímana Zyefubèle kánma na lè, ki n yɛlɛ gi kòro wi tiimaa nyúngi ni, pe wi cɔ̀rɔ cɔ̀rɔli tíige na, pe wɔ́ɔ wi jáabèle kpéʔele nya.»

Zyɔbi 15:35

Wee wi péemi fícɛnnɛ taa lè, wɔʔɔgi wi a see, gee ki a wi jànváa lè koro gi nyɛ wi fícɛnni ni.»

Zyɔbi 24:14

Syɛɛnkpoow i yìrigí nyǐnjerigi na bi wɔʔɔgɔfɔw, ní foomɔfɔw kpóo, ki ga pye yébiligi ni, wi n pye mɔ a jo kàyuuo wii.

Ŋúnuyi 36:4

Wi nyɔɔsyɛɛnri i nyɛ námara ní fáanaga, wi n láʔa sícilimi ní kacànbyeri na.

Ŋúnuyi 36:5

Wi i sɔ̀ngí námaraw pyele na bi wi yaʔa wi yasinɛgi na, kólogee gi pee lè, koro wi lée, wi o kapeʔe cèʔé í.

Ŋúnuyi 58:3

Anbée ban gi nyɛ í! Yele n gi kɔ̀rirɔ ni námaraw kèlē kpéʔele. Yele kɔ́yi kapyere i nyɛ gàlagí tári ni.

Kàseegèle 12:2

Yawe i nyɔɔgi syɛɛncanw na, syɔɔnwee ni si sɔ̀ngubeeri nyɛ lè, Yawe i kolomɔ kaangi wee bee ma.

Kàseegèle 14:22

Bele be kapeegi tímana lè, pe o peyɛɛ pùuní wii ì? Bele si be kacǎnni tímana lè, poro ma funjǎngi, ní kányɛɛgi nyɛ.

Kàseegèle 3:27

Bele na kacànna yɛlɛ li kpéʔele lè, mɔ a kɔ́ cée li kpéʔeleli na í, kapye li kpéʔeleli fànʔa i nyɛ mɔ ni.

Kàseegèle 4:16

Níì cán bele bee i nyɛ kapye pe ga kapeʔe kpéʔele í, pe a gbǎn ŋúnɔ í. Kapye pe ga syɔɔn taa n cáan í, ŋúnɔmi n pɛ́ɛ be na.

Ezayi 29:20

Níì cán kagbanbyeo a ní pye beè í, nɛ̀ɛnyɛnɛgɛfɔlɔ a ní nyaa í, bele myɛ pe da kòro ni kapeeyi kpéʔele lè, pe a kwɔ́ɔ yirige yaà,

Ezayi 3:14

Yawe i nyɛ kútii na ní wi syɛ́ɛnbèle wólɛɛbéle, ní be kùndigibèle ní, wi n jo: «Yele n ɛrɛzɛn ségi káa, foomɔfɔw kɔ́lɔ yárira i nyɛ yele kpáayi ni.

Ezayi 32:7

Námarafɔw nàʔama n pee. Wi i kanbeemɛ tímana, koro ga pye woro í foomɔfɔw pùuni ní jànvaa syɛ́ɛnrɛ ní, àlí fɔ̀ngɔfɔw ga caa sín.

Ezayi 5:8

Wɔʔɔli a pye bele na be kpáayi faanri ni sígi yiyɛɛ na lè, ní wɔ́ɔ i séyi fála ni soʔolo yiyɛɛ na lè, fwɔɔ ki n pye lariwaʔa a ní pye yaà í. Tɛɛkòrogo ní o nyɛ tári nínge ni kapye yele yagwɔɔlɔ má ban í.

Ezayi 59:3

Níì cán sìsyaanw n yele kadaagèle nɔ́nʔɔ, a kakolobyeri yele kabegèle nɔ́nʔɔ. Yele nyɔɔwari i jànvaaw nyuu, a yele nyíngèle i námaraw kabala ni nyuu.

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Ezekyɛli 11:2

A Yawe mii pye: «Syɔɔn-pya, nǎnbèle naa be kapeeyi tímana ní i láliipeew kaangi kěgi naa ni.

Ezekyɛli 33:26

Yele n yeyɛɛ zígi yele ŋɔséebèle na, yele i kapeekpɔʔɔ kpéʔele, yele myɛ nibin nibin i yele syɛɛnnyɛnbèle càbala nɔ́ɔnri, yele si tári fáliga taa lé?›

Ezekyɛli 38:10

Kàfɔw Yawe wi syɛ́ɛnri naa joo níì jo: «Cángi bee na sɔ̀nguraa a yìri mɔ fúngi ni, mɔ a kanbeemɛ tímana.

Ezekyɛli 46:18

Fànʔafɔbili a kɔ́ yafyɛn wòlo syɛ́ɛnbèle kɔ́rigɔ ni í, li a kɔ́ be lɛɛgèle nɛnɛ syɔɔ be na í. Gee li a kaan lè kɔrigɔ li jáabèle ma, li a gi wòlo gee ni gi nyɛ li ma lè, koro ga pye wàa faala a kɔ́ fɔ̀n wi kɔrigɔ ni mii syɛ́ɛnbèle nínge ni í.»

Misye 6:12

Kěgi bee lɔ́rɔ fɔ̀ɔlɔ n nyìn tanʔari na, ki syɛ́ɛnbèle i jànvaaw nyuu. Námaraw yagana na pe nyíngèle nyɛ pe nyɔ́ɔyi ni.

Nahumi 1:11

Wàa n yiri mɔ ni, wee wi kapeʔe tímana Yawe kánmi na lè, wee fúngo ni gbanzan katimanara da pye lè.

Zakarii 7:10

Yele a kɔ́ ra fǎngi gbàngí lɔgucaa, ní círio, ní nibɔɔn, ní foomɔfɔlɔ na í, yele wàa faala a kɔ́ ra kapeʔe sɔ̀ngí wi fúngi ni wi syɛɛnnyɛnnɛ kánma na í.›

Mariki 15:1

A nyǐngi ga tali, a sáriga-wòlobèle kàfɔɔlɔ, ní wolɛɛbèle, ní làlwaw sɛ́bɛwelebéle ní Sanedirɛnw myɛ kpóʔoro n joo n bɛ̀ɛ, níì Zyezu pwɔɔ n kári n sáà kaan Pilati ma.

Luki 20:19

Lǎli bee wonijanna ni a làlwaw sɛ́bɛwelebéle ní sáriga-wòlobèle kàfɔɔlɔ i kanmaa caa bi wi cò, kàjáa pe maa ni fɛ̀ɛgí syɛ́ɛnbèle na. Pe maa gi cán poro má wi kàseeli bee wáa n kaan.

Zyan 19:11

A Zyezu wi yari: «Mɔ fánʔa mǎà dée taa mii na í, kapye fǎngi bee ga yìri ǹjoʔo ma n baa kaan mɔ ma í. Gee bee na wee wi mii le mɔ kɔ́yi ni lè, woro kapeeli n kpɔ́ʔɔ n sɔ̀lɔ mɔ wóli na.»

Kapyegèle 23:12

Lǎli ni nyǐngi tali lè, a Zyefubèle pèle peyɛɛ nyaa n nyɔɔ kúun, níì kàli n jo, poro a ní lìi í, poro a wɔ́ɔ gbaa í bi taa poro í Pɔli taa kpóo.

Kapyegèle 23:15

Koro na gi yɛlɛ tɔ́ɔliw ni yele ní Sanedirɛnw í tun yaà sùlasiibèle kàfɔgbɔɔɔ ma ye wi pye wi Pɔli kɔ́ri waa maa ní wi ní yele ma koro ga pye yele í ba wi kéeli sɛʔɛ wéle bi li fílige cán bi sɔ̀lɔ. Níì cán wolo n sámaga n kwɔ́ɔ n yére wi kpóoli na sáni wi nùuni naa lè.»

Wɔrɔmi ye 1:30

ní mɛ́ɛkalagibéle, ní Kolocɔlɔɔ nígoobéle, ní syɛɛn-tɛʔɛlɛbéle, ní ní i nyɛ nɛ̀ɛnyɛnɛgɛ fɔɔlɔ, ní joogbɔɔmɔ fɔɔlɔ, ní i kanmaa caa wovɔnmɔ bàā kérigèle kpéʔele, gele ge pee n sɔ̀lɔ lè, pe wɔ́ɔ o lúro pe seefɔbèle ma í,

Làlwaw Kaanziin 28:32

Mɔ nanbiigèle, ní mɔ calipiigèle a kaan syɛɛnfelegaa nikwɔɔ ma. Mɔ nyapiigèle a gee bee nyaa pe nyaalaaw si pye ge na canʔa o canʔa, mɔ fánʔa si a taa yafyɛn na í.