Misye 1:8 - Cebaara Bible 2010

⁸ Gee bee na mii a ra nyaan, mii a ra nyaan bàā peele, mii a ra táanri taʔalaya fun, ní cepyá, mii a ra yákpoli wáa àmɛɛ gbàʔa nyɛ lè, bàā cɛ́ɛn àmɛɛ sòʔolobèle nyɛ lè.

Misye 1:8 Iomraidhean Croise

2 Fànʔafɔbèle 18:13

A ki ga pye Ezekyasi fǎngi yɛ̀ʔɛlɛ kɛɛ ní sicɛrɛ wólo na, a Asirii fànʔafɔw Senakeribi lúgu n kári Zyuda kèniriyi myɛ kánma na n sáà yi syɔɔ n taa.

Ɛsitɛri 4:1

Lǎli ni Maridosye baa ki myɛ cán gee gi kpéʔele lè, a wi wi búroyi sulugu níì gɔ̀nvaʔaga le, níì cɔnʔɔ wo wiyɛɛ na, ní i syée kěgi nínge ni, wi funbɛɛnrɛtɔw si i sùpiigi wáa.

Zyɔbi 30:29

Mii n baa pye gbàáyi senyɛnnɛ̀, ní sòʔolobèle pínɛnyɛnnɛ.

Ŋúnuyi 102:6

Mii césaligi n tára mii kaceleyi na mii cɛ́ɛnmi báriga ni.

Ezayi 13:21

Fìími tára yaweere a wi pye di tɛɛkòrogo, zàngbuloweeyi a wi kpáayi nyìn, sòʔolow a ra kòró yaà, sikepɔbèle a ra yegi yaà.

Ezayi 13:22

Kàsoloyi a ra nyaan wi kpaakpoloyi ni, gbàáyi í da fúlo wi fànʔafɔ-gbaacanyi ni. Wi lǎli n nùuni, wi cányi ga níì nɛʔɛ í.

Ezayi 16:9

Koro na mii i nyaan Sibima ɛrɛzɛn ségi kéele na àmɛɛ Yayezɛɛri nyaan gi kéeli na lè, mii a yele kaan yele í gbaa mii nyatinmi na, Hɛsyibɔn, ní Eleyale, níì cán kapɛɛnnɛ sùpile i wáa mɔ ségi yaliire, ní mɔ yaliilaari na.

Ezayi 21:3

Koro na mii sárigèle i mii yáa gbanʔama. Yayaaya i mii có, àmɛɛ fícɛnnɛ cɔlɔɔ yáa, wee wi a see lè. Gee mii lúro lè, ki i mii fúngi nyáʔami. Gee mii nyaagi lè, ki i fyáakpɔɔrɔ wáa mii na.

Ezayi 22:4

Koro na mii jo: «Ye nyapiigèle yirige mii ni, ye gi yaʔa mii funbɛɛnrɛtɔw í da nyaan, ye a kɔ́ ra ŋàʔaná bi mii kpɛʔɛlɛ mii syɛ́ɛnbèle calipile wɔʔɔgɔ kéele na í.»

Ezayi 32:11

Cébèle, yele bele ye nyɛ lè kasɔngunɔ fun, yaa fɛ̀ɛgí gbanʔama! Cébèle, yele bele ye tága yeyɛɛ na lè yaa cɛ̀lɛ́! Ye yele búroyi wòlo, ye pye cepyá, yé sɛntiiribéle pwɔɔ yele sárigèle ni!

Zyeremii 4:19

Mii láayi! Mii láayi! Mii tɔ̀nɔ́ i wɔʔɔ mii fúngi ni! Mii zɔ̌nw i figiri, mii a gbǎn pyèri í. Níì cán mii i tòmaagi wìimɛ, ní kapɛɛnni yákpolo lúro.

Zyeremii 9:1

Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Zyeremii 9:19

Koro na, cébèle, ki n yɛlɛ ye Yawe syɛ́ɛnri lóʔo, ye gi yaʔa ki jée yele líiweegèle ni, gee wi nyɔ́ɔgi nyuu lè! Yáā yele calipiigèle tama kùúgi nyɛniganma na. Ye myɛ nibin nibin sáā yeyɛɛ dama nyamɛɛwáari na.

Ezekyɛli 32:18

«Syɔɔn-pya, da cɛ́ɛn Ezyipiti syɛɛnnɛʔɛmi kéele na, mí bi tìrige, poro ní fànnɛʔɛgɛ syɛɛnfeleyi wòolo ní, táàma tátɛɛyi ni, ní bele ní be tíri lè weecurugi ni.

Misye 2:4

Cángi bee na, pe a kútii joo ceri yele na, pe a ra funbɛɛnrɛ ŋúnugo ŋúu, bàā gi nyuu si jo: «Wolo n tɔ̀nɔ n kálagi péw! Wi i mii syɛ́ɛnbèle lɛɛlɛ lee! Ee! Wi i li syoo mii ma dɛ́! Wi i wolo séyi kaangi niceeye ma!»

1 Samyɛli 19:24

A woro wɔ́ɔ̀ wi yaleri wòlo, á woro tiimaa wɔ́ɔ i kérigèle nyaagi ni nyuu Samyɛli yɛ́ʔɛ ma. A wi too n kòro tári na cépya cángi bee myɛ, ní yébiligi myɛ ni. Koro na be kòro ni li wáa kàseele ni gi nyuu níì jo: «Ba Sawuli wɔ́ɔ i nyɛ lé kanyaajoobèle ni?»