Misye 1:7 - Cebaara Bible 2010

⁷ Wi ǹdedanyi myɛ a tɔ́nʔɔnɔ, wi sàranɔnʔɔw myɛ a sórigo náagi ni, mii a wi yasunyi myɛ cɔ̀nʔɔ cɔ̀nʔɔ, yoro yee wi taa lè nànjaari sàra báriga ni, yi a ní lúru pye nànjaara sàra.

Misye 1:7 Iomraidhean Croise

2 Cányi kèlē 31:1

Lǎli ni gee bee myɛ kpéʔele n kwɔ́ɔ lè, Isirayɛli wóbèle myɛ be pye yaà lè, a poro kári Zyuda kěyi ma n sáà yasungaangèle myɛ jabagi, níì Asyera tiikóriyi cɛnɛ, níì sáriga-wòlo-tɛ́ɛyi, ní sáriga-wòlo-yafaanyi myɛ bìnɛw jabagi Zyuda, ní Bɛnzyamɛ ni, ní Efirayimi, ní Manase ni wɔ́ɔgēle. Koro kàdoʔo ma a Isirayɛli ye myɛ nibin nibin lúru n kári be kèye ma, pe myɛ nibin nibin be kɔriyɔ ma.

Ezayi 2:18

Yasunyi myɛ a ba kwɔ́ɔ láʔa yaà.

Ezayi 23:17

Yɛ̀ʔɛlɛ togoye taanri ga kwɔ́ɔ, Yawe a pan Tiiri ma, Tiiri a ní séli bàā wi sàranɔnʔɔw lée. Wi a ra nànjaari kpéʔele ní dulunyanw fànya myɛ ní, yi lè tári na.

Ezayi 27:9

Kánmi bee na Zyakɔbi kolomi kùsulugo fáli a kpéʔele, wéle, koro ni wi kapeeli kùsuluzyɔɔrɔ a taa, Yawe a wi sáriga-wòlo-yafaangi kàdɛnɛyɛ pye àmɛɛ piremɛ kadɛnɛyɛ nyɛ, yee yi kàriga lè támiige. Wi Asyera gàángèle, ní wi cángi kpɔ̀ʔɔrɔlɔ gàángéle a ní yére í.

Ezekyɛli 6:6

Tɛʔɛ o tɛʔɛ ni yele nyɛ lè wodɛ́ɛnbéle ní, yele kěyi a pye gurubɛɛrɛ, yele sáriga-wòlo-tɛ́ɛyi si pye tɛɛ̀kalagiya, yele kolomɔ sáriga-wòlo-yafaanyi í too, yele yasunyi a jabagi bi kwɔ́ɔ yiri yaà. Yele nùndaanni yasorigoro yalegéle a kpúmɔn jabagi, yele fáliw í kurugo láʔa yaà.

Oze sɛ́bɛw 2:12

Tɔ́ɔliw ni mii a wi fɛ̀ɛ́ri tɛ́ʔɛ múgu yaʔa bele yɛ́ʔɛ ma wi kéeli da dɛ́nɛ lè, syɔɔn faala a wi yirige mii kɔ́gi ni í.

Oze sɛ́bɛw 2:14

Mii a wi ɛrɛzɛn tíriri, ní wi děsyaantiiri kálagi, dee kéele na wi da ni gi nyuu lè níì jo: ‹Bele mii kéeli dɛ́nɛ lè, sàraw be kaan mii ma lè, woro wii!› Mii a di kàriga kɔligɔ, sìnbirigi yaweere a di lìi.

Oze sɛ́bɛw 2:5

Kapye koro ban í, mii a wi waragi péw, bi wi pye wi canzeegi cére na. Mii a wi kàriga àmɛɛ fìími tára nyɛ lè, bi wi pye àmɛɛ lɔ̀ʔɔ fun tára nyɛ lè, si lògbaalaagi yaʔa ki wi kpóo.

Oze sɛ́bɛw 8:5

Mii o mɔ náapiigi caa í, Samarii! Mii fúngi n tanʔa yele kurugo. Làlìí ni yele a láʔa nya kolomɔ funmi céele na?

Oze sɛ́bɛw 8:6

Isirayɛli má gi yìri, fáliw kacanwaa wi gi sámaga, náapiigi bee o nyɛ Kolocɔlɔɔ í. Koro na Samarii náapiigi a tɔ̀nɔ́ ba tɔ́nʔɔnɔ.

Zyowɛli 3:3

Mii a kakpoloyo tɛ̀ɛn, yee yi a pye lè nyɛ̀ʔɛni ní tári na, yi a pye sìsyaan, ní naà, ní wíritɔnɔyɔ.

Levii ye sáriga-wòlori 26:30

Mii a yele sáriga-wòlo-tɛ́ɛyi kálagi, bi yele cángi kpɔ̀ʔɔrɔlɔ gàángéle kpúmɔn cáan, si yele kúceri taʔa yele yasunguuyi na. Yele kéeli a ní pye mii fúngi ni í.

Làlwaw Kaanziin 23:18

«Yasungbaʔa nanjaaɔ faala ga yɛlɛ bi nyaa Isirayɛli calipiigèle nínge ni í, yasungbaʔa cecaaɔ faala ga yɛlɛ bi nyaa Isirayɛli nànbiigèle nínge ni í.

Làlwaw Kaanziin 9:21

A mii náapiigi láa, yárigi bee gi pye lè yele kapeeli n gi sórigo náagi ni, níì gi purɔ n kàriga míimɛ àmɛɛ cíbige nyɛ lè, níì cíbigi bee wáa lòcoologi ni, gi fóo ni tíri nyanbelegi na lè.

Tɛ̀ɛnnɛ 18:3

Níì cán syɛɛnfeleyi myɛ n gi kanɔnʔɔri fundanʔara duvɛɛn gbaa. Tári fànʔafɔɔlɔ n kanɔnʔɔri kpéʔele ní gi ní, a tári jàgiwáabéle wɔ́ɔ̀ lɔnɛʔɛrɛ taa gi kanɔnʔɔri láanitaʔa báriga ni.»

Tɛ̀ɛnnɛ 18:9

Tári fànʔafɔɔlɔ pe da ni kanɔnʔɔri kpéʔele ní gi ní lè, ní i pe nyɛnɛ yáriri myɛ taagi gi ni lè, pe ga baa gi sógili wírige nyaa lǎlee ni lè, pe a ra nyaan sáā sùpiigèle wáa gi kéeli na lǎli bee ni.

1 Samyɛli 5:4

Nyǐndaligi na, a be sɔ̀li n yìri n Dagɔn nyaa a wi too n cíbele Yawe kásuw yɛ́ʔɛ ma, Dagɔn nyúngi ní wi kɔ́yi siin si i nyɛ wogabagi-jáanya ní kpaaweeli na, á wi kòro biribìnge.