Misye 1:5 - Cebaara Bible 2010

⁵ Koro myɛ si n taa Zyakɔbi kapeegi kéele na, Isirayɛli kpáagi wòolo kapeegéle kéele na! Zyakɔbi kapeegi gi nyɛ gìí? Koro ban gi nyɛ Samarii ì? Zyuda sáriga-wòlo-tɛ́ɛyi yi nyɛ yìí? Yoro ban yi nyɛ Zyerusalɛmi ì?

Misye 1:5 Iomraidhean Croise

1 Fànʔafɔbèle 11:7

Lǎli bee ni a Salomɔn sáriga-wòlo-tɛ́ʔɛ sámaga nyanbelegi na Zyerusalɛmi zǐnmi na Kemɔsyi ma ki lè Mowabi ye yanɔnʔɔgi, n kàa sámaga Mɔlɔki ma ki lè Amɔn ye yanɔnʔɔgi.

1 Fànʔafɔbèle 13:32

Níì cán syɛ́ɛnri Yawe tɛ̀ɛn wi na a wi di joo n yákpoli wáa ní di ní lè Betɛli sáriga-wòlo-yafaangi kánma na, ní sáriga-wòlo-tɛ́ɛyi kpaaya myɛ kánma na yi nyɛ Samarii ni lè, ti a tɔ̀nɔ́ ba foro kàkabalaga fun ni.»

1 Fànʔafɔbèle 16:24

Koro kàdoʔo ma a wi Samarii nyanbelegi syɔɔ Syemɛɛri ma wálifiio támabéle selebingéle taanri na, níì kàʔa faan nyanbelegi na níì mɛ́ʔɛ le kěgi na wi faan lè ni gi yiri Samarii, Syemɛɛri mɛ́ɛgi na wi da sélì pye lè nyanbelegi fɔ́lɔ.

2 Cányi kèlē 34:3

Wi fǎngi yɛ̀ʔɛlɛ kɔrɔtaanri wólo na, n sèʔê wi yaʔa pyà, a wi séli ni wi toolɛɛgi Davidi Kolocɔlɔw caa. Yɛ̀ʔɛlɛ kɛɛ ní siin wóli na, a wi séli ni Zyuda ní Zyerusalɛmi jéemununi fáli kpéʔele, wi n sáriga-wòlo-tɛ́ɛyi, ní Asyera tiikóriyi, ní ǹdedanyi, ní tunmɔgbalari yasunyo yirige yaà.

2 Cányi kèlē 34:4

A be Baalibèle sáriga-wòlo-yafaanya ŋɔrigɔ n cáan wi nyɛnɛ na. A wi cángi kpɔ̀ʔɔrɔlɔ gàángéle kpúmɔn n cáan ge pye lè yi ǹjogi ni. A wi Asyera tiikóriyi, ní ǹdedanyi, ní tunmɔgbalari yasunyo tɔ́nʔɔnɔ, níì di purɔ n kàriga míige, níì míigi wo bele kɔ̀ɔngēle na pe da ni sárigaw wóo di ma lè.

Ezayi 7:9

Efirayimi nyúngi gi nyɛ Samarii, Samarii nyúngi si i nyɛ Eremaliyahu jáaw. Yele ga pye yele ga tága í, yele a sámaga yére í.› »

Zyeremii 2:17

Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?

Zyeremii 2:19

Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.

Zyeremii 23:13

«Kérigèle ge syɔɔn pùuní lè, mii n ge nyaa Samarii kanyaajoobèle ma. Pe i kérigèle nyaagi ni nyuu Baali mɛ́ɛgi na. Pe n mii syɛ́ɛnbèle Isirayɛli ye pùuni.

Zyeremii 23:14

Kàjáa mii n yapeeye nyaa Zyerusalɛmi kànyaajoobèle ma, pe i nyɛ kanɔnʔɔbyebèlē. Pe i táanri jànvaaw na. Pe i fànʔa nii bele kɔ́yɔ ni be kapeeyi kpéʔele lè, koro ga pye pe wàa a kɔ́ láʔa wi peemɛ na í. Pe myɛ i nyɛ mii nyɛ́nɛ na àmɛɛ Sodɔmi ye nyɛ lè, a Zyerusalɛmi syɛ́ɛnbèle i nyɛ mɔ a jo Gomɔri wóbèle bɛɛ.»

Zyeremii 4:18

Koro gi nyɛ mɔ tánʔaganmi ní mɔ kapyegèle tɔ̀nɔ, mɔ péemi bi nyɛ bee bee. Gee bee tɔ̀nɔ́ i nyɛ yasorogo, ki tɔ̀nɔ́ i jǐn fwɔɔ mɔ zɔnw ni.

Zyeremii 5:25

Yele kolomi kèlē ke gi myɛ nyáʔami, yele kapeegèle ge yele bɔ̀nɔ yacanri bee ni.

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Kayaagi Nyɛnigɛ 5:16

Wolo nyúnyi fànʔafɔ-nyùndɔnnɔ n too! Wɔʔɔlɔ i nyɛ wolo na, níì cán wolo n kapeele pye!

Ezekyɛli 16:46

Mɔ yɛʔɛfɔw wi lè mɔ senyɛnjew, wi nyɛ lè wodɛ́ɛɔn ní mɔ kamɔnɔ ma, woro wi nyɛ Samarii, ní wi calipiigèle ní, mɔ cɔnɔw wi lè mɔ senyɛnjew, wi nyɛ lè wodɛ́ɛɔn ní mɔ kaliige ma, woro wi nyɛ Sodɔmi, ní wi calipíigèle ní.

Oze sɛ́bɛw 7:1

«Lǎli ni mii da ni caa bi Isirayɛli pɔʔɔ lè, a Efirayimi kolomi, ní Samarii kanaa-sìnbyeri tiyɛɛ dɛ̀ɛn, níì cán pe n námara kpéʔele. Kàyuuw i jǐn kpáagi ni, kàyuu-fànʔafɔbèle i yáriri nɛnɛ ni syoo kàfugi na.

Amɔsi 6:1

Wɔʔɔlɔ i nyɛ bele na be tɛ́ɛn lè ŋɔ́ndaala na Siyɔn ni, ní bele na be tɛ́ɛn lè yɛɛ̀nyinge na Samarii nyanbelegi na, ní wogbolobèle bee na pe nyɛ lè syɛɛnfeleyi wózelige poro bele kurugo Isirayɛli kpáagi wòolo syée lè.

Amɔsi 7:9

Izaaki sáriga-wòlo-tɛ́ɛyi a ba kpúmɔn kálagi. Isirayɛli ye tɛɛcǎnyi a ba kálagi. Mii a ba ŋɔsée láa bi yìri Zyerobowami kpáagi wòolo kurugo.»

Amɔsi 8:14

Poro bele be kɛ̀ɛ́ lè Samarii kapeeli na, ní i gi nyuu níì jo: ‹Ki n yɛlɛ mɔ kolocɔlɔw Dan í kòro beè sìi na ! Bɛɛri-Syeba kólogi i kòro beè sìi na!› Poro a too, pe si a ní yìri nyáana í.»

Misye 1:13

Lakiisyi ye céw, wòtorow pwɔɔ syɔ́ɔnyi na, mɔ wi pye kapeeli sélimɛ, calipili Siyɔn ma, níì cán mɔ ni Isirayɛli kapeeyi nyaa.