Misye 1:2 - Cebaara Bible 2010

² Yele syɛɛnfeleyi myɛ, ye lóʔo! Líiyi cáan tári, n fàra yáriree na di nyɛ mɔ na lè! Ki n yɛlɛ Kàfɔw Yawe í pye séera yele kánmi na, Kàfɔw wi yìri wi kpɔ̀ʔɔrɔli kpaacanga ma ni maa lè!

Misye 1:2 Iomraidhean Croise

1 Fànʔafɔbèle 22:28

A Misye jo: «Mɔ ga tɔ̀nɔ n lúru n pan yɛɛ̀nyinge na, Yawe ban wi joo mii ni í.» A wi níì jo: «Yele syɛɛnfeleyi myɛ, ye lóʔo.»

2 Cányi kèlē 18:27

A Misye jo: «Mɔ ga tɔ̀nɔ n lúru n pan yɛɛ̀nyinge na, Yawe ban wi joo mii ni í.» A wi níì jo: «Yele syɛɛnfeleyi myɛ ye lóʔo.»

Ŋúnuyi 11:4

Yawe i nyɛ wi kpɔ̀ʔɔrɔli kpaacanga ni, Yawe fàngoli i nyɛ nyɛ̀ʔɛni ni. Wi nyapiigèle i wéle, wi n wi nyapiigèle fɛ́nʔɛ ni syɔɔn ye wéle.

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Ŋúnuyi 28:2

Mii ga ni yákpoli wáa mɔ kurugo, níì mii kɔ́yi yìrige n wáa mɔ kpɔʔɔrɔli tɛɛcànga ma lǎli ni lè, ki n yɛlɛ mi mii nyɛ́ɛrigboloyi yákpolo lóʔo.

Ŋúnuyi 50:1

Azafi ŋúnugi. Kolocɔlɔw wi lè Kolocɔlɔɔ, wi lè Yawe, wi i nyuu, ní i tári yiri n séli yaà canʔafolomɔ ma fwɔɔ n sáà nan canʔajeemɛ na.

Ŋúnuyi 50:12

Kateʔe ga maa pye mii na, mii mǎà dée koro joo mɔ ma í, níì cán dulunyanw ní wi fúngi yárira myɛ i nyɛ mii wóro.

Ŋúnuyi 50:7

«Ki n yɛlɛ ye lóʔo mii syɛ́ɛnbèle! Mii a joo, Isirayɛli! Ki n yɛlɛ mi lóʔo, mii a séera kpéʔele mɔ kéeli na. Mii wi nyɛ Kolocɔlɔɔ, mɔ Kolocɔlɔw.

Kàseegèle 8:4

«Yele syɔɔn ye, yele kurugo mii yákpoli wáa. Syɔɔn ye má mii nyuu.

Ezayi 1:2

Nyɛ̀ʔɛgèle, ye lóʔo! Tári, mɔ líiyi cáan! Níì cán Yawe i nyuu, wi n jo: «Mii n jaafɔɔlɔ gbóo a be lɛɛ, kàjáa pe n mii cée.

Ezayi 18:3

Yele bele myɛ ye nyɛ lè wodɛ́ɛnbéle ní dulunyanw ni, yele bele ye nyɛ lè tári syɛ́ɛnmɛ, dìrapow ga yìrige nyanbeleyi na, yaa wi wéle, tòmaagi ga wìi, yaa gi lúro.

Ezayi 50:7

Kàfɔw Yawe i mii dɛ̀ɛmɛ́, koro na faʔari o jǐn mii ni í, koro na mii mii yɛ́ɛgi waʔa àmɛɛ fálaga nyɛ lè, mii n gi cán fɛ̀ɛrɛ a mii taa í.

Zyeremii 22:29

Tára, tára, tára, Yawe syɛ́ɛnri lóʔo!

Zyeremii 29:23

Níì cán pe n kapeekpɔʔɔ kpéʔele Isirayɛli ni, àmɛɛ pe da ni kanɔnʔɔri kpéʔele ní be syɛɛnnyɛnbèle càbala ní lè, ní wɔ́ɔ i jànvaaw nyuu mii mɛ́ɛgi na, n gi yaʔa mii ban wi gi joo n gbàn be ma níì jo paa gi kpéʔele í. Mii n gi cán ní wɔ́ɔ i nyɛ gi séera,› » Yawe wi jo nya.

Zyeremii 42:5

A be Zyeremii pye: «Ki n yɛlɛ Yawe í pye kányɛʔɛ, ní tágala séerafɔlɔ wolo kánmi na, wolo ga baa pye wolo ga gi kpéʔele n yɛlɛ ní syɛ́ɛnri myɛ ní, dee ní Yawe mɔ Kolocɔlɔw ga mɔ tun wolo ma lè í!

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Zyonasi 2:7

Mii n tìgi fwɔɔ n sáà nan nyanbeleyi nɔ́yɔ na, tári gbóʔoroyo maa sɔ̀ʔɔ n wáa mii na bi kòro nya. Kàjáa mɔ n mii lúrugo n yirige weekpɔɔ-cùrugi ni woweeo ní, ee Yawe mii Kolocɔlɔw.

Zyonasi 2:8

Lǎli ni mii fúngi báriga kwɔ́ɔ mii ni lè, a mii sɔ̀ngi n taa Yawe na, a mii nyɛ́ɛrigi kári fwɔɔ n sáà nan mɔ na fwɔɔ mɔ kpɔʔɔrɔli kpaacanga ni.

Habakuki 2:20

Kàjáa Yawe i nyɛ wi kpɔ̀ʔɔrɔli kpaacanga ni. Ki n yɛlɛ tári myɛ í kòro pyèrio wi yɛʔɛ̀ ma!

Malasyii 2:14

A yele si i gi nyuu níì jo: «Nyàʔá na?» Gee bee n taa, ncan Yawe maa pye séera mɔ ní mɔ cárima céw nínge ni, woro wee mɔ baa jànváa lè, àlí n gi yaʔa wi n pye mɔ pínɛnyɛnnɛ, ní mɔ joogaanni cɔ́ɔ.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Làlwaw Kaanziin 32:1

Nyɛ̀ʔɛgèle, ye líiyi cáan, mii si joo. Tári, mii nyɔ́ɔgi syɛ́ɛnrɛ lóʔo.

Tɛ̀ɛnnɛ 2:11

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, kùu siin wów a ní gbǎn yafyɛn kpéʔele wee bee na í.›

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›

Tɛ̀ɛnnɛ 2:29

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 2:7

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro, Wee wi ga fànʔa taa lè, mii a wee bee kaan wi lìi sìíw tíige yasanra na ki lè Kolocɔlɔɔ tɛɛcǎngi ni.›

Tɛ̀ɛnnɛ 3:13

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 3:22

Dee Pìicǎnni nyuu Egilizibèle ma lè, líiweele ga pye wee na lè, wi wi líiyi cáan waa di lúro.› »

Tɛ̀ɛnnɛ 3:6

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Jàbɔbèle 11:10

A Galaadi wolɛɛbèle Zyefite pye: «Gee mɔ joo lè wolo ga pye wo ga gi kpéʔele í, Yawe a pye séera wolo níngi ni.»