Misye 1:16 - Cebaara Bible 2010

¹⁶ Mɔ njoori kɔ́nɔgi, nyùnjɛɛli kpoori mɔ piinidaanmabèle kéele na! Ki n yɛlɛ mi tɔ̀nɔ mi miyɛɛ kàriga nyùngbowaala fɔ́lɔ àmɛɛ kàcɔʔɔgɔ nyɛ lè, níì cán pe a be cò bi kári púlori na bi léeli mɔ na.

Misye 1:16 Iomraidhean Croise

2 Fànʔafɔbèle 17:6

Oze fǎngi yɛ̀ʔɛlɛ kpanjɛrɛ wóli na, Asirii fànʔafɔw fànʔa taa Samarii na, níì Isirayɛli ye cò n kári Asirii ma. A wi sáà pèle télege Hala ni, níì pèle télege Habɔɔri nyɔ́ɔgi na ki lè Gozan cábigi, ní wɔ́ɔ̀ pèle télege Medii ye kěyi ni.

Zyɔbi 1:20

Lǎli bee ni a Zyɔbi yìri n wi burogbɔɔgi sulugu, níì wi nyúngi kùnu, níì tìgi n too tári na, n kpɔ̀ʔɔrɔli kpéʔele,

Ezayi 15:2

Pe i lúru ni syée kpɔ̀ʔɔrɔli kpaʔa, ní Dibɔn sáriga-wòlo-tɛ́ɛyi ma bi sa ra nyaan yaà. Mowabi i nyaan ni peele Nebo ní Medeba kéeli na, nyǔnyi myɛ n kùnu, bàʔajɔɔbèle myɛ n cɛnɛ.

Ezayi 22:12

Kàfɔw wi lè Nyɛ̀ʔɛni Sùlasiibéle Kafɔlɔ Yawe, wi maa ni yele yiri cángi bee na níì jo yele í da nyaan bàā peele, si yele nyúnyi kùnu, si gɔ̀nvaʔaya tɛ́ʔɛ bi yeyɛɛ bwɔɔ sárigèle ni.

Zyeremii 16:6

«Wogbolobèle, ní woyilibèle a kùu tári naa ni. Pe a nyanya túgu be ma í, pe a be kùúyi kpéʔele í. Syɔɔn a wiyɛɛ gɔnɔgi be kéeli na í, syɔɔn a wi nyúngi kùnu be kéeli na í.

Zyeremii 4:8

Koro na ye gɔ̀nvaʔaya le buroyo, ye pye kùu káyaʔa na yaa nyaan yaa peele. Níì cán Yawe fundanʔari káfugbanga a tée láʔa wolo na í.

Zyeremii 47:5

Nyǔnyi n baa kùnu Gaza ni. Asikalɔn nyɔ́ɔgi n tɔ́n. A yele tɛɛfiigi wozanbèlē doò, làla jòorí yele a kòro bàā yeyɛɛ kɔnɔgi nya?

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Zyeremii 7:29

«Mɔ njoori di yaʔa lè, di cɛnɛ, mí di wáa. Da funbɛɛnrɛ ŋúnugo ŋúu dǎndama-wɔlɔgɔyi ǹjoyo ni! Níì cán Yawe n lǎli naa syɛ̀ɛnnɛ faʔa, níì be ŋɔrigɔ n wáa, poro bele be wi fúngi kaan a gi tanʔa lè gbanʔama.

Kayaagi Nyɛnigɛ 2:19

Yìri, da yákpoli wáa yébiligi kpaàwelere larizelile ni! Mɔ fúngi yàli àmɛɛ lɔ̀ʔɔ nyɛ lè Kàfɔw yɛ́ʔɛ ma! Mɔ kɔ́yi yìrige wi ma, mɔ piibèle sìi kéele na, bele be pegi ni tuun lè kateegi kéele na kàlari-kóloyi kàbanya myɛ na.

Amɔsi 7:11

Níì cán Amɔsi i gi nyuu kánmi naa na níì jo: ‹Pe a Zyerobowami kpóo ní ŋɔsée ní, Isirayɛli ye si cò bi yirige be tári ni bi kári léelige.› »

Amɔsi 7:17

Gee bee na Yawe syɛ́ɛnri naa joo níì jo: ‹Mɔ céw a ba ra nànjaari kpéʔele kěgi ni. Ŋɔséew a mɔ nanbiigèle, ní mɔ calipiigèle kpóo cáan, mɔ tári a tíla tíla ní mɛɛnnɛ ní bi lɛɛ. Mɔ si na, mɔ a sa kùu tánɔnʔɔrɔ ni, Isirayɛli ye si cò bi yirige be tári ni bi kári léelige.› »

Amɔsi 8:10

«Mii a yele fɛ́tiibèle kàriga kùu káyaʔa, yele ŋúnuyi myɛ si kàri kayaʔa nyɛnigɛ, mii a syɛ́ɛnbèle myɛ pwɔɔ sárigèle ni ní gɔ̀nvaʔaya ní, si nyǔnyi myɛ folo. Mii a tári lége kùu káyaʔa ni, ki a pye àmɛɛ syɔɔn gáā nyaan lè wi pìinibinge kuu kéele na. Ti kwɔ́ɔganmi a tɔ̀nɔ́ ba pye cangbanga.

Làlwaw Kaanziin 28:41

Mɔ a nànbiigéle ní calipiigèlē see, ke si a pye mɔ woʔolo í, níì cán ke a cò bi kári.