Misye 1:11 - Cebaara Bible 2010

¹¹ Da sɔ̀lɔ́ Syafiiri ye cɔ́ɔ, níbori ní fɛ̀ɛrɛ wóo ní! Saanan ye céw ga fɔ̀lɔ bi yiri í. Bɛti-Yayesɛli kùu káyaagi n yele kún ki dɛ̀ɛmɛni na.

Misye 1:11 Iomraidhean Croise

Ezayi 16:2

Amɛɛ féjɛɛn-nyaari-mí-màʔana nyɛ lè, ní àmɛɛ féjɛɛnbiiye nyɛ, yee be nɛnɛ n yirige zyàara ni lè, ànbée Mowabi calipiigèle a pye Arinɔn cábigi nyɔ́ɔ na.

Ezayi 20:4

kánmi bee na Asirii fànʔafɔw a pèle koli Ezyipiti ye ni, si wɔ́ɔ pèle cò Etyopii ye ni bi kári, gee bee n jo wojáribèle, ní wolɛɛbèle. Pe a kári cepyá, ní taʔalaya fun, ní níjeegèle ní womúgu-yaʔagéle ní, koro a fɛ̀ɛrɛ wáa Ezyipiti ye na!

Zyeremii 13:22

Mɔ ga ni gi nyuu mɔ fúngi ni níì jo: «Nyàʔá na gee naa nan mii na?» Koro n taa mɔ kakolo-nɛʔɛyi kéele na pe mɔ buronyɔɔw kùru n lúrugo níì mɔ ŋàʔana fànʔa na.

Zyeremii 48:6

Yaa fé, ye yele sìíw syɔɔ, yé pye àmɛɛ wúuro tiipiige nyɛ lè fìími tára ni.

Zyeremii 48:9

Fókaanya kaan Mowabi ma, ki n yɛlɛ wi yìri wi kári léelige! Wi kěyi a kàri tɛɛkálagiya, syɛ̀ɛnnɛ a ní pye yi ni í.

Ezekyɛli 16:37

gee bee na wéle, bele myɛ pe da ni mɔ caa lè mii a be kpóʔoro, poro bele ní mɔ da ni kínidɛnɛgi kpéʔele lè, bele myɛ kéele li mɔ dɛ́nɛ lè, ní bele myɛ kéele li mɔ bɛɛn lè, mii a be yìrige kàbanyi myɛ na bi kpóʔoro mɔ kánmi na, mii a mɔ níborigi múgu yaʔa be ma, pe a mɔ níborigi myɛ nyaa.

Ezekyɛli 23:29

Pe a mɔ cò ní paraga ní. Pe a mɔ fáliw tɔ̀nɔ myɛ láa, si mɔ yaʔa níbori, níbori fée. Mɔ nanjaari nɔ́nʔɔrɔ a nyaa, toro di nyɛ mɔ nɔ́nʔɔri ní mɔ kapeekpɔɔgi.

Misye 1:8

Gee bee na mii a ra nyaan, mii a ra nyaan bàā peele, mii a ra táanri taʔalaya fun, ní cepyá, mii a ra yákpoli wáa àmɛɛ gbàʔa nyɛ lè, bàā cɛ́ɛn àmɛɛ sòʔolobèle nyɛ lè.

Nahumi 3:5

Wéle, mii a keele tɛ́ʔɛ mɔ na, Yawe wi lè Nyɛ̀ʔɛni Sùlasiibéle Kafɔlɔ, woro wi jo nya, mii a mɔ búrogi táàma láʔa bi tɔ́n mɔ yɛ́ɛcɔɔli na, mii a mɔ níboriw tɛ̀ɛn syɛɛnfeleyi na, bi mɔ fɛɛri tɛ̀ɛn fǎnyi na.

Zakarii 14:5

Lǎli bee ni yele a fàn bi jée mii nyanbeleyi jǐnlɔgɔ ni, níì cán nyanbeleyi jǐnlɔgɔ a kári fwɔɔ bi sa nan Asali na. Yele a fàn àmɛɛ yele da fàn lè tári cúngolo kéele na Zyuda fànʔafɔw Ozyasi lǎli ni. Yawe mii Kolocɔlɔw a pan, wi wojanbèle myɛ a pye ní wi ní.

Zyozuwe 15:37

Senan, ní Hadasya, ní Migidali-Gadi,