Malasyii 3:3 - Cebaara Bible 2010

³ Wi a tɛ́ɛn bi pye àmɛɛ wálifiio gbàlafɔlɔ nyɛ lè, wee wi wálifiiw gbàlá ni fɔ́ɔnri yirigi wi ni lè. Wi a Levii yòdaʔayi jéemununɔ kpéʔele bi fɔ́ɔnri yirige be ni, àmɛɛ be fɔɔnrɔ yirigi lè tɛɛ̀, ní wálifiio ni, pe a ba pye Yawe má syɛ́ɛnbèle pèle, bele pe a ra maa ní yakaanyi ní lè ní sínnɛ ní.

Malasyii 3:3 Iomraidhean Croise

Ŋúnuyi 116:17

Mii a ra bariga kaanna sáriga wóo mɔ ma sáā mɔ Yawe mɛ́ɛgi yiri.

Ŋúnuyi 4:5

Yaa figiri, ye si a kɔ́ kapeele pye í. Bi yele yaʔa yele yasinɛyi na yébiligi ni, yaa sɔ̀ngí yele fúnyi ni, yé pyèri. Ŋɔ́ndaala

Ŋúnuyi 4:6

Ki n yɛlɛ yaa sínnɛ sáriga wóo yé yeyɛɛ daʔa Yawe na.

Ŋúnuyi 50:14

Ki n yɛlɛ maa kpɔ̀ʔɔrɔli sáriga wóo Kolocɔlɔɔ ma, da mɔ nyɔɔfaliyi forogi wee ma wi nyɛ lè Pe Myɛ Nyúngo na.

Ŋúnuyi 50:23

Syɔ́ɔnwee wi bariga kaanni sáriga wóo lè, wee bee i mii kpɔ́ʔɔgi, wee wi wi tánʔaganmi kɔ̀rɔsíi lè, woro na mii a syɔɔli tɛ̀ɛn, lee Kolocɔlɔɔ kaangi lè.»

Ŋúnuyi 51:19

Kolocɔlɔɔ sáriga-nidaanmaw wi nyɛ, syɔ́ɔnwee wi nyaan wi fúngi ni lè. Ee Kolocɔlɔɔ, fúngee gi nyaan lè níì kàdoʔo wáa, mɔ o gi faari í.

Ŋúnuyi 66:10

Níì cán mɔ n wolo sɛʔɛ n wéle, ee Kolocɔlɔɔ, mɔ n fɔ́ɔnri yirige wolo ni àmɛɛ pe gáà wálifiio gbàla lè n fɔ́ɔnri yirige wi ni.

Kàseegèle 17:3

Wálifiiw i sɛʔɛ tunweele ni, tɛ́ɛw si i sɛʔɛ fúru ni, kàjáa wee wi fúnyi sɛʔɛ lè, woro wi nyɛ Yawe.

Kàseegèle 25:4

Wálifiiw fíre láʔa wi na, wi a yiri yalege tɛɛ̀kpumɔnw ma.

Ezayi 1:25

Mii a ní mii kɔ́gi taʔa mɔ na, mii a mɔ tunmɔviri láʔa tunweele na àmɛɛ sɛ́ʔɛ gi kpéʔele lè, mii a mɔ yanɔnʔɔri myɛ yirige mɔ ni.

Ezayi 48:10

Wéle, mii n mɔ gbàla, gee bee si ga pye bi wálifiio yirige í. Mii n mɔ sɛʔɛ n wéle wɔʔɔgi tunweele ni.

Ezayi 61:6

Yele si na, pe a ra yele yiri «Yawe sáriga-wòlobèle.» Pe a ra yele yiri «wolo Kolocɔlɔw falipyebèlē.» Yele a ra syɛɛnfeleyi lɔ́rɔ líi, yele a ra yeyɛɛ vèré ní be nìjanri ní.

Zyeremii 9:7

Pe nyíngèle i nyɛ syɛɛnkpoo-ŋáaya, pe o yarigaa nyuu kapye námaraw ban í. Pe i bɛ̀ɛlɛ syɛ́ɛnrɛ nyuu be nyɔ́ɔyi ni pe syɛɛnnyɛnnɛ ma, kàjáa fúngi ni, pe i karinyanga nii wi na.

Ezekyɛli 20:38

Mii a niceebèle wàli bi láʔa yele na, bele be sìnloʔomi kpéʔele ní mii ní lè mii a be yirige tári ni, dee ni be sáà pye lè, kàjáa pe a ba jée Isirayɛli tári ni í, yele a gi cán bi cán mii wi nyɛ Yawe.

Danyɛli 11:35

Pèle a kpírige too bele ni be keele cán lè, koro ga pye pe sámaga nyɔɔ, pe jée mùnu, be fílige, bi taa ba nan kwɔ́ɔmi làla na, níì cán làrigwɔɔli a nan í fwɔɔ bi taa lǎli í ba nan, lee li kɔ̀rirɔ n tɛ́ʔɛ lè.

Danyɛli 12:10

Syɛ̀ɛnnɛ saʔa a jée mùnu bi fílige, bi pye fɔɔnrɔ fun. Syɛɛnpeebèle sáā kapeeyi kpéʔele, syɛɛnpeebèle a tée keele kɔ́rɔ cán í. Kàjáa bele pe a cìlige lè, poro a keele kɔ́rɔ cán.

Oze sɛ́bɛw 14:2

Isirayɛli, lúru mi pan Yawe mɔ Kolocɔlɔw ma, níì cán mɔ n kpírige n too mɔ kolomi kéele na.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Córolo 8:6

«Levii ye cò mi yirige Isirayɛli ye níngi ni, mi be jée mi mùnu.

Luki 3:16

A Zyan pe myɛ pye: «Mii tɔ̀nɔ́ i yele batize lǒgi ni, kàjáa wee sée wi kpɔ́ʔɔ n sɔ̀lɔ mii wów na lè, wee bee i yaà ni maa. Mii ga caa wɔ́ɔ̀ nyɔɔ n yɛlɛ bi wi taʔalayi mɛ́ɛngéle sánʔana í. Woro wi a ba ra yele batize ní Pìicǎnni, ní náagi ní.

Wɔrɔmi ye 12:1

Ni senyɛ̀nnɛ, mii i yele nyɛ́ɛri Kolocɔlɔɔ nyínimi báriga ni, ye yele céri kaan Kolocɔlɔɔ ma ti pye sárigaweeo, wee wi nyɛ lè wojaɔn ní, níì Kolocɔlɔɔ dɛ́nɛ, koro ki a pye yele ma Kolocɔlɔɔ kpɔ̀ʔɔrɔli wodeele.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Filipikaʔa ye 2:17

Alí pe ga mii wòlo sáriga Kolocɔlɔɔ ma n taʔa yele tágali báara ní li sárigaw na, mii a ra fundaanra kpéʔele sáā di kpéʔele ní yele myɛ ní.

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

2 Timɔte 4:6

Ki ga yére mii na, pe n mii wòlo n kwɔ́ɔ sáriga, a mii làrigárili nan.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Heburubèle 12:10

Níì cán wolo tóobèle maa ni wolo kpúmɔn ni kàragí n làla cɛɛri kwɔ́ɔ, àmɛɛ ki da sín be ma lè. Kàjáa Kolocɔlɔɔ i wolo kpúmɔn ni kàragí wolo nyɔɔmi kéele na, koro ga pye wolo í lɛɛlɛ taa woro sínni ni.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.

Tɛ̀ɛnnɛ 1:6

níì wolo kpéʔele fànnyɔɔgaa, gee ni wolo nyɛ lè wi Tóow Kolocɔlɔɔ sáriga-wòlobēle, woro wee na nìjangbɔɔri ní séekpɔɔw yɛlɛ lè làla o làla kwɔ́ɔmɔ fun! Amiina!

Tɛ̀ɛnnɛ 3:18

Mii i mɔ lálii jàngó mɔ í tɛ́ɛw syɔɔ mii ma, wee be sámaga lè ní náagi ní a wi nyɔɔ, koro ga pye mɔ í lɔnɛʔɛrɛ taa, mí buroviiye syɔɔ koro ga pye mɔ í yalere taa, jàngó pe a kɔ́ ra mɔ nyaagi níbori í, mí wɔ́ɔ nyapiiyáa-tíinmɛ syɔɔ mi pɔ̀li mɔ nyapiigèle na, koro ga pye mɔ í da nyaagi.

Tɛ̀ɛnnɛ 5:10

Mɔ n be kpéʔele wolo Kolocɔlɔw ma fànnyɔɔgaa, gee ni be nyɛ lè sáriga-wòlobēle, pe si a ba pye fànʔafɔɔlɔ tári na.»