Malasyii 2:3 - Cebaara Bible 2010

³ «Mii wi wee! Mii n gi joo n gbàn bi yele yòdaʔayi kálagi yirige yaà, si fire wáa yele ma yɛɛcɔɔgèle ni, ti lè yele fɛ́tiibèle yaweegéle fíre, pé yele cò bi kári ní dee bee ní.

Malasyii 2:3 Iomraidhean Croise

1 Fànʔafɔbèle 14:10

Koro na mii a kapeʔe yeri bi cáan Zyerobowami kpáagi wòolo na. Mii a Zyerobowami wóbèle myɛ kwɔ́ɔ yirige yaà àlí bele be lè pe o nyɛ yariga í, bele be nyɛ lè pulobèlē wàlá wɔ́rɔbéle Isirayɛli ni. Mii a Zyerobowami kpáagi wòolo pɛ́ɛ yirige yaà àmɛɛ syɔɔn gáà kànyaʔara koli lè tɛʔɛ ni, bi taa be kwɔ́ɔ péw.

Zyɔbi 20:7

wi a kwɔ́ɔ gi kòro nya làla o làla àmɛɛ wi fíri nyɛ lè. Bele pe da ni wi nyaagi lè poro a ra gi nyuu si jo: ‹Sán wi nyɛ?›

Ŋúnuyi 47:5

Wi n wolo kɔ́rigi nyɛ́nɛ n wòlo wolo ma, ki lè wi syɛɛn-nidaanmaw Zyakɔbi nìjanri. Ŋɔ́ndaala

Ŋúnuyi 83:10

Gee mɔ kpéʔele Madyan na lè, ní gee mɔ kpéʔele Sisera, ní Yabɛn na lè Kisyɔn lòcoologi nyɔ́ɔ na, ki n yɛlɛ mi koro félege kpéʔele be na!

Yirile 29:14

Kàjáa mɔ a sa náapeli káara, ní li sáligi, ní li fíri sórigo kěgi kàdoʔo ma. Kapeele kùsulugo sáriga wii.

Zyeremii 8:2

Pe a be càli cángi yɛ́ʔɛ ma, ní yégi yɛ́ʔɛ ma, ní nyɛ̀ʔɛni ŋɔ́ripiigéle myɛ yɛ́ʔɛ ma, toro dee kéele li da be dɛ́nɛ lè, toro dee má pe da ni báara lè, toro dee na pe da peyɛɛ daʔa lè, níì kòro ni di caa, toro dee yɛ́ʔɛ má pe da ni tíri ni tuun ni kpɔ̀ʔɔrɔli kpéʔele lè. Kúceri a láa, pe a tɔ́n í. Pe a pye kariga tári na.

Zyowɛli 1:10

Pe n séyi kálagi, tásaligi i nyɛ kùu káyaʔa na. Níì cán pe n bilew kálagi, dùvɛɛnfɔnw n kwɔ́ɔ, a sǐnmi kólogo.

Zyowɛli 1:17

Lùguri n fɔ́nʔɔ kágboogèle ni, gbòdungèle i nyɛ wowaagéle ní, yaliiri tɛɛ̀tɛʔɛyɛ kpaaya n too, níì cán bilew n kwɔ́ɔ.

Levii ye sáriga-wòlori 26:16

gee mii a kpéʔele yele na lè, koro gi nyɛ gee naa: Mii a fyáakpɔɔrɔ cáan yele na, ní waʔari yáama, n fàra cefuuri na. Dee bee a yele nyapiigèle jabagi, bi yele fúnyi kálagi. Yele a ra lùguri lúru gbanzan, níì cán yele nigoobèle pe a ra di líi.

Nahumi 3:6

Mii a kànyaʔara wáa mɔ na, mii a mɔ céri fánaga, bi mɔ kpéʔele yawelege.

Malasyii 2:9

«Mii si na, mii a yele kaan faʔari, ní màámi ma Isirayɛli syɛ́ɛnbèle myɛ yɛ́ʔɛ ma, àmɛɛ gi nyɛ lè yele ga mii kólogi kèlē cò í, yele i syɔɔnwaa yirigi wàa ni làlwaw forolo ni.»

Luki 14:35

Pi a yarigaa nyɔɔ tári na í, pi a wɔ́ɔ kárigi wólo nyɔɔ í, fwɔɔ pe bi wáa kàfugi na. Líiweele ga pye wee na lè, wi wi líiyi cáan waa lúro.»

1 Korɛnti ye 4:13

Pe i wolo mɛ́ɛpɛɛnyi yiri, wolo si i be kpɛʔɛlɛ. Wolo n baa pye àmɛɛ dulunyanw yanɔnʔɔrɔ nyɛ lè, pe i còʔoró wolo na n sɔ̀lɔ yáriri myɛ na, fwɔɔ n baa nan lǎli naa na.

Làlwaw Kaanziin 28:38

Mɔ a ra yaliire saʔa wáa ségi ni, sáā cɛɛri yagana lée, níì cán kúdow a ra di líi.