Malasyii 1:3 - Cebaara Bible 2010

³ á Ezau kéeli si mii bɛɛn, mii n wi nyanbeleyi kàriga tɛɛ̀kalagiya, n wi kɔ́rigi kaan fìími tára gbàāya ma.

Malasyii 1:3 Iomraidhean Croise

Sélimɛ 25:23

A Yawe wi yari: «Syɛɛnfeleye siin yi nyɛ mɔ fícɛnni ni, mɔ a syɛɛnfeleye siin see. Syɛɛnfeleyi bee a ba wàli bi láʔa yiyɛɛ na. Syɛɛnfelegaa nibin fànʔa a ba kpɔ́ʔɔ bi sɔ̀lɔ kàa wóʔo na. Yɛʔɛfɔw a ba wiyɛɛ gaan cɔnɔvɔw ma.»

Ezayi 35:7

Tári di sórogi lè ti a kàri bi pye lòkpɔʔɔ, lògbaalaagi tára a kàri bi pye pùnweegéle. Tɛ́ɛgee ni gbàáyi sìnɛ́ lè, nyɛ́nɛri, ní lònyɔɔw nyàā a pye yaà.

Zyeremii 49:10

Níì cán mii wi a Ezau waragi, mii a wi tɛɛlaragèle myɛ yirige kàfugi na, wi a ní gbǎn làra í. Wi yòdaʔayi, ní wi senyɛnbèle, ní wi tɛ́ɛnnyɛnbèle a kaan kálagili ma. Wi a ní pye yaà í.

Zyeremii 49:20

Koro na ye gi lóʔo, gee Yawe tímana n kwɔ́ɔ Edɔmi kánmi na lè, ní kérigèle wi kɔ̀rirɔ n tímana Teman syɛ́ɛnbèle kánma na lè! Pe a tɔ̀nɔ́ be kɔ́ri kári àmɛɛ yaweeyiligēle piibéle nyɛ lè, pe a tɔ̀nɔ́ be kpáayi pye tɛɛ̀kalagiya.

Zyeremii 49:33

«Hasɔɔri a pye gbàáyi tɛɛlaraga, ní tɛɛ̀kalagiga bi kòro nya làla o làla. Syɔɔn faala a ní tɛ́ɛn yaà í. Yala o yala li lè syɔɔn, li a ní tɛ́ɛn yaà í.»

Zyeremii 49:7

Dee di joo Edɔmi kéeli na lè: Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Sícilimɛ ní o nyɛ Teman ni ì? A Láliiw kwɔ́ɔ lé wi sícilibèle ma? A be sícilimi kálagi lé?

Zyeremii 49:8

Yele Dedan ye, ye kolo ye lúru yaa fé, ye sa tɛ́ɛn fálaweeyi ni! Níì cán mii a kálagili cáan Ezau na, lǎli ni mii a ba keele tɛ́ʔɛ wi na lè.

Zyeremii 51:37

Babilɔni a pye kàdɛnɛgboʔo, ní gbàáyi tɛɛkòrogo, ní funwɔɔrɔ yáriga, ní kataanra yáriga. Syɛ̀ɛnnɛ a ní pye yaà í.

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Kayaagi Nyɛnigɛ 4:22

Calipili Siyɔn, mɔ kolomi n nan bi tɛɛ̀kwɔɔli na. Pe a ní mɔ cò kári í. Calipili Edɔmi, mɔ kolomi wɔʔɔlɔ wi a taʔa mɔ na, wi a mɔ kapeegèle múgu yaʔa.

Ezekyɛli 36:7

Awá, Kàfɔw Yawe wi syɛ́ɛnri naa joo, wi n jo: Mii n mii kɔ́gi yìrige níì kàli níì jo: Mii n tɔ̀nɔ n jo syɛɛnfeleyi yi yele màʔa lè, yi faʔari a lúru kòro yi tiimaw na!

Ezekyɛli 36:9

Mii wéle wee ní yele ní, mii a fíige yele ma, pe a yele fála si lùguro lùgu yele na.

Abidyasi 1:10

«Fɛ̀ɛrɛ a mɔ tɔ́n péemi kéele na mɔ kpéʔele mɔ senyɛnw Zyakɔbi na lè, mɔ a kwɔ́ɔ yirige yaà gi kòro nya làla o làla.

Luki 14:26

«Syɔ́ɔnwee faala wi ga pan mii ma lè, kapye wi ga mii kéeli yaʔa a li wi dɛ́nɛ n sɔ̀lɔ wi tóow, ní wi nɔ́ɔw, ní wi céw, ní wi pìíbèle, ní wi senyɛnnǎnbèle, ní wi senyɛnjebèle wólo na í, ní wɔ́ɔ̀ mii kéeli yaʔa a li wi dɛ́nɛ n sɔ̀lɔ wiyɛɛ na í, wee bee a gbǎn pye mii pìitamaɔ í.