Malasyii 1:2 - Cebaara Bible 2010

² Yawe n jo: «Yele kéeli n mii dɛ́nɛ. Kàjáa yele i gi nyuu níì jo: ‹Nyàʔá ki gi tɛ̀ɛn wolo kéeli n mɔ dɛ́nɛ?› Mii Yawe n jo, Ezau da pye Zyakɔbi senyɛnnɛ ì? Bi gi taa Zyakɔbi kéeli n mii dɛ́nɛ,

Malasyii 1:2 Iomraidhean Croise

Sélimɛ 25:23

A Yawe wi yari: «Syɛɛnfeleye siin yi nyɛ mɔ fícɛnni ni, mɔ a syɛɛnfeleye siin see. Syɛɛnfeleyi bee a ba wàli bi láʔa yiyɛɛ na. Syɛɛnfelegaa nibin fànʔa a ba kpɔ́ʔɔ bi sɔ̀lɔ kàa wóʔo na. Yɛʔɛfɔw a ba wiyɛɛ gaan cɔnɔvɔw ma.»

Sélimɛ 25:25

A wozeliw yiri wonyɛɛɔn ní. Wi céri myɛ si i nyɛ mɔ a jo síire búrogo gii. A be wi mɛ́ɛgi le ni wi yiri Ezau.

Sélimɛ 25:26

A wi senyɛnw náà yiri. Wi si maa Ezau cò yédeleeli na. A be wee bee mɛ́ʔɛ le ni wi yiri Zyakɔbi. Lǎli ni Erebeka be see lè, Izaaki maa taa lǎli bee ni yɛ̀ʔɛlɛ togoye taanri.

Sélimɛ 27:33

A Izaaki fala ni cɛ̀lɛ́ gbanʔama níì jo: «Wìí si wi sáà seʔe káari caa n pan n baa kaan mii ma? Mii n dee bee káa n kwɔ́ɔ sáni mɔ í pan lè. Mii n wɔ́ɔ̀ dùbaw kpéʔele wee bee ma. A wi si wɔ́ɔ̀ tɔ̀nɔ n dùbaw taa wii.»

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

1 Fànʔafɔbèle 10:9

Yawe wi lè mɔ Kolocɔlɔw, wi n yɛlɛ waa wi kpɔ̀ʔɔrɔ́, woro wee wi nyɔɔ mɔ na lè níì mɔ télege Isirayɛli fàngoli na. Amɛɛ Isirayɛli ye kéeli Yawe dɛ́nɛ lè làla o làla, koro na wi mɔ télege fànʔafɔlɔ jàngó mɔ í da kányɛɛgi ní sínni kèlē kpéʔele.»

2 Fànʔafɔbèle 3:8

A wi níì jo: «Kologìí si ni wo a kári?» A Yorami jo: «Edɔmi fìími tára kólogo ni.»

Ezayi 43:4

Níì cán mɔ i córo lɔgbanra yáriga mii nyɛ́nɛ na, mɔ i nyɛ yakpɔʔɔ, a mɔ kéeli wɔ́ɔ̀ mii dɛ́nɛ, koro na mii i nànbēle kaangi mɔ sindɛɛgi ni, ni syɛɛnfeleye kaangi mɔ pili sìndɛʔɛ ni.

Ezayi 63:1

Wìí si wi nyɛ wee, wi yìri Edɔmi ma ni maa lè, wee wi yìri Bosira kěgi ma, ní fàninyɛɛn-súruw búroyo ní, wee yalere ti daragi lè, a wi sámaga n yére ní kpɔɔmɔ ní, ní i táanri ní fànnɛʔɛgɛ ní? «Mii wii, mii wee wi nyuu ní sínnɛ ní lè, wee má fǎngi nyɛ bi gbǎn syɔɔn syɔɔ lè.»

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 2:5

Yawe wi syɛ́ɛnri naa joo níì jo: «Sìnzinmìí félege yele tóobèle nyaa mii na, a koro be kaan a be léeli mii na, ní sáà peyɛɛ bwɔɔ gbanzan yáriyi na, a poro tiimaw baa pye gbanzan yáriya?

Zyeremii 31:3

Yawe i wiyɛɛ dèé mii na léelige, níì jo: «Mii n bàngwɔɔ tàmaga le ní mɔ ní. Koro na mii mii funjǎngi kɔn mɔ kabangi na.

Amɔsi 1:11

Yawe wi gee naa joo níì jo: «Edɔmi ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán wi n taʔa wi senyɛnw na ni nɛnɛ ní ŋɔséew ní, níì nyinimi myɛ yaʔa, ní àmɛɛ fundanʔari kòro ni suluguli kpéʔele ni syée lè sìnlaʔa ni, ní wɔ́ɔ̀ wi fundanʔagbɔɔri kɔn n yaʔa.

Malasyii 2:17

Yele i Yawe fɔ̀rɔgí ní yele syɛ́ɛnri ní, á yele si i gi nyuu níì jo: «Nyàʔá ní wolo wi fɔ̀rɔgí?» Koro gi nyɛ yele i gi nyuu níì jo: «Wee faala wi kapeeyi kpéʔele lè, wee bee n nyɔɔ Yawe nyɛ́nɛ na, syɛ́ɛnbèle bee félege kéele li wi dɛ́nɛ!» Wàlá ni gi nyuu níì jo: «Sán sínni Kolocɔlɔɔ nyɛ?»

Luki 10:29

Kàjáa nǎnw bee maa ni caa bi tànʔa kaan wiyɛɛ ma. Gee bee na wi Zyezu pye: «Wìí si wi déē nyɛ mii syɛɛnnyɛnw?»

Zyan 15:12

Amɛɛ mii tàmaga le ní yele ní lè, ki n yɛlɛ ye wɔ́ɔ ye gi le ní yeyɛɛ ní, dee bee di nyɛ mii tundunri.

Làlwaw Kaanziin 10:15

Mɔ tóolɛɛbèle yagana si na Yawe tan, a be kéeli wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, yi lè yele, n yele yirige syɛɛnfeleyi myɛ nínge ni, àmɛɛ wo gi nyaa lè níjanʔa.

Làlwaw Kaanziin 23:5

Níì cán lǎli ni yele yiri Ezyipiti ni ni maa kólogi na lè, pe ga baa yele fàra ní yaliire, ní lɔ̀ʔɔ ní í, ní àmɛɛ be kári lè Petɔɔri ma gi nyɛ lè Mezopotamii ni n sáà Beyɔɔri jáaw Balaami láa wáli na mɔ kánmi na lè wi ba mɔ dánga.

Làlwaw Kaanziin 33:3

Isirayɛli syɛɛnfeleyi kéele n tɔ́ɔ̀ wi dɛ́nɛ. Syɛɛncanbèle myɛ i nyɛ mɔ kɔ́gi ni. Pe n tɛ́ɛn mɔ tɔ́lɔyi taana bi pye mɔ syɛɛnloʔo-njoobéle.

Làlwaw Kaanziin 4:37

Mɔ tóolɛɛbèle kéele n wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, koro na wi tiimaw mɔ yirige Ezyipiti ni ní wi séekpɔɔw ní.