Luki 7:2 - Cebaara Bible 2010

² Sùlasiibéle dabata kàrigafɔwaa falipyeo si maa ni yáa, fwɔɔ ni caa bi kùu, wee bee kéele si maa tɔ̀nɔ n wi dɛ́nɛ gbanʔama.

Luki 7:2 Iomraidhean Croise

Sélimɛ 24:27

níì jo: «Kpɔ̀ʔɔrɔli n yɛlɛ Yawe na, woro wee wi lè mii kàfɔw Abirahami Kolocɔlɔw, woro wee wi kòro ni funjànga ní funviire kèlē kpéʔele lè mii kàfɔw ma. Yawe wi kíni mii yɛ́ɛgi na n pan mii kàfɔw syɛ̀ɛnnɛ tɛ́ʔɛ ma.»

Sélimɛ 35:8

Debora wi da pye lè Erebeka gbóofɔw, a woro kùu, a be wi tɔ́n Betɛli tìgimi ni, syɛni tíigi láara ni, á be kòro ni tíigi bee yiri Nyatinmi Syɛni tiige.

Zyɔbi 31:5

Kapye mii n tánʔa jànvaa ni, kapye mii n tɔlɔgɔ wári námaraw kpéʔelele kurugo,

Kàseegèle 29:21

Syɔɔn ga puloo kálagi nlaa yaà wi pìími làla ni, ki kwɔ́ɔmi na wi a ba kàri nijamaga.

Matye 27:54

A sùlasiibèle dabata kàrigafɔlɔ ní bele pe da ni Zyezu kɔ̀rɔsíi ní wi ní lè, a pe ga gi nyaa àmɛɛ tári cúngo lè, ní wɔ́ɔ̀ kérigèle nyaa, gele ge kpéʔele lè, a be fyáa gbanʔama níì jo: «Nǎnw naa wi da tɔ̀nɔ n pye Kolocɔlɔɔ Jáaw kányɛʔɛ ni.»

Luki 23:47

Gee gi kpéʔele lè, a sùlasiibèle dabata kàrigafɔlɔ ga gee bee nyaa, a wi i Kolocɔlɔɔ kpɔ̀ʔɔrɔ́ níì jo: «Kányɛʔɛ gii, nǎnw naa maa pye syɛɛnsiɔn.»

Luki 7:1

Lǎli ni Zyezu wi syɛ́ɛnri myɛ joo n kwɔ́ɔ syɛ́ɛnbèle ma lè, a wi jée Kapɛrinayumi ni.

Luki 7:3

Amɛɛ wi Zyezu kéeli lóʔo lè, a wi Zyefubèle wólɛɛbèle pèle tun wi ma níì jo pe sa wi nyɛ́ɛri wi ba woro falipyew pɔʔɔ.

Luki 8:42

Níì cán pyà nibin wi nyɛ woro ma, pìcaapile, wi n yɛ̀ʔɛlɛ kɛɛ ní siin félege taa, a wi si ní i yaà ni yáa ni caa bi kùu. A Zyezu ga ni syée, a syɛ́ɛnmi tɔ̀nɔ n wi cɔ̀ɔnri.

Kapyegèle 10:1

Nànwaa maa pye Sezarikaʔa ni pe i wi yiri Kɔrɔnɛ, wi maa pye sùlasiibéle dabata kàrigafɔlɔ, sùlasiibèle kabiga be yiri lè Italii ye wógi, gee bee ni wi da pye.

Kapyegèle 10:7

Tundunwee wi da ni nyuu lè ní Kɔrɔnɛ ní, a wi ga kári, a wi wi kpáagi falipyebèle pèle siin yeri n fàra sùlasiiwaa nibin na, wee bee maa ni fɛ̀ɛgí Kolocɔlɔɔ na, bele be kòró lè wi taana, wi maa pye poro wàa.

Kapyegèle 22:26

A sùlasiibèle dabata kàrigafɔlɔ ga dee bee lóʔo, a wi kári be kàfɔgbɔɔw ma n sáà wi pye: «Nyàʔá mɔ sɔ̀ngí bi kpéʔele gee? Nǎnw bee i nyɛ Wɔrɔmi ye wɔ́rɔbilaa.»

Kapyegèle 23:17

A Pɔli sùlasiibèle dabata kàrigafɔwaa yeri ní baa wi pye: «Nìgɔcariw naa tórigo yaà yele kàfɔgbɔɔw ma, níì cán wi i caa bi joo ní wi ní.»

Kapyegèle 27:1

Amɛɛ be gi tímana n kwɔ́ɔ lè wolo í jée bàtowaa ni bi kári Italii tári ma lè, a be Pɔli ní kàsolebèle pèle pínɛ n kaan fànʔafɔgbɔɔw sùlasiibéle dabata kàrigafɔwaa ma pe i wi yiri Zyulusi.

Kapyegèle 27:3

Ki nyǐndaligi na a wolo nan Siidɔn na. A Zyulusi kacànna kpéʔele Pɔli na nɛɛ bee, níì cán wi maa fɔ̀lɔ n wi yaʔa a wi kári wi tàannyɛnbèle ma, koro ga pye pe sa wi dɛ̀ɛmɛ.

Kapyegèle 27:43

Kàjáa àmɛɛ sùlasiibèle kàrigafɔlɔ da ni caa bi Pɔli syɔɔ lè, a wi be nyɛnɛ kéeli sàa, níì gi kpéʔele kánmi naa na. Wi maa jo bele be lònyanmi cán lè bele bee í da tuun lǒgi ni bàā syée tári ma,

Kɔlɔsi ye 3:22

Púlobèle, bele be nyɛ lè yele kàfɔbèle céri kàbaan na, ki n yɛlɛ yaa lúro be ma kérigèle myɛ ni, ki ga yɛlɛ yele í da báara pe nyaani yagana kéele na í, ki pye mɔ a jo syɛ́ɛnbèle kanidaangéle yele kpéʔele í, fwɔɔ yaa lúro be ma ní funviire ní, àmɛɛ yele fɛ̀ɛgí lè Kàfɔw na.