Luki 4:2 - Cebaara Bible 2010

² A wi canya togoye siin kwɔ́ɔ, a Dàzɔɔnw i wi kárima bi lége kapeele ni. Wi da yarigaa faala lìi cányi bee ni í, cányi bee kwɔ́ɔlɔ kadoʔo ma a kateegi náà wi jáa.

Luki 4:2 Iomraidhean Croise

Sélimɛ 3:15

Mii a nigooro lége mɔ ní céw nínge ni, si wɔ́ɔ di lége céw yòdaʔaga ní mɔ wógi nínge ni. Céw yòdaʔaga a mɔ nyúngi tɔ́nʔɔnɔ, Mɔ si a wi nɔn yédeleeli na.»

1 Fànʔafɔbèle 19:8

A wi yìri n lìi níì gbaa. Fǎngee yaliiri bee le wi ni lè, a wi canya togoye siin ní yébiliye togoye siin tánʔa fwɔɔ n sáà nan Kolocɔlɔɔ nyanbelegi na ki lè Horebi.

Ɛsitɛri 4:16

«Da syée mi sa Suzi Zyefubèle myɛ kpóʔoro ye súnw le mii kéeli na. Yele a kɔ́ lìi í, yele a kɔ́ gbaa í canya taanri fúngo ni n cányi pínɛ yébiliyi ni. Mii ní mii falipye-pìcaabèle a wɔ́ɔ súnw le kánmi bee na. Koro kàdoʔo ma mii a jée yaà fànʔafɔw ma, àlí àmɛɛ làlwaw bee wíre i yaà lè, ki ga yére mii í kùu yoo, mii a kùu.»

Yirile 24:18

A Mowizi jée fàfaangi fúngo ni n lúgu n kári nyanbelegi na, ní sáà kwɔ́ɔ yaà nyanbelegi na canya togoye siin ní yébiliye togoye siin.

Yirile 34:28

A Mowizi kwɔ́ɔ yaà canya togoye siin ní yébiliye togoye siin ní Yawe ní, wi ga yaliire lìi í, wi ga lɔ̀ʔɔ gbaa í. A Yawe joogaanni syɛ́ɛnrɛ sɛ́bɛ kàdɛnɛyi kàlagorigēle na, ti lè kajoogèle kɛɛ.

Zyonasi 3:7

A wi gi yaʔa a be yákpoli wáa n kéeli naa jáari Niniivi ni níì jo: «N yɛlɛ ní fànʔafɔw, ní wi syɛɛnkpolobèle kajoo-mí-cerile ní: Ki ga yɛlɛ syɛ́ɛnbèle, ní yaweeri, ti lè wogbolori, ní woyiliri í kɔ́ yarigaa faala laala wéle í. Pe a kɔ́ lìi í. Pe a kɔ́ lɔ̀ʔɔ gbaa í!

Matye 21:18

Koro nyǐndaligi nyɛ̀ʔɛ nyɔ́ɔ na, a wi ga lúru ni maa Zyerusalɛmi ma, a kateegi wi jáa.

Matye 4:2

A wi súnw le n taa canya togoye siin ní yébiliye togoye siin, a kateegi náà wi jáa.

Luki 4:3

A Dàzɔɔnw wi pye: «Kapye mɔ wi nyɛ Kolocɔlɔɔ Jáaw, mi kàdɛnɛgi naa pye gi kàri búru.»

Zyan 4:6

Kɔ̀lɔ́ si maa pye yaà Zyakɔbi wóo. Amɛɛ Zyezu tánʔa n fɔ̀rɔ lè, a wi sáà tɛ́ɛn kɔ̀lɔ́w bee taana. Cángi maa kɔ́ ni maa nyùngo ma.

Làlwaw Kaanziin 9:18

«Níì niyɛɛ to n cáan tári na n kòro nya Yawe yɛ́ʔɛ ma n taa canya togoye siin ní yébiliye togoye siin àmɛɛ gi pye tɔzeligi na lè, mii ga yaliire lìi í, mii ga lɔ̀ʔɔ gbaa í, kapeegèle myɛ kéele na yele kpéʔele Yawe yɛ́ʔɛ ma lè n kapeʔe pye wi na n wi fúngi tanʔa gbanʔama.

Làlwaw Kaanziin 9:25

Koro na a mii niyɛɛ to n cáan tári na Yawe yɛ́ʔɛ ma, níì kòro wodoo-zínɛɔ ní kánmi bee na canya togoye siin ní yébiliye togoye siin. Níì cán Yawe maa jo woro a yele kálagi.

Làlwaw Kaanziin 9:9

Lǎli ni mii lúgu nyanbelegi na lè bi sa kàdɛnɛyɛ kàlagorigèle syɔɔ ke lè joogaanni kàlagorigēle, loro lee Yawe kpéʔele ní yele ní lè, a mii canya togoye siin ní yébiliye togoye siin kwɔ́ɔ nyanbelegi na, mii ga yaliire lìi í, mii ga lɔ̀ʔɔ gbaa í.

Heburubèle 2:18

Níì cán àmɛɛ Sutanaw wi tiimaw kárima lè a wi wɔʔɔ, gee bee na wi a gbǎn ra be dɛ̀ɛmɛ́ bele Sutanaw kárima lè.

Heburubèle 4:15

Ki o nyɛ mɔ a jo wolo sáriga-wòlobèle kàfɔlɔ a gbǎn nyinimɛ taa wòlo na wolo fànʔa-fǔnmi ni wii í. Sutanaw maa ni wi kárima àmɛɛ wi wolo kárima lè kánmi féleye myɛ na, wi si da kapeele kpéʔele í.

1 Samyɛli 17:16

Filisitini ye wów maa ni yirigi nyɛ̀ʔɛ nyɔ́ɔ ní cângwɔʔɔ nyɔ́ɔ n ba ni wiyɛɛ dèé n baa taa canya togoye siin.