Luki 4:1 - Cebaara Bible 2010

¹ Zyezu fúngi maa nyìn Pìicǎnni na, a wi yìri Zyuridɛnw ma n lúru n kári. A Pìicǎnni wi tórigo fìími tára ni ní sa ni wi kàragí.

Luki 4:1 Iomraidhean Croise

1 Fànʔafɔbèle 18:12

Ki kàri pye lǎlee ni mii ga núngo mɔ taana lè n kári, Yawe Pǐli í mɔ láa kári tɛɛgaa ni, gee gi lè mii a gi cán í. Mii si ga sáà mɔ kéeli joo Akabi ma, wi ga pye wi ga baa mɔ nyaa í, wi a mii kpóo. Bi gi taa mɔ falipyew i fɛ̀ɛgí Yawe na nlaa yaà wi cárimi làla ni.

1 Fànʔafɔbèle 19:4

Woro si na, wi maa kári fìími tára ni n canʔa nibin tánʔana kpéʔele, ní sáà tɛ́ɛn zyenɛ tiipiige láara ni ní i wiyɛɛ kùúw nyɛ́ɛri níì jo: «Ki n sɔ̀lɔ ki dǎnw na! Tɔ́ɔliw ni Yawe mii sìíw kwɔ́ɔ nya. Níì cán mii ga pɔ́rɔ n sɔ̀lɔ mii tóolɛɛbèle na í.»

Ezayi 61:1

Kàfɔw Yawe Pǐli i nyɛ mii na, níì cán Yawe n mii télege, wi n mii tun mii í sa ra syɛɛnjóocǎnri nyuu foomɔfɔbèle ma, bàā fûngalagiyi fɔ̀ɔlɔ fúnyo kpaliya sámagi, bàā wɔ́rɔdi kéele nyuu púlobèle ma, bàā yaʔali kéele nyuu kàsolebèle ma.

Ezekyɛli 3:14

A Pǐli mii láa n yìrige, níì kári ní mii ní. A mii i syée, á mii fúngi tanʔa níì tɔ̀nɔ n yìri gbanʔama, Yawe kɔ́gi si maa ni báara mii na ní séekpɔɔɔ ní.

Matye 3:16

A Zyezu ga batize n kwɔ́ɔ níì yiri lǒgi ni terire, wéle, a nyɛ̀ʔɛni fala n múgu, a wi Kolocɔlɔɔ Pǐli nyaa li i tíri ni maa wi ma àmɛɛ kàtolo nyɛ lè.

Luki 2:27

A wi sáà jée kpɔ̀ʔɔrɔli kpaʔa ni Pìicǎnni báriga ni. Lǎli ni Zyezu seefɔbèle baa jée yaà ní wi ní lè bi Mowizi làlwaw kalɛɛlɛ kpéʔele wi na,

Luki 3:3

A wi i syée Zyuridɛnw taana tɛ́ɛyɛ myɛ ni n sa ni nyuu syɛ́ɛnbèle ma batɛmiw kéele na, àmɛɛ gi yɛlɛ be kàdoʔo wáa be kapeegèle ma lè, koro ga pye Kolocɔlɔɔ si be kùsulugi syɔɔ.

Luki 3:38

Kayinan si i nyɛ Enɔsyi jáa, Enɔsyi si i nyɛ Sɛti jáa, Sɛti si i nyɛ Adami jáa, á Adami si i nyɛ Kolocɔlɔɔ jáa.

Luki 4:14

A Zyezu níì lúru n kári Galile ma Pìicǎnni fànʔa báriga ni, a wi mɛ́ɛgi tɔ̀nɔ n yiri tɛ́nɛmi myɛ ni.

Luki 4:18

«Kàfɔw Pìle i nyɛ mii ni, níì cán wi n mii télege níì fǎngi kaan mii ma mii í da Syɛɛnjóocǎnri nyuu foomɔfɔbèle ma. Wi n mii tun níì jo mii í sa ra wɔ́rɔdi kéele nyuu púlobèle ma, si wɔ́ɔ ra fúunbèle paʔala kéele nyuu fúunbèle ma, sáā fɔ̀rɔyi fɔ̀ɔlɔ yirigi fɔ̀rɔyi ni,

Zyan 1:32

Koro kàdoʔo ma a Zyan níì séeraw naa kpéʔele níì jo: «Mii maa Kolocɔlɔɔ Pǐli nyaa a li yìri nyɛ̀ʔɛni na ni tíri ni maa àmɛɛ kàtolo nyɛ lè n baa tɛ́ɛn wi na.

Zyan 3:34

Wee Kolocɔlɔɔ tun lè, woro wi Kolocɔlɔɔ syɛ́ɛnri nyuu, níì cán Kolocɔlɔɔ i Pìicǎnni kaangi tɛɛ̀laʔala fun.

Kapyegèle 10:38

Kolocɔlɔɔ maa Pìicǎnni ní séew tìrige Zyezu ma, wi lè Nazarɛti ye wów, wi maa ni nyaari ni kacǎngèle kpéʔele ni máari, bele be fɔ̀rɔgí lè Dàzɔɔnw kɔ́yɔ ni, ní wɔ́ɔ i bele bee myɛ poori. Níì cán Kolocɔlɔɔ maa pye ní wi ní.

Kapyegèle 8:39

Pe yirili kàdoʔo ma lǒgi ni, a Kàfɔw Pìle Filipi láa n núngo nìgbɛɛnnanw taana, wi ga níì wi nyaa í, a nìgbɛɛnnanw fala ni syée wi kôgárigi ni ní fundaanra ní.