Luki 3:1 - Cebaara Bible 2010

¹ Lǎli ni Tibɛri Sezari yɛ̀ʔɛlɛ kɛɛ ní kagunɔ taa lè fǎngi na, n Pɔnsi Pilati yaʔa fǎngi na Zyude tári ni, Herodi si i nyɛ fǎngi na Galile tári ni, Herodi cɔnɔw Filipi si i nyɛ Iture ní Tirakɔniti tári nyúngo na, Lizanyasi si wɔ́ɔ i nyɛ fǎngi na Abilɛni tári ni,

Luki 3:1 Iomraidhean Croise

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

Matye 14:1

Lǎli bee ni a fànʔafɔw Herodi ga Zyezu kéeli lóʔo,

Matye 14:3

Níì cán Herodi maa Zyan cò n pwɔɔ n sáà le kàsow ni wi cɔnɔw Filipi céw kéele na be yiri lè Herojadi.

Matye 14:6

A Herodi canzeegi ga màʔa n nan, a Herojadi pìíw pan n ba ni yóo be níngi ni wi lè pìcaaw, a wi kéeli tɔ̀nɔ n Herodi dɛ́nɛ.

Matye 22:17

Koro na gee mɔ sɔ̀ngí lè, mi gi joo wolo ma, a gi yɛlɛ lé waa nyǔnyi lɔ́rɔ kaangi Sezari ma láà, koro ga jáa wo ŋɔ́n?»

Matye 27:2

A be wi pwɔɔ n kári n sáà kaan Pilati ma, wi lè fànʔafɔw.

Mariki 6:17

Níì cán Herodi tiimaa wi da tun, a be sáà Zyan cò n pwɔɔ n sáà le kàsow ni wi cɔnɔw Filipi céw Herojadi kéeli na, woro wee wi da syɔɔ lè.

Mariki 6:21

Cangaa a Herodi ba ni wi canzeegi fɛ́tii kpéʔele, níì wi syɛɛnkpolobèle yeri ní sùlasiibèle kàfɔɔlɔ ní, n fàra Galile tári fɔ̀ɔlɔ na.

Luki 13:31

Lǎli bee wonijanna ni a Farisibèle pèle pan n baa wi pye: «Ki n yɛlɛ mɔ í núngo nɛɛ naa bàā syée tɛɛgaa nikwɔɔ ma, níì cán Herodi i caa bi mɔ kpóo.»

Luki 2:1

Lǎli bee ni a Sezari Ogusiti tundunro tun wi tári tɛ́ɛyɛ myɛ ni níì jo be syɛ́ɛnbèle myɛ córo.

Luki 23:24

Lǎli bee ni a Pilati gi nyaa gee be nyɛ́ɛri lè, ki n yɛlɛ woro í gi kpéʔele be ma.

Luki 3:19

Kàjáa wi maa fúlo fànʔafɔw Herodi na wi cɔnɔw cɔ́ɔ kéele na be yiri lè Herojadi n náà fàra kapeegèle kèle na, gele myɛ Herodi kpéʔele lè.

Luki 9:7

A fànʔafɔw Herodi ga kérigèle bee myɛ lóʔo gele ke da ni kpéʔele lè, a wi fúngi curugo wi na, níì cán syɛ́ɛnbèle pèle maa jo Zyan wi nyán n yiri kúbèle nínge ni,

Kapyegèle 23:26

«Mii Kulodi Lisyasi n mɔ syáanri Felikisi, mɔ wi lè guvɛrinɛɛri-càndelew.

Kapyegèle 24:27

A yɛ̀ʔɛlɛ siin ga kwɔ́ɔ, a be Pɔrisyusi Fɛsitusi télege Felikisi sìndɛɛgi ni. Amɛɛ Felikisi da ni caa lè bi Zyefubèle kanidaanna kpéʔele, gee bee na wi da Pɔli yaʔa kàsow ni.

Kapyegèle 26:30

A fànʔafɔw, ní guvɛrinɛɛriw, ní Berenisi yìri, n fàra bele na pe da pye lè ní be ní wodɛ́ɛnbéle ní.

Kapyegèle 4:27

Níì cán kányɛʔɛ ni Herodi, ní Pɔnsi Pilati, ní syɛɛnfeleyaa, ní Isirayɛli ye syɛɛnfeleyi maa kpóʔoro kěgi naa ni mɔ falipyecǎnw kánma na wi lè Zyezu, woro wee mɔ nyɛ́nɛ n wòlo lè wi pye Kirisi,