Luki 2:1 - Cebaara Bible 2010

¹ Lǎli bee ni a Sezari Ogusiti tundunro tun wi tári tɛ́ɛyɛ myɛ ni níì jo be syɛ́ɛnbèle myɛ córo.

Luki 2:1 Iomraidhean Croise

Ɛsitɛri 10:1

A fànʔafɔw Asyerusi nyǔnyi lɔ́rɔ cáan tári, ní sólomi lɔ̀ʔɔ nínge tátɛɛgéle woolo na.

Matye 22:17

Koro na gee mɔ sɔ̀ngí lè, mi gi joo wolo ma, a gi yɛlɛ lé waa nyǔnyi lɔ́rɔ kaangi Sezari ma láà, koro ga jáa wo ŋɔ́n?»

Matye 24:14

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Mariki 14:9

Mii a gi joo yele ma kányɛʔɛ ni, syɛ́ɛnbèle ga ni Kolocɔlɔɔ Syɛɛnjóocǎnri nyuu dulunyanw ni tɛʔɛ o tɛʔɛ ni, gee céw naa kpéʔele lè, pe a wɔ́ɔ ra gi nyuu yaà, pe a fɛ̀ʔɛ wi na í.»

Mariki 16:15

Lǎli bee ni a Zyezu gi joo be ma níì jo: «Yaa syée dulunyanw tɛ́ɛyɛ myɛ ni ye sa ra Syɛɛnjóocǎnri nyuu syɛ́ɛnbèle myɛ ma.

Luki 2:3

A pe myɛ i syée be tiimaa kěyi ma be sa poro córo.

Luki 2:5

a woro ní wi pìcaaw Marii pínɛ n kári be sa poro córo. Fícɛnni si i nyɛ Marii na.

Luki 3:1

Lǎli ni Tibɛri Sezari yɛ̀ʔɛlɛ kɛɛ ní kagunɔ taa lè fǎngi na, n Pɔnsi Pilati yaʔa fǎngi na Zyude tári ni, Herodi si i nyɛ fǎngi na Galile tári ni, Herodi cɔnɔw Filipi si i nyɛ Iture ní Tirakɔniti tári nyúngo na, Lizanyasi si wɔ́ɔ i nyɛ fǎngi na Abilɛni tári ni,

Kapyegèle 11:28

Pe maa ni bele bee wàa yiri Agabusi, a wee bee yìri n yére níì gi joo n tɛ̀ɛn Pìicǎnni báriga ni níì jo, kateekpɔʔɔ a kɔ́ ba too dulunyanw myɛ na. A gi wɔ́ɔ baa foro Kulodi lǎli ni.

Kapyegèle 25:11

Kapye mii n kolo, wàlá n kapeelaa kpéʔele, lee li yɛlɛ lè ní kùu ní, mii a kùúw cée í. Kàjáa kapye kányɛʔɛ o nyɛ kérigèle ni pe joo n taʔa mii na lè í, syɔɔn faala a gbǎn mii kaan be ma í. Koro na mii caa ye mii tórigo Sezari ma woro í sa mii kútiiw kéele cɔɔnri.»

Kapyegèle 25:21

Kàjáa a Pɔli jo pe gi yaʔa fànʔafɔgbɔɔw Sezari í sa woro kútiiw kéele cɔɔnri. A mii si jo paa wi kɔ̀rɔsíi bi taa mii í kɔ́ wi tórigo yaà wi ma.»

Wɔrɔmi ye 1:8

Mii i bariga kaangi mii Kolocɔlɔw ma gbɛnʔɛnɛ yele myɛ kéeli na Zyezu Kirisi bárigaw ni, àmɛɛ pe yele tágali kéele nyuu lè dulunyanw tɛ́ɛyɛ myɛ ni.

Filipikaʔa ye 4:22

Kolocɔlɔɔ syɛɛncanbèle myɛ n yele syáanri, a Sezari kpáagi wòolo wóʔo si tóro.