Luki 12:1 - Cebaara Bible 2010

¹ Lǎli bee ni a syɛɛnnɛʔɛmɛ piyɛɛ gbóʔoro Zyezu na, pi maa sirakamayɛ saʔa kwɔ́ɔ fwɔɔ ni piyɛɛ dánʔana, a wi séli ni nyuu ní wi pìitamabèle ní gbɛnʔɛnɛ níì jo: «Yaa yeyɛɛ kɔ̀rɔsíi Farisibèle levé na, koro gi nyɛ syɛɛnjóotɛɛyi siin joolo.

Luki 12:1 Iomraidhean Croise

2 Fànʔafɔbèle 7:17

Sùlasiibèle kàfɔwee kɔ́lɔ na fànʔafɔw da ni wiyɛɛ zígi lè, fànʔafɔw maa wee bee kpéʔele kpàánweeli kɔ̀rɔsiifɔlɔ. A syɛ́ɛnbèle wi tánʔana n kpóo kpàánweeli na, n yɛlɛ ní Kolocɔlɔɔ syɔ́ɔnw syɛ́ɛnrɛ ní, dee wi da joo fànʔafɔw ma lǎli ni wi da tìgi yaà wi ma lè.

Zyɔbi 20:5

syɛɛnpeebèle fàndaara a mɔn í, Kolocɔlɔɔ yɛ́ʔɛnaa-sìnvyaaw fundaanra i nyɛ làlaa cɛɛri yagana ì?

Zyɔbi 27:8

Sɔ̀ngumɔ tɛɛtaʔagìí gi kòro Kolocɔlɔɔ yɛ́ʔɛnaa-sìnvyaaw ma, lǎli ni wi ga ceri n láʔa yaà lè, lǎli ni Kolocɔlɔɔ ga wi sìíw kwɔ́ɔ lè?

Zyɔbi 36:13

Kolocɔlɔɔ yɛ́ʔɛnaa-sìnvyaabèle i peyɛɛ gaangi fundanʔari ma, pe si o yákpogèle wáa wi kurugo wi poro dɛ̀ɛmɛ lǎli ni wi be le nyɔ̀ʔɔmɔ na lè í.

Ezayi 33:14

Fyáara n kapeebyebèle cò Siyɔn ni. Kolocɔlɔɔ téefɔbèle i cɛ̀lɛ́. Wolo wìí wi a gbǎn tɛ́ɛn naà taana, gee gi sórigolo kpéʔele lè? Wolo wìí wi a gbǎn tɛ́ɛn bànvigi naàniganra taana?

Luki 11:44

Wɔʔɔli a pye yele na! Níì cán yele n kɔ̀ɔngēle wíri, gele ge làra lè a syɛ́ɛnbèle i táanri ni sɔ̀lɔ́ ge na, pe si ga gi cán í.»

Luki 12:56

Yele syɛɛnjóotɛɛyi siin joofɔɔlɔ, yele i tári ní nyɛ̀ʔɛni kèlē cángi ni láʔala, mɛ̀ɛ́ si gi nyɛ yele si o lǎli naa kèlē cángi ni láʔala keyɛɛ na í?

Luki 5:1

Cangaa syɛɛnnɛʔɛmɛ maa Zyezu màʔa fwɔɔ n wi cɔ̀ɔnri jàngó bi Kolocɔlɔɔ syɛ́ɛnri lóʔo wi ma, wi si maa pye woyéreo ní Zyenezarɛti lòkpɔɔgi nyɔ́ɔ na,

Luki 5:15

A Zyezu mɛ́ɛgi sèʔê yiri fwɔɔ n baa sɔ̀lɔ, a syɛɛnnɛʔɛmɛ i piyɛɛ gbóʔoro bàā wi syɛ́ɛnri lúro, wi wɔ́ɔ ra poro yáami poori.

Luki 6:17

A wi tìgi ní be ní n sáà yére táfàaw tɛ́ɛgaa ni, wi pìitama-nɛʔɛmi maa pye yaà n fàra syɛɛnnɛʔɛmɛ na, pèle maa yìri Zyude tári tɛ́ɛyɛ myɛ ma ní Zyerusalɛmi ní, á bele yìri Tiiri ní Siidɔn tɛ́nɛmi ma, pi lè sólomi lòkpɔʔɔ nyɔ́ɔ na.

Kapyegèle 21:20

A pe ga syɛ́ɛnri bee lóʔo, a be Kolocɔlɔɔ kpɔ̀ʔɔrɔ ní náà Pɔli pye: «Wolo senyɛnw, wéle, Zyefu-syɛ́ɛnmi bi tága lè, pi n tɔ̀nɔ n nɛʔɛ n sirakamayɛ kánmaa kwɔ́ɔ, Mowizi làlwaw kéele si i nyɛ pe myɛ fúnyo ni.

1 Korɛnti ye 15:3

Dee mii da sélì lóʔo lè, toro mii da wɔ́ɔ̀ joo yele ma ti lè syɛ́ɛnri myɛ nyúngo. Koro gi nyɛ Kirisi n baa kùu wolo kapeegèle kéele na, àmɛɛ Syɛɛnsɛbɛri gi joo lè.

Heburubèle 12:22

Kàjáa yele n nùuni Siyɔn nyanbelegi, ní Kolocɔlɔɔ woweew kèkpɔʔɔ na ki lè Zyerusalɛmi, gee gi nyɛ lè nyɛ̀ʔɛni ni, ní nyɛ̀ʔɛni tundunnɛʔɛmɛ na.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

1 Pyɛri 2:1

Koro na ye funbeeyi féleye myɛ yaʔa, yé wɔ́ɔ ye jànvaaw, ní syɛɛnjóotɛɛyi siin joolo, ní nyabɛɛnni myɛ yaʔa n fàra mɛ́ɛkalagiri myɛ na.