Kàseegèle 9:1 - Cebaara Bible 2010

¹ Sícilimi n bi kpáagi faan. Pi n bi gàángèle kɔrɔsiin tan.

Kàseegèle 9:1 Iomraidhean Croise

1 Fànʔafɔbèle 7:21

A wi gàángèle yérige kpɔ̀ʔɔrɔli kpaʔa nìkpanʔa yɛ́ʔɛ ma. Wi maa gàánnaa yérige kàliige ma, ní i loro yiri Yakɛn, níì gàánnee yérige kàmɔnɔ ma ní i loro yiri Bowazi.

1 Fànʔafɔbèle 7:6

A wi gàángéle nikpanʔa sámaga, ki tɔnɔganmi maa pye mɛ́tiribéle toko ní kagunɔ, ki yɛ́ɛgi kpɔ́ʔɔganma si i nyɛ mɛ́tiribéle kɛɛ ní kagunɔ. Gàángèle ní nìkpaangaa si i nyɛ yɛʔɛ̀ ma n fàra tinbadɔʔɔlɔ na.

Kàseegèle 1:20

Sícilimi i yákpoli wáa kàlari-kóloyi ni. Pi i bi yákpoli wáa kadàlayi na.

Kàseegèle 2:1

Ni pyà, mɔ ga fɔ̀lɔ mii syɛ́ɛnri na, níì mii kajoodɛɛngèle sámaga n cò mɔ fúngi ni,

Kàseegèle 24:3

Sícilimi báriga ni kpaʔa faanri, cánni báriga ni gi sámagi ni yèré.

Kàseegèle 3:1

Ni pyà, mɔ a kɔ́ fɛ̀ʔɛ mii tamani na í. Ki n yɛlɛ mi mii kajoodɛɛngèle sámaga mi cò mɔ fúngi ni.

Kàseegèle 8:1

Sícilimi o sùpili wáa bee ì? Cánni o li yákpoli wáa lee ì?

Ezayi 55:1

«Ee, yele bele myɛ na lògbaʔa nyɛ lè, yaa maa lǒgi ma, àlí bele be lè wáli o nyɛ be ma í! Yaa maa ye ba syɔɔ ye lìi kawaʔa na, yaa maa ye ba dùvɛɛnw ní nɔ́nɔw syɔɔ wáli fun ni.

Matye 16:18

Mii si a gi joo mɔ ma si jo mɔ i nyɛ Pyɛri, mii a mii Egiliziw faan fálagi naa ǹjoʔo ni, tɛɛwɔʔɔgi a gbǎn fànʔa taa wi na í.

Galasi ye 2:9

Zyaki, ní Sefasi, ní Zyan be nyɛ lè mɔ a jo kpaʔa tiipɔɔlɔ bɛɛ, lǎli ni pe gi cán lè ncan Kolocɔlɔɔ wi kpɔ́ʔɔri kaan mii ma, a be be kàliige kɔ́yi le wolo ma, mii ní Barinabasi ní, a koro pye fɛ̀ɛ n wolo pínɛnyɛnnɛgi tɛ̀ɛn, níì jo wolo í da syée syɛɛnfeleyi ma, poro sáā syée kɛ́nɛw fɔ̀ɔlɔ ma.

1 Timɔte 3:15

Koro ga pye mii ga mɔn naa yoo, mɔ í gi cán, gee syɔɔn yɛlɛ wi kpéʔele lè Kolocɔlɔɔ kpáagi ni, ki lè Kolocɔlɔɔ Woweew Egilizi, wi lè kányɛɛgi tiipɔlɔ ní gi kàpɔɔnw.

Tɛ̀ɛnnɛ 3:12

Wee wi ga fànʔa taa lè, mii a wi kpéʔele tiipɔlɔ mii Kolocɔlɔw kpɔ̀ʔɔrɔlɔ kpaʔa ni, wi si a ní yiri yaà nyáana í. Mii a wɔ́ɔ mii Kolocɔlɔw mɛ́ʔɛ sɛ́bɛ wi na n fàra mii Kolocɔlɔw kèkpɔʔɔ mɛ́ʔɛ na, ki lè Zyerusalɛmifɔnw gee ki a yìri lè nyɛ̀ʔɛni na mii Kolocɔlɔw ma bi tìgi naa, si wɔ́ɔ mii mɛ́ɛfɔngi sɛ́bɛ wi na.