Kàseegèle 10:3 - Cebaara Bible 2010

³ Yawe o syɛɛnsiɔn yaari wi i wɔʔɔ kateegi kɔ́yɔ ni í. Kàjáa wi i syɛɛnpeebèle ki laànitaʔa yáriri ŋɔrɔgi ni léeli be na.

Kàseegèle 10:3 Iomraidhean Croise

Zyɔbi 15:23

Wi i nyaari ni máari ni yaliire caa, wi n gi cán yébilimi canʔa i woro sigi.

Zyɔbi 20:28

Wi kpáagi lɔ́rɔ a fóo kári Kolocɔlɔɔ fundanʔari canʔa na àmɛɛ lòcoologo nyɛ lè.

Zyɔbi 5:20

Wi a mɔ syɔɔ kùúw ma kateekpɔɔgi làla ni, ní ŋɔséew kpúmɔnrɔ ma kapɛɛnni làla ni.

Ŋúnuyi 10:14

Mɔ si n gi nyaa, ncan mɔ i wi wɔʔɔgi, ní wi fɔ̀rɔgi nyaagi, jàngó bi kɔlɔ̀ wáa wi ma. Mɔ má funnyɛnigɛfɔw wiyɛɛ yaʔa, mɔ wi nyɛ círiw dɛ̀ɛmɛfɔlɔ.

Ŋúnuyi 112:10

Syɛɛnpeew i gee bee nyaagi níì fúngi tanʔa, wi i gǎngèle kúru, wi a nyan bi kwɔ́ɔ, syɛɛnpeebèle yanidaanmara a kálagi.

Ŋúnuyi 33:19

Koro ga pye wi be pìígèle syɔɔ kùu ma, sáā be gbóo kateegi làla ni.

Ŋúnuyi 37:19

Fɛ̀ɛrɛ a tée be taa cânbeegi na í, yafyɛn a be fɔ̀n kateegi làla ni í.

Ŋúnuyi 37:25

Mii maa pye pyà, mii si n kàri wolɛɛɔ. Kàjáa mii ga kɔ́ɔ̀ syɛɛnsiɔn nyaa a be wi yaʔa í, wàlá a wi pìíbèle i be yaliiri nyɛ́ɛri í.

Ŋúnuyi 37:3

Mɔ sɔngumi taʔa Yawe na, máā kacàngēle kpéʔele. Tɛ́ɛn tári ni, máā líi kányɛɛgi na.

Kàseegèle 13:25

Syɛɛnsinw i líi ni tíngi, kàjáa syɛɛnpeebèle fícarigèlē i kòró wowaagéle ní.

Kàseegèle 14:32

Syɛɛnpeew i tuun kapeegi kéele na wi kpéʔele lè, syɛɛnsinw si i tɛɛlarala taagi àlí wi kùúw làla ni.

Kàseegèle 28:25

Wee wi sɔ̀ngí lè woro félege o nyɛ í wi i kàsii yìrigí, kàjáa wee wi wi sɔ̀ngumi taʔa Yawe na lè, wi a taa tín.

Kàseegèle 28:9

Wàa ga wi líiweeli canʔana làlwaw lóʔolo na, àlí wee bee fɔ́lɔ nyɛ́ɛrigɛ i nyɛ yanɔnʔɔgɔ.

Ezayi 33:16

wee bee fɔ́lɔ a tɛ́ɛn ǹjoʔo ma tɛ́ɛyi ni, fálaya kpaataʔa-tɔ́nɔyɔ yi a pye wi tɛɛlaragi. Lìile a kaan wi ma, wi lǒgi kéele a cɔɔnri.

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Luki 12:31

Ki si n yɛlɛ yele í da wi fǎngi caa, yáriri bee si náa taʔa gi na yele ma.