Kàseegèle 1:1 - Cebaara Bible 2010

¹ Salomɔn wi lè Davidi jáaw, ní i nyɛ Isirayɛli ye fànʔafɔw, woro kàseegèle.

Kàseegèle 1:1 Iomraidhean Croise

1 Fànʔafɔbèle 2:12

A Salomɔn tɛ́ɛn wi tóow Davidi fàngoli na, a wi fǎngi tɔ̀nɔ n báriga.

1 Fànʔafɔbèle 5:12

Wi n kàseegéle selebinnɛ ní saala kagunɔ wáa, wi ŋúnuyi si i nyɛ saala kagunɔ ní kagunɔ.

1 Cányi kèlē 22:9

Wéle, mɔ a nànbile see, wee wi a pye lè yɛɛ̀nyinge syɔ́ɔn, woro wee má mii a ŋɔ́ndaala kaan lè, àmɛɛ mii a wi syɔɔ wi nigoobèle myɛ ma pe wi màʔa lè. Wi mɛ́ɛgi ki a pye Salomɔn, níì cán mii a yɛɛ̀nyinge ní ŋɔ́ndaala kaan Isirayɛli ye ma wi sìíw làla ni.

1 Cányi kèlē 28:5

Wi n jaafɔɔlɔ saʔa kaan mii ma, níì mii jáaw Salomɔn nyɛ́nɛ n wòlo mii jáabèle myɛ ni, koro ga pye wi tɛ́ɛn Yawe fǎngi fàngolo na, Isirayɛli ye nyúngi na.

1 Cányi kèlē 29:23

A Salomɔn tɛ́ɛn Yawe fàngoli na, n pye fànʔafɔlɔ wi tóow Davidi sìndɛɛgi ni, a wi kérigèle i nyɔɔgi, a Isirayɛli ye myɛw i lúro wi ma.

1 Cányi kèlē 29:28

Wi wolɛɛgwɔɔgi fundaanratɔɔ wi kùu. Wi maa tɔ̀nɔ n lɛɛ n tín, n wɔ́ɔ̀ tín lɔ́ri ní nìjanri na. A wi jáaw Salomɔn tɛ́ɛn fǎngi na wi sìndɛɛgi ni.

Kàseegèle 10:1

Salomɔn kàseegèle. Jaafɔ-sícilio i fundaanra kaangi wi toò ma. Jaafɔ-labalaga si i funbɛɛnrɛ wáa ki nɔɔ̀ na.

Kàseegèle 22:21

Koro ga pye bi gi tɛ̀ɛn mɔ na, gee gi fílige lè ní i nyɛ kányɛɛgi syɛ́ɛnrɛ, jàngó mɔ í syɛɛnlurugoro taa, dee di nyɛ lè kányɛʔɛ bi sa joo mɔ tunvɔw ma.

Kàseegèle 25:1

Salomɔn kàseegèle kèle ge ní i nyɛ gele naa, gele Zyuda fànʔafɔw Ezekyasi syɛ́ɛnbèle yirige n sɛ́bɛ lè.

Syɛɛnjóow 1:1

Kacánw syɛ́ɛnrɛ, wi lè Davidi jáaw, ní i nyɛ fànʔafɔlɔ Zyerusalɛmi ni.

Syɛɛnjóow 12:9

Gee naa n yɛlɛ ki wɔ́ɔ taʔa yaà bi jo Kacánw n pye sícilio, ní wɔ́ɔ̀ kòro ni syɛ́ɛnbèle tama cánni na. Wi n sɔ̀ngi ní wɔ́ɔ̀ gi sámaga n sɛʔɛ níì kàseegéle saʔa caa n soʔolo soʔolo keyɛɛ na.

Zyan 16:25

«Mii n kérigèle naa joo yele ma kàseegéle ni. Làlaa si i maa, li ga nan, mii a ní da yarigaa nyuu yele ma kàseegéle ni í, fwɔɔ mii a ra Tofɔw kéele nyuu da fíligi yele ma.