Kapyegèle 9:3 - Cebaara Bible 2010

³ A wi ga ni syée kólogi na, lǎli ni wi sa ni nùuní Damasi na lè, a gbɛ̀ɛnmɛ yìri terire nyɛ̀ʔɛni na n too wi na.

Kapyegèle 9:3 Iomraidhean Croise

Ŋúnuyi 104:2

Mɔ n miyɛɛ mígi ní gbɛ̀ɛ́nmi ní àmɛɛ burogbɔʔɔ nyɛ lè. Mɔ n nyɛ̀ʔɛni cariga àmɛɛ fànikpaʔa nyɛ lè.

Kapyegèle 22:6

«Lǎli ni cángi kòro cɛɛri si nan nyùngo na lè n mii yaʔa kólogi na, á mii si i nùuní Damasi na lè, a gbɛ̀ɛngbɔɔmɔ yìri nyɛ̀ʔɛni na terire n baa too mii na.

Kapyegèle 9:17

A Ananyasi kári n sáà jée kpáagi bee ni n kɔ́yi taʔa Sɔli na níì jo: «Ni senyɛnnɛ Sɔli, Kàfɔw Zyezu wi wiyɛɛ dɛ̀ɛn lè mɔ na kólogi na lǎli ni mɔ da ni maa lè, woro wi mii tun naa mɔ ma, koro ga pye mɔ í ní da nyaagi, mɔ fúngi si nyìn Pìicǎnni na.»

Kapyegèle 9:27

A Barinabasi wi kɔ́ri n kári pìitunbèle ma n sáà gi joo be ma àmɛɛ Sɔli da Kàfɔw nyaa kólogi na á wi joo ní wi ní lè, ní níì gi joo be ma àmɛɛ wi da wɔ́ɔ̀ soro n yére ni nyuu lè Zyezu mɛ́ɛgi na Damasi ni.

1 Korɛnti ye 15:8

Bele bee myɛ kàdoʔo ma, a wi wiyɛɛ dɛ̀ɛn mii na, mii wee wi nyɛ àmɛɛ fícarinaa-sìnlɛɛlɛ pya nyɛ lè.

1 Korɛnti ye 9:1

Mii o nyɛ wɔ́rɔɔ ì? Mii o nyɛ pìituɔn ì? Mii ga wolo Kàfɔw Zyezu nyaa ì? Fáliw mii kpéʔele lè Kàfɔw ma, yele ban ye nyɛ fáliw bee ì?

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.