Kapyegèle 8:2 - Cebaara Bible 2010

² Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na.

Kapyegèle 8:2 Iomraidhean Croise

Sélimɛ 23:2

á wi kùu Kiiriyati-Haariba ni, ki lè Heburɔn, Kanaan tári ni. A Abirahami pan bi ba Sara kùúgi kpéʔele, si nyɛni wi kéeli na.

Sélimɛ 50:9

A wòtorobéle fɔɔlɔ ní syɔɔnyɔ fɔ̀ɔlɔ wɔ́ɔ̀ pínɛ n kári ní Zyozɛfu ní, a be tɔ̀nɔ n pye syɛɛnnɛʔɛmɛ.

2 Samyɛli 3:31

A Davidi gi joo Zyowabi ma n fàra syɛ́ɛnbèle myɛ na be pye ní wi ní lè níì jo: «Ye yele búroyi sulugu, yé gɔ̀nvaʔaya le búroyo ye Abinɛɛri kùu káyaagi kpéʔele.» A fànʔafɔw Davidi taʔa kútugobèle na.

2 Cányi kèlē 32:33

A Ezekyasi kùu n fàra wi toolɛɛbèle na, a be wi tɔ́n Davidi jáabèle nyánya njoʔo ma tɛ́ʔɛ ni. Zyuda ye myɛw, ní Zyerusalɛmi ye n tɔ̀nɔ n kpɔʔɔrɔ taʔa wi na wi kùúw ni. A wi jáaw Manase tɛ́ɛn fǎngi na wi sìndɛɛgi ni.

2 Cányi kèlē 35:25

A Zyeremii funbɛɛnrɛ ŋúnugo ŋùu Zyozyasi kéeli na. Nǎnbèle be ŋuu lè, ní cébèle be ŋúu lè, poro myɛ n joo Zyozyasi kéeli na pe funbɛɛnrɛ ŋúnuyi ni fwɔɔ n baa nan níjanʔa na. A be koro kpéʔele làlwa kéele Isirayɛli ni. Ŋúnuyi bee n sɛbɛ funbɛɛnri Ŋúnuyo ni.

Zyeremii 22:10

Yele a kɔ́ ra nyaan wee kéele na wi kùu lè í, yele a kɔ́ ra wi kéeli yáa í. Yaa nyaan, yaa nyaan wee kéele na wi syée lè, níì cán wi a ní lúru pan í, tári ni wi see lè, wi a ní di nyaa í.

Zyeremii 22:18

Gee bee na Yawe syɛ́ɛnri naa joo Zyozyasi jáaw Yehoyakimi kéeli na wi lè Zyuda fànʔafɔw, níì jo: «Pe a ra nyaan wi kùugo kéele na í si jo: ‹Ee ni senyɛnnɛ!› ‹Ee ni senyɛnjaala!› Pe a ra nyaan wi kùugo kéele na í si jo: ‹Ee kàfɔw!› ‹Ee wi fàngbɔɔgi!›

Córolo 20:29

A syɛ́ɛnmi myɛ baa gi nyaa ncan Aarɔn n kùu, a Isirayɛli kpáagi wòolo myɛ Aarɔn kùúgi nyɛnigɛ kpéʔele canya toko ní kpɔrigɔ fúngo ni.

Mariki 6:29

Lǎli ni Zyan pìitamabèle gee bee lóʔo lè, a be kári n sáà wi láa n baa tɔ́n.

Luki 2:25

Nànwaa si maa pye Zyerusalɛmi ni pe i wi yiri Simeyɔn. Nǎnw bee maa pye syɛɛnsiɔn, ní i fɛ̀ɛgí Kolocɔlɔɔ na, ní wɔ́ɔ i yɛɛ̀nyingi sige, gee Kolocɔlɔɔ da joo wi a ba kaan Isirayɛli ye ma lè. Pìicǎnni si maa ni wi kàragí.

Kapyegèle 10:2

Nǎnw bee maa ni Kolocɔlɔɔ kpɔ̀ʔɔrɔ́ ní wi kpáagi wòolo myɛ ní, ní i fɛ̀ɛgí Kolocɔlɔɔ na, ní wɔ́ɔ i foomɔfɔbèle dɛ̀ɛmɛ́ làrigēle saʔa ni, ní i nyɛ́ɛri Kolocɔlɔɔ ma làla o làla.

Kapyegèle 2:5

Zyefunǎnbèle pèle si maa pye yaà lǎli bee ni wodɛ́ɛnbéle ní Zyerusalɛmi ni, bele be fɛ̀ɛgí lè Kolocɔlɔɔ na, pe maa yiri dulunyanw syɛɛnfeleye myɛ ni.

Kapyegèle 8:1

Sɔli si maa fɔ̀lɔ Etyɛni kpóoli na. A wɔʔɔgbɔʔɔ fala n yìri Zyerusalɛmi Egiliziw kurugo cángi bee na. A tágafɔbèle myɛ cariga n kári Zyude tári tɛ́ɛyɛ myɛ ni ní Samarii tári ní, kapye pìitunbèle yagana ban í.

Kapyegèle 8:3

Sɔli si maa tɔ̀nɔ ni Egiliziw kálagi. Wi maa ni jǐn kpáayi ni, ni nǎnbèle ní cébèle có ni kíle ni syée n sa ni nii kàsow ni.

Làlwaw Kaanziin 34:8

A Isirayɛli ye Mowizi kùúgi nyɛnigɛ kpéʔele Mowabi tɛɛfiiyi na canya toko ní kpɔrigɔ fúngo ni, á Mowizi kùúgi nyɛnigɛ ní kùu káyaagi bee canya náà kwɔ́ɔ.

1 Samyɛli 28:3

Samyɛli maa kùu, a Isirayɛli ye myɛ wi kùúgi kpéʔele, níì wi tɔ́n Arama ni, ki lè wi kěgi. Sawuli si maa kúyibebèle nɛnɛ n yirige tári ni n fàra bele na be nyɛ̀ʔɛna kérigèle nyaagi ni nyuu lè.