Kapyegèle 8:1 - Cebaara Bible 2010

¹ Sɔli si maa fɔ̀lɔ Etyɛni kpóoli na. A wɔʔɔgbɔʔɔ fala n yìri Zyerusalɛmi Egiliziw kurugo cángi bee na. A tágafɔbèle myɛ cariga n kári Zyude tári tɛ́ɛyɛ myɛ ni ní Samarii tári ní, kapye pìitunbèle yagana ban í.

Kapyegèle 8:1 Iomraidhean Croise

Nehemii 6:3

A mii tundunbéle tun be ma ní syɛɛnlurugori naa ní níì jo: «Mii i naa falikpɔɔɔ na bi wi foro, mii a gbǎn tìgi yaà í. Nyàʔá na fáliw yɛlɛ wi yére bi lǎli bee kwɔ́ɔ lǎlee ni mii a wi yaʔa si tìgi yaà yele ma lè?»

Danyɛli 6:10

A fànʔafɔw Dariyusi wi fɛ̀ɛ́w taʔa kéeli sɛ́bɛ na li yɛlɛ bi yaʔa lè.

Danyɛli 6:23

Mii Kolocɔlɔw n wi nyɛ̀ʔɛni tunduɔn tun a wi baa càarabèle nyɔ́ɔyɔ pwɔɔ n tɔ́n, níì cán mii n pye tɛɛlɛ fun wi yɛʔɛ̀ ma, mii si ga wɔ́ɔ̀ kapeʔe faala pye mɔ yɛ́ʔɛ ma í, ee fànʔafɔw.»

Matye 22:6

A wozanbèle wi púlobèle cò n wɔʔɔ níì be kpóo.

Matye 23:34

Koro na ye wéle, mii a ra kanyaajoobèle, ní sícilibèle, ní làlwaw sɛ́bɛwelebéle tungu yele ma. Yele si a ba ra be pèle kúu, si wɔ́ɔ ra pèle kóri tiipariyi na, sáā pèle kpúmɔn ní sapiigèlē ní yele sérikpaayi ni, sáā be wɔʔɔ da máari kěyi ni.

Matye 5:13

«Yele i nyɛ dulunyanw sólomɔ, kàjáa sólomi tàanma ga kwɔ́ɔ, nyàʔá ní syɔɔn a ní bi sámaga bi tɛ́nɛ? Pi a ní yafyɛn nyɔɔ í, fwɔɔ pe bi wáa kàfugi na syɛ́ɛnbèle í da tánʔana.

Zyan 15:20

Ki n yɛlɛ yaa mii syɛ́ɛnri sɔ̀ngí yaa taagi, dee mii da joo yele ma lè níì jo, puloo a gbǎn kpɔ́ʔɔ sɔ̀lɔ wi kàfɔlɔ na í. Kapye pe n mii wɔʔɔ, pe a wɔ́ɔ yele wɔʔɔ, pe si ga mii syɛ́ɛnri lóʔo, pe a wɔ́ɔ yele wóri lóʔo si di cò.

Zyan 16:2

Pe a kɔ́ ra yele nɛnɛ be sérikpaayi na. Alí làlaa a kɔ́ ba pye syɔɔnwaa ga yele wàa taa n kpóo, wee bee a ra sɔ̀ngí Kolocɔlɔɔ fáli woro kpéʔele nya.

Kapyegèle 1:8

Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

Kapyegèle 13:1

Kanyaajoobéle ní tamafɔɔlɔ maa pye Antyɔsyi Egiliziw ni, pe i wàa yiri Barinabasi, ní i wee yiri Simeyɔn, ní wɔ́ɔ i wi yiri Nizyɛri, ní i wee yiri Lusyusi, woro maa pye Sirɛni ye wóo, ní i wee yiri Manayɛn, woro ní Herodi wi pye lè tári fɔ́lɔ, pe maa pínɛ n lɛɛ kpaanijanga ni, ní i wee yiri Sɔli.

Kapyegèle 13:36

Davidi maa tɔ̀nɔ n báara Kolocɔlɔɔ ma wi lǎli ni n yɛlɛ ní Kolocɔlɔɔ funzɔngumi ní, ní náà ŋúnɔ n fàra wi toolɛɛbèle na, níì fɔ́nʔɔ.

Kapyegèle 2:47

ní i Kolocɔlɔɔ kpɔ̀ʔɔrɔ́, a be kéeli syɛ́ɛnbèle myɛ dɛ́nɛ. Bele be syoo lè, a Kàfɔw i bele bee fàrá Egiliziw na canʔa o canʔa.

Kapyegèle 22:20

Lǎli ni be Etyɛni sìsyaanw wo lè, woro wee wi da ni mɔ séeraw kpéʔele lè, mii tiimaa maa pye yaà, mii maa yére ní wi kpóofɔbèle ní, ní i be búroyi kɔ̀rɔsíi.›

Kapyegèle 26:10

Koro si mii da wɔ́ɔ ni kpéʔele Zyerusalɛmi ni, mii maa ni Kolocɔlɔɔ syɛɛncanbèle saʔa nii kàsow ni, àmɛɛ sáriga-wòlobèle kàfɔɔlɔ da fǎngi bee kaan mii ma lè, pe ga ni caa bi wàa kpóo, mii n wɔ́ɔ̀ yére gi ni.

Kapyegèle 5:18

a be baa pìitunbèle cò n sáà le kàsokpaakpɔɔgi ni.

Kapyegèle 5:20

«Yaa syée ye sa yére kpɔ̀ʔɔrɔli kpaʔa ni, yaa sìitelew naa syɛ́ɛnrɛ myɛ nyuu syɛ́ɛnbèle ma.»

Kapyegèle 5:33

Amɛɛ be syɛ́ɛnri bee lóʔo lè, a fúnyi tanʔa be na fwɔɔ n baa sɔ̀lɔ, a be i sɔ̀ngí bi be kpóo.

Kapyegèle 5:40

A be pìitunbèle yeri n baa kpúmɔn, níì be pye pe a ní kɔ ra nyuu syɛ́ɛnbèle ma Zyezu mɛ́ɛgi na í, níì be yaʔa.

Kapyegèle 7:38

Mowiziw bee wi da pye syɛɛnkpoʔolomi nínge ni fìími tára ni, ní i nùuní nyɛ̀ʔɛni tunduɔn na, wee wi da ni nyuu lè ní wi ní Sinayii nyanbelegi na, ní wɔ́ɔ i nùuní wolo tóolɛɛbèle na, woro wi sìíw syɛ́ɛnrɛ lóʔo n baa joo wolo ma.

Kapyegèle 7:54

Lǎli ni be kérigèle bee lóʔo lè, a fúnyi tanʔa be na fwɔɔ n baa sɔ̀lɔ, a be i gǎngèle kúru wi kánmi na.

Kapyegèle 7:58

n kíle n yirige kěgi ni, n sa ni wi wábagi ní kàdɛnɛri ní kàfugi na. Séerafɔbèle maa be búroyi wòlo n cáan nìgɔcariwaa taana, pe i wi yiri Sɔli,

Kapyegèle 8:14

Pìitunbèle be pye yaà lè Zyerusalɛmi ni, a pe ga gi lóʔo Samarii ye n Kolocɔlɔɔ syɛ́ɛnri lóʔo níì di cò, a be Pyɛri ní Zyan tórigo yaà be ma.

Kapyegèle 8:2

Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na.

Kapyegèle 8:4

Bele be cariga lè a poro i syée tɛ́ɛyi myɛ ni n sa ni Syɛɛnjóocǎnri nyuu yaà.

Kapyegèle 8:5

Filipi si maa tìgi n kári Samarii kègaa ma n sa ni Kirisi kéeli nyuu yaà syɛ́ɛnbèle ma.

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

Filipikaʔa ye 1:12

Ni senyɛ̀nnɛ, mii i caa yele í gi cán bi cán kérigèle gele ge kpéʔele mii na lè, gele bee n gi kaan a Syɛɛnjóocǎnri kári yɛʔɛ ma n sɔ̀lɔ.

Heburubèle 11:27

Tágali báriga ni wi da yiri Ezyipiti ni, wi ga fyáa fànʔafɔw fundanʔara na í. Níì cán wi maa ni kpàracogo kpéʔele, mɔ a jo wi i Kolocɔlɔɔ nyaagi, woro wee wi lè syɔɔn o wi nyaagi í.