Kapyegèle 7:2 - Cebaara Bible 2010

² A Etyɛni be yari: «Mii senyɛnbèle, ní mii tóobèle, ye lóʔo! Kolocɔlɔɔ wi lè nìjangbɔɔri fɔ́lɔ, wi maa wiyɛɛ dɛ̀ɛn wolo tóow Abirahami na lǎli ni wi da pye lè Mezopotamii ni, sáni wi sa tɛ́ɛn lè Karan ni.

Kapyegèle 7:2 Iomraidhean Croise

Sélimɛ 11:31

A Tera wi jáaw Abirami kɔ́ri n pínɛ ní wiyɛɛ ní n fàra wi pìinyanbiigi Lɔti na wi lè Haran jáaw, ní Sarayi wi lè wi pìíw Abirami céw. A be pínɛ n yiri Uri kěgi ni ki lè Kalide ye wógi bi kári Kanaan tári ma. A be sáà nan Karan na níì tɛ́ɛn yaà beè.

Sélimɛ 12:1

A Yawe gi joo Abirami ma níì wi pye: «Ki n yɛlɛ mi yiri mɔ tári, ní mɔ kegi, ní mɔ tóow kpaʔa ni. Táree mii a tɛ̀ɛn mɔ na lè, maa syée dee bee ma.

Sélimɛ 12:5

Abirami maa wi céw Sarayi kɔ́ri n fàra wi senyɛnw jáa na wi lè Lɔti n kári. A be wɔ́ɔ̀ púlobèle myɛ kɔ́ri, bele be taa n be yaʔa Karan ni lè, n fàra be lɔ́ri myɛ na. A be yiri yaà beè ni syée Kanaan tári ma. A be i syée fwɔɔ n sáà nan Kanaan tári na.

Sélimɛ 15:7

A wi níì wi pye: «Mii wi nyɛ Yawe, mii wee wi mɔ yirige lè Uri kěgi ni ki lè Kalide ye wógi, bi ba tári naa kaan mɔ ma di pye mɔ wóro.»

Sélimɛ 29:4

A Zyakɔbi si bànaʔabèle yíbe níì jo: «Ni senyɛ̀nnɛ sán yele yìri?» A be jo: «Karan ma.»

Nehemii 9:7

Mɔ wi nyɛ Yawe, wi lè Kolocɔlɔɔ, mɔ wi Abirami nyɛ́nɛ n wòlo, níì wi yirige Uri ni, ki lè Kalide ye wógi, níì wi mɛ́ɛgi le Abirahami.

Ŋúnuyi 24:10

Wìí wi nyɛ Nìjangbɔɔrɔ Fanʔafɔw bee? Yawe wi nyɛ lè Nyɛ̀ʔɛni Sùlasiibéle Kafɔlɔ, woro wi nyɛ Nìjangbɔɔrɔ Fanʔafɔw bee! Ŋɔ́ndaala

Ŋúnuyi 24:7

Ye yele nyúnyi yìrige, kpàánweeli kɔ̀riyɔ. Kpàánweeli bàngwɔɔ kɔ̀riyɔ, ye múgu yaà! Nìjangbɔɔri Fànʔafɔlɔ a jée!

Ŋúnuyi 29:3

Yawe yákpoli i lúro lǒyi ǹjoʔo ni, nìjangbɔɔri Kolocɔlɔɔ n nyɛ̀ʔɛni pye li i fologi ni kabagi. Yawe i nyɛ lòkpoloyi ǹjoʔo ni.

Ezayi 37:12

Syɛɛnfeleyee mii toolɛɛbèle kálagi lè a yi kolocɔlɔbèle gbàn lé n yi syɔɔ yi lè Gozan ye, ní Haran ye, ní Eresɛfi ye n fàra Edɛn yòdaʔayi wòolo na be pye lè Telasaari ni?

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Ezayi 6:3

A seerafɛɛnbèle i yákpogèle wáa ni gi nyuu peyɛɛ ma níì jo: «Yawe wi lè Nyɛ̀ʔɛni Sùlasiibéle Kafɔlɔ, woro wi nyɛ Wojanw, Wojanw, Wojanw. Tári myɛ n nyìn wi nìjangbɔɔri na.»

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Luki 2:14

«Kolocɔlɔɔ na kpɔ̀ʔɔrɔli yɛlɛ wi lè ǹjoʔo ma tɛ́ɛyi myɛ ni, yɛɛ̀nyingi si pye tári na wi syɛɛn-nidaanmabèle ma.»

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 12:41

Ezayi maa Kirisi nìjangbɔɔri nyaa, koro na wi da kérigèle bee joo, níì cán woro kéeli wi da joo.

Kapyegèle 22:1

«Mii senyɛnbèle, ní mii tóobèle, ye mii syɛ́ɛnri lóʔo dee mii a joo lè tɔ́ɔliw ni bi mii kéeli tɛ̀ɛn yele na.»

Kapyegèle 23:7

A Pɔli ga syɛ́ɛnri bee joo, a kàkabalagi fala n yìri Farisibèle ní Sadusebèle nínge ni, a koro gi kaan syɛ́ɛnmi sɔ̀ngurɔ ga níì pínɛ í.

Kapyegèle 7:1

A sáriga-wòlobèle kàfɔgbɔɔɔ wi pye: «Kérigèle naa be joo lè nya, kányɛʔɛ gi lé?»

1 Korɛnti ye 2:8

Dulunyanw naa fànʔafɔwaa faala ga bi cán í. Níì cán pe ga maa bi cán, pe mǎà dée fɔ̀lɔ bi Kàfɔgbɔɔw kpóo tiiparigi na í.

Efɛzi ye 1:17

jàngó wolo Kàfɔw Zyezu Kirisi Kolocɔlɔw, wi lè nìjangbɔɔri Tofɔlɔ, woro í sícilimɛ fúnyo kaan yele ma, sáā wi kérigèle tèé yele na, koro ga pye yele í wi sámaga cán.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Zyaki 2:1

Ni senyɛ̀nnɛ, yele bele ye tága lè wolo Kàfɔw Zyezu Kirisi na, woro wee má nìjangbɔɔri nyɛ lè, ki ga yɛlɛ yele í da wi kólogi táanri sáā syɔɔnwaa yirigi wàa ni í.

Zyozuwe 24:2

Lǎli bee ni a Zyozuwe syɛ́ɛnmi myɛ pye: «Yawe wi lè Isirayɛli ye Kolocɔlɔw, wi n jo: ‹Booma ni yele tóolɛɛbèle maa pye wodɛ́ɛnbéle ní cábigi jelige na pe lè Tera kpáagi wòolo wi lè Abirahami ní Nahɔri tóow. Pe maa ni báara kolocɔlɔbèle pèle nikwɔɔlɔ ma.

Tɛ̀ɛnnɛ 4:11

«Nìjangbɔɔri, ní kpɔ̀ʔɔrɔli, ní séew n yɛlɛ mɔ na, mɔ wi nyɛ lè wolo Kàfɔw ní wolo Kolocɔlɔw, níì cán mɔ wi yáriri myɛ faan, ki i nyɛ mɔ nyɛ́nɛ kéele di pye beè, mɔ n di faan n yɛlɛ ní mɔ nyɛ́nɛ kéeli ní.»